LALEHAN TANIS

Udan no anin ne’ebe mai lori mata we’en

Ohin sai mai ami prizaun ida ne’ebe hasulan ami
iha kanek ne’ebe naruk.
O Lalehan ne’ebe nakukun.
O Lalehan ne’ebe tanis.
Se’e mak ami ne’e?
Ami lian nia Hakilar no buka dalan ba ne’ebe ami atu ba?
No iha ne’ebe ami hadera a’an ba?
Maibe ami lian mamuk.
Maibe ami liak laek.
Maibe ami tuku tu’ur.
No halerik ida ne’ebe ohin ami senti,
Lori mai ami, mata we’en ne’ebe naksulia a’an
hodi habokon ami hasan ne’ebe sala laek.
No ami hatene,
Ami ne’e se’e?
No ba se lo’os ami atu husu tulun?
Ohin HAU, O, NIA, SIRA NO ITA….
Iha hodi halo determisaun ba asaun ne’ebe mak hanesan
“hakarak” no “hili” tuir fuan ki’ik nia haruka
kona ba saida mak hafalun a’an ona iha kapítulu per-kapÍtulu salmo nian.
No hodi hakilar ba Lalehan ne’ebe a’as no dehan;
“Nai… hakuak metin hau ba!
Nai… kaer hau liman ne’e ba!
Nai… hasai hau husi tahu laran ida ne’e ba!
Nai… hasai hau husi we’e merak laran ida ne’e ba!
Nai… hasai hau husi Tasi laran ida ne’e ba!
Nai… hamaran hau mata we’en ida ne’e ba!”
No husi O tanis nia Lalehan ami klamar tauk.
No husi O tanis nia lalehan ami lian laek.
No husi O tanis nia lalehan ami mata we’en naksuli a’an.
No Nai…hamaran ba ami mata we’en sala laek ida ne’e!
Horik ba iha ami nia susar no terus,
No ba O, no iha O, ami i’is moris.
Iha O ami nia Salvasaun!
Husi O tanis nia Lalehan,
husi ami tanis nian ba O,
ami nafatin hananu Salmo Alleluia.
Alleluia mak ami hotu nia Hananu ba O
hanesan Hananu murak moris foun nian.