2

Meranaw
Quarter 1: Module 1
Week 1 (So Lalayon Kaphamangped Igira Aden
a Pembatiyaan a Thothol Makapantag sa
Kabegay sa Mosawir Ago Pakaisha a
Phagosaran sa Tarotop a Katharo; So
Kapamatiya Lalayon sa Spelled Multi-syllabic a
manga Katharo.

Kagawaran ng Edukasyon ⚫ Republika ng Pilipinas

Meranaw- Grade 2
Alternative Delivery Mode
Quarter 1 -Modyol 1: (So Lalayon Kaphamangped Igira Aden a
Pembatiyaan a Thothol Makapanatag sa Kabegay sa Mosawir ago
Pakaisha a Phagosaran sa Tarotop a Katharo; So Kapamatiya
Lalayon sa Spelled Multi-syllabic a manga Katharo)
Unang Edisyon 2020
Paunawa hinggil sa karapatang-sipi.Isinasaad ng Seksiyon 176 ng Batas
Pambansa Bilang 8293: Hindi maaaring magkaroon ng karapatang-sipi sa ano
mang akda ng Pamahalaan ng Pilipinas. Gayon pa man, kailangan muna ang
pahintulot ng pamahalaan o tanggapan kung saan ginawa ang isang akda
upang magamit sa pagkakakitaan ang nasabing akda. Kabilang sa mga
maaaring gawin ng nasabing ahensiya o tanggapan ay ang patawan ng bayad
na royalty bilang kondisyon.
Ang mga akda / materyales (mga kuwento, seleksiyon, tula, awit, larawan,
ngalan ng produkto o brand names, tatak o trademarks, palabas sa telebisyon,
pelikula atbp.) na ginamit sa aklat na ito ay sa nagtataglay ng karapatang-ari
ng mga iyon. Pinagtibay sa isang kasunduan ng Kagawaran ng Edukasyon at
ang kumakatawan sa paghiling ng pahintulot sa nagmamay-ari ng mga akdang
hiniram at ginamit dito. Hindi inaangkin ng kinakatawan ng tagapaglathala
(publisher) at mga may-akda ang karapatang-aring iyon.
Inilathala ng Kagawaran ng Edukasyon -Sangay ng Dibisyon ng Lungsod ng
Marawi Tagapamanihala ng mga Paaralan: Pharida L.Sansarona , Al-Hadja

Mga Bumuo sa Pagsusulat ng Modyul ng Mag-aaral sa MTB-MLE 2

Author : Hanifah Mia Pundamudag Dimaampao
Illustrator and Layout Artist: Hanifah Mia Pundamudag Dimaampao

Editor: Mona Miscille T. Domato, PhD

Management Team
Chairperson: Pharida L. Sansarona
Schools Division Superintendent
Co-Chairperson Baesarom A. Domato, JD
Assistant Schools Division superintendent
Mona Miscille T. Domato,PhD
MTB-MLE, Division Coordinator
Inilimbag sa Pilipinas ng: ______________________
Department of Education – Division of Marawi City
Office: APCES Compound, Brgy Buadi Sacayo, Marawi City
Telephone Nos.: 09166803943
E-mail Address: lrmds.mcd@gmail.com
 2
Meranaw
Quarter 1-Module 1, Week 1:
(So Lalayon Kaphamangped Igira
Aden a Pembatiyaan a Thothol
Makapantag sa Kabegay sa Mosawir
ago Pakaisha a Phagosaran sa
Tarotop a Katharo; So Kapamatiya
Lalayon sa Spelled Multi-syllabic a
manga Katharo.)
Ngaran: ___________________________

Ang modyul na ito ay magkatuwang na inihanda at sinuri ng mga

edukador mula sa mga publikong paaralan ng Departamento ng
Edukasyon. Hinihikayat namin ang mga guro at ibang nasa larangan ng
edukasyon, mga magulang na mag-email ng inyong mga puna at sa
Kagawaran ng mungkahi Edukasyon sa ____________________.
Mahalaga sa amin ang inyong mga puna at mungkahi.
 Kagawaran ng Edukasyon ● Republika ng Pilipinas
Sii ko Pekhababayaan Ami a Iskowila,

Giyangkaya a modyol a phaganadan para ko Grade 2 a MTB-

MLE na piyangbaalan sa basa a Meranaw para kano makasowa.

Aya antap saya na malalayon so babaya ka ko

kaphamangped igira aden a pembatiyaan a thothol na
makasembag ka sa tarotop a katharo igira aden a ipagisha reka
ago malalayon so kapamatiya ka sa spelled multi-syllabic a manga
katharo.

Aya programa imanto a Department of Education sangkaya di

tano kasosorot sabap sa makadadayamang a paniyakit a
iningaranan sa COVID-19 na di pasin khapakay oba minggolalan so
face to face tano sa iskowilaan,maana di pasin khapakay oba tano
peshong ko manga iskowilaan tano.

Sabap saya na aya mapiya miyapamikir o manga poporo

tano sa DepEd na Distance Learning misabap ko Modular Distance
Learning a sowan tano taman sa di maaden so bakona a kinanglan
tano.

Giyai kiyasabapan a kiyambaali sa modyol aya.

Imbegay ko a manga lokes iyo para mapamatiya ago

miphamangdao niyan reka so di niyo ron kasabotan sii ko manga
sembagen a manga pakaisha a mapapadalem sa modyol aya.

Siyapen tano langon o Allah S.W.A..

Pangninta ko Allah a makasowa ka sa modyol aya.

Teacher Hanifah Mia

Author
 TALAAN NG MGA NILALAMAN
Pahina

COVER PAGE
COPYRIGHT PAGE
PREFACE
TITLE PAGE
TABLE OF CONTENTS

Phaganaden 1 – So lalayon kaphamangped igira aden a

pembatiyaan a thothol makapantag sa kabegay sa
mosawir ago pakaisha a phagosaran sa komplito a
katharo; So kapamatiya lalayon sa spelled multi-syllabic a
manga katharo.

a. Kinanglan a Masowa Aken 1

b. Antonaa i Katawang Ko 2
c. Thanodang Ko 3
d. Phaganadeng Ko 4
e. Antonaonon Aya 5
f. Pakalantasen 5
g. Manga Pamikiran Para ko Pephangendao 6
h. Galebeken Aken 7
i. Tepengang Ko
j.Ipephagoman a Penggalebeken

References
Phaganaden So Lalayon Kaphamangped Igira
Aden a Pembatiyaan a Thothol

1 Makapantag sa Kabegay sa
Mosawir ago Pakaisha a
Phagosaran sa Tarotop a manga
Katharo;
So Kapamatiya Lalayon sa
Spelled Multi-Syllabic a manga
Katharo.

Kinanglan a Masowa Aken

Antonaa i Mapapadalem sa
Giyang ka i a Modyol

Iphagpoon

Assalamo alaikom,mapiya gawii reka! Isa peman a pito

gawii a iphaganad ka ko kaosara ko basa tano a Meranaw.

Mapasad ka maganad a giyangkai a modyol na aya

maphiphikir a kasowaa ka na giya phakatondog a manga

kapasang.

a. So lalayon kaphamangped igira aden a pembatiyaan a

thothol makapantag sa kabegay sa mosawir ago pakaisha
a phagosaran sa tarotop a katharo.
b. So kapamatiya lalayon sa a manga katharo.
 Aya mashishinganin saya na mapakaolad ka so sowa
aka ko kaphagosara ko basa a Meranaw ko kinggolalanenon
sa giya miyangaaaloy a kapasang.

Antonaa i Katawang Ko
Antonaa den i Katawang ko?

Batiyaang ka giya manga katharo sa baba.

bai binaning bayok

dato gadong onor
poso matiboron mamis
biro rambayong browa
ampas antowiras kolintang
korit bandiritas debakan
pandi patirogo agong
tabak telo i rogo kalilang
landap randang bandira
mariga omi tangila
mata kapi bok

Mapiya ka mininggolalan ka giyaya a galebek, kiyatanodan

ka malo so miyasowa ka ko miyaipos a ragon a makapantag ko
kapamatiya sa CVC a manga katharo.

Thanodang Ko

Sii ko miyaona a ragon na inipamangdao reka so kambaal sa

antoka. Tepengan tano somembag a giyangkai a
phamakatondog a antoka.

1. Antonaa i khakaptan i diyowang a di khakaptan i

kawanan?
 2. O mathangka ako, na limo ako ko manga inaden.
Na o makaala ako, na phakabinasa ako ko manga
inaden.

3. Mapiya ko kapanaantaman o maito, na di mapiya o mala.

4. Maitem a ig ami sa walay, mapiya o mayaw, na di mapiya

o matenggaw.

5. Aden a lima aken ogaid na di ako phakapalakpak.

Mapiya ka miyaosar ka so kapasang ka sa kapangantok a

minipangendao reka ko miyaona ragon.

Phaganadeng Ko

Batiyaan tano a giya mababa a thotholan makapantag ko

kandato. Antonaa mangaday i peshowaan igira kandato?
Antonaa pekhailay igira kandato? Antonaa i pekhaneg igira
kandato? Antonaa i kandato?

Kandato
Inisorat ago initogalin sa basa a Meranaw i: Hanifah Mia
Pundamudag Dimaampao

Miyakanaw ako sabap ko miyakapipiya a oni a kalilang ago

miyakatanotanog a oni pen o kolintang, debakan ago agong.
“Aydo! Miyagpoon den bes so parid sa kandato!”
Romiyongaw ako sa rowasan.
 “Miyakadakel dakel a warna a manga bandiritas a ropaan
pen a telo i rogo!”
Inikadalidali aken na lominiyo ako sa walay ami.
Madakel pen a miyailay aken a bandira ago manga pandi sa
liyo.
Pinggagaisa aken manorotoro a pagosaren aken a lima
aken.

Pakaisha:
1. Antonaa miyangaiilay o wata sa giyanan a thothol a
biyatiya?
2. Antonaa pen i miyangaaneg iyan?
3. Antonaa pen mangaday khailay niyan sa kiyaliyo niyan sa
walay iran kagiya ko maneg iyan so kalilang?

Itaros tano so thothol…

“Kiyadakel dakel pen a ropaan a patirogo. Kiyapiya a manga

warna, aden pen a warna ron a binaning, biro ago mariga.”
Miyatembang ako sa manga pekhailay aken. Lagid pen o oni
a kolintang na miyakapiyapiya a phamamakinegen sa tangila.
“Aydo! Manga ala ago manga iito a pandi!”
Miyobay ako ron a phangapetan aken siran.
“Korit, rambayong ago gadong a manga pandi!”

Pakaisha:
1. Antonaa i anggawta o lawas i miyaaloy a miyakaogopon
a miyailay niyan so parid sa kandato?
2. Antonaa i manga warna o pandi a miyailay niyan?
3. Inoto mangaday pelintad so melilibeta ko wata sa
thothol?
 4. Antonai miyaneg iyan?

Itaros tano so thothol…

Miyamemesa ako kagiya ko baden lominintad a melilibeta

raken. Aden a pekhaneg aken.
“Matayaan ago mananaw a lago!”
Phimbabanog aken den anda makapopoon a lago oto.
Miyailay aken a barambarang a warna sii sa stage a
lelembaan sa phithibarangan a mamandiyang. Pekhaneg aken
den a manga lalis ago manga bitiyara o manga taw. Moontod
mambo so manga dato ago manga bai a sangkadan sa gerar a
somosolot siran sa pekindat a manga bangkala. So pen bes so
manga diimbabantay na barambarang mambo a bangkala
sosoloten iran ago landap.
Mipoon den bes so bayok o onor.
“Seka niyan bes i miyakapiyapiya, matayaan ago
mananaw i lago!”

Pakaisha:
1. Antonaa i kisosoloten o manga dato ago manga bai a
sangkadan sa gerar?
2. Antonaa i ipembetho ko ilelemba sa stage a miyailay o
wata sa thothol?
3. Antawaa i aden a lago niyan a miyakapiyapiya, matayaan
ago mananaw?
4. So manga diimbabantay, ba siran mambo somosolot sa
pekindat a bangkala ago landap?
5. Antonaa mangaday i pekhabaw o wata sa thothol?

Itaros tano so thothol…

 Miyangilay-ilay ako ka aden a pekhabaw aken. Miyailay
aken a manga mama ago manga babay a kisosolot mambo sa
pekindat a manga bangkala a dimamemegay sa mamis ago
mayaw a kapi a sii tatagoon sa manga matiboron a tabak a
aden a ampas iyan.
“Wow! Browa a patirogo ago aden pen a mayaw ron a
kapi.”
Mapiya den a katataama ko ron sa inibegay iran raken a
mamis ago kapi.
Miyaling ako a naba giyayabo a tiyan aken i miyaosog ka
bapiya so pangilaylayan aken ago pamamakinegan aken na
miyaosog.
Miyakaoma ako sa walay na magaan den a kapagishai
raken i Omi aken a Hanifah Mia.
“Andaka makapopoon, Hisham?”
“Mimbantay ako sa parid, Omiaken.”
“Aydo,inatingatingan ka. Phaigo ka daan. Kataya so
towaliya.
Minggagaan ako mambo somoled sa banyo na miphaigo
ako.
Miyakapasad ako na sii ako mananaros ko pagalongan ka
linimpiyowan akenon a dowa tangila aken ago siyalday aken pen
a bok aken.
Mimbangkala ako.
Miyaneg aken si Omiaken.
“Songka saya den Hisham ka khan tano!”
Mapipiya a ginawaken a phakapalalagoy ako pen sa
kapeshong aken sa tolang ami. Miyabaw aken den so
pekhababayaan aken a randang. Da ko den maribat. So mapiya
i taam a randang na aya initinda i Omi aken.
 Antonaonon Aya

Antonaa, miyasabot ka antonaa i piyanothol ko thothol a

Miyabatiyaa o di na piyanothol reka? Sembagang ka giya
phamakatondog a pakaisha.
1. Antawaa so wata ko thothol?

2. Antawaa i miyangaaaloy a manga taw ko thothol?

3. Anda miyanggolaola so thothol?

4. Antonaa i miyaneg i Hisham a kiyasabapan a kiyapakanaw

niyan?

5. Antonai miyangaiilay niyan kagiya ko lomiyo sa walay iran si

Hisham?

6. Antaonaa i peshowaan ko kandato?

7. Antonaa i manga anggawta o lawas a miyakaogop ki

Hisham para mapiya a kiyailaya niyan ko parid sa kandato
ago kiyapakaneg iyan?

8. Antonaa i initinda i Omi iyan a pekhababayaan iyan?

9. Sii ko thothol a biyatiya, miyaaloy ron a lompiyo a wata si

Hisham ago mapaparatiyayaan sa Omi iyan. Antonaa i
siyowa i Hisham ko makaoma sa walay? Pangaloy angka.

Mapiya ka miyasembag ka langon so pakaisha a

phagosar ka sa tarotop a katharo.
 Pakalantasen

Batiyaang ka phiyapiya so phamakatondog a pakaisha

na gong ka galebeka so phamangniin o oman i isa a galebek.
1. Antonaa so manga warna a miyaaloy ko thothol?

______________ _______________
______________ _______________
______________ _______________
2. Antonaa so manga ropaan a miyaaloy ko thothol?

______________ ______________ ________________

3. Antonaa so manga anggawta o lawas a miyaaloy ko

thothol?

___________________ _____________________

___________________ _____________________

4. Antawaa i manga taw a miyaaloy ko thothol?

___________________ _____________________
___________________ _____________________
___________________ _____________________
___________________ _____________________
 Manga Pamikiran Para Ko
Pephamangendao

Thanodan!

Aya mapiya na igira aden a pembatiyaan a thothol na

lalayon pephakamakinegen ago pephakaphamangpeden so
iskowila igira aden a pakaisha na sembagen piyapiya a
phagosaran sa tarotop a katharo ka aden masabot piyapiya
antonaa i sembag ko omani pakaisha.
Malalayon pen so kapamatiya sa spelled multi-syllabic a
manga katharo ka aden pephakaolad ago pekhalayam so dila
mamatiya. Ghalebeken Aken
So kapamomolaan sambarambarang lagid o manga
onga a sapad,prutas ago manga kamo na isapen a mapiya
sabap sa diden kinanglan so kapamamasaan sa lelethaan ka
adenden a map.

Galebeken Aken

Batiyaang ka piyapiya giyaya a phamakatondog

a spelled multi-syllabic a manga katharo.

antowiras ampas agong bayok

binaning biro kalilang kandato
kolintang korit debakan gadong
landap mamandiyang mariga matiboron
Omi onor patirogo rambayong
randang tabak telo i rogo towaliya
 Tepengang Ko

Tharotopen so manga katharo.

Tarotopang ka so manga katharo ko goris a makapopoon ko
thotholan.

1. Aya ngaran o wata ko thothol a biyatiya na si ____________.

2. Aya initinda i Omi iyan a Hanifah na so pekhababayaan i

Hisham a _______________.

3. Madakel a warna miyaaloy sii ko thothol lagid o

___________,_____________, _______________,_____________,
____________, ago____________.

4. Manga ropaan a miyaaloy mambo ko thothol lagid o

___________, ____________ ago _______________.

Sompat a Galbek

Kowaka sa lompiyo a karatas.

Aya penggalebeken ka na itholad ka ko karatas so peshowaan
sa kandato a miyaaloy ko thothol na tagowan ka sa warna.
Reference
MTB Most Essential Learning Competencies

Answer Key

Thanodang ko
1. 2. 3. 4. kapi 5.

Antonaonon Aya
1. Si Hisham so wata ko thothol.
2. Saki Hisham, Omi Hanifah, manga dato a sangkadan sa
gerar , manga bai a sangkadan sa gerar, manga
diimbabantay, manga mama dimamegay sa mamis ago
kapi, manga babay a dimamegay sa mamis ago kapi ago
so onor.
3. Sii miyanggolaola so thothol ko liyo a walay saki Hisham.
4. So miyakapiyapiya a kalilang ago miyakatanotanog a
kolintang, debakan ago agong i miyaneg i Hisham a aya
kiyasabapan a kiyapakanaw niyan.
5. Aya miyailay i Hisham kagiya ko lomiyo sa walay iran na so
manga bandira ago pandi.
6. Aya peshowaan sa kandato na peshangkadan sa gerar so
manga dato ago manga bai a kapapatotan ko kandato.
7. Aya manga anggawta o lawas a miyaaloy ko thohtol na so
mata i Hisham a kiyasabapan a kipakhailay niyan sap arid
ko kandato ago tangila niyan a kiyasabapan mambo
kiyapakaneg iyan
8. Aya initinda i Omi iyan na so randang a pekhababayaan
iyan.
9. Aya siyowa i Hisham ko miyakaoma sa walay ko mapasad
siran bitiyarai ki Omi iyan na kinowa niyan so towaliya a
inibegay ron i Omi iyan ka phaigo sabap sa inatingatingan,
 miyakapasad phaigo na miyanaros ko pagalongan na
linimpiyowan iyan a tangila niyan na siyalday niyan pen a
bok iyan na go bo song sa tolang kagiya ko maneg iyan a
tiyalowan seka niyan i Omi iyan ago mabaw niyan so initinda
pen i Omi iyan a randang

Pakalantasen

1. binaning, biro, mariga, gadong, rambayong, korit

2. telo i rogo, patirogo, matiboron
3. mata, tangila, bok, tiyan
4. Hisham, Omi Hanifah Mia, manga dato a sangkadan sa
gerar, manga bai a sangkadan sa gerar, mang
diimbabantay, manga mama a dimamemegay sa mamis
ago kapi, manga babay a dimamemegay sa mamis ago
kapi, onor

Tepengang Ko
1. Hisham
2. randang
3. binaning, biro, mariga, gadong, rambayong, korit
4. telo i rogo, patirogo, matiboron
 Pimbaalan a Marawi City Division

sa kinipagogopaan iran sa gobirno a Lanao del Sur ago giya Marawi City.

For inquiries or feedback, please write or call:

Department of Education – Marawi City Division

Office Address: APCES Compound, Brgy Buadisacayo, Marawi
City
Telephone Nos.: 09166803943
E-mail Address: lrmds.mcd@gmail.com