Professional Documents
Culture Documents
Arbores Con Historia
Arbores Con Historia
Antecedentes
Descrición
Esta posta en valor e uso turístico destes recursos naturais, mediante o deseño
de estratexias de promoción e divulgación en sintonía coa preservación do
medio, permitiranos construír escenarios de emocións, tempo e tradicións onde
a protagonista sexa a árbore senlleira que os relaciona.
Medra o tronco sen ramificarse ata a altura de 2,90 m, onde se forma a cruz, da
que saen tres grandes brazos que medran case verticais, os cales se ramifican
sucesivamente para configurar unha copa globosa, equilibrada e de grandes
dimensións. Na cruz obsérvanse cicatrices que mostran que nun pasado non
distante a copa a formaban un maior número de pólas.
Provincia: A Coruña
Altura: 24,60 m
O nome vulgar desta árbore do catálogo deriva de que foi plantada conmemorando
a visita a Compostela de dona Isabel Perón. É un exemplar de fermosa arquitectura
que medra dereito cara o ceo, aínda que o tronco perde a verticalidade no seu
tramo medio, pero con tendencia a recuperala novamente.
Provincia: A Coruña
Altura: 22 m
Diámetro de copa: 5 m
Provincia: A Coruña
Esta carballeira fórmana carballos das máis diversas formas, quizais como
consecuencia das podas ás que foron sometidos no pasado para aproveitar a súa
leña e doutros danos sufridos ao longo da súa xa dilatada vida.
Os troncos, retorcidos e con grandes nórregas adornando a súa base, medran sen
ramificación ata unha altura próxima aos 3 m, onde comezan a desenvolver as
copas, con formas e dimensións condicionadas pola proximidade dos seus
conxéneres.
Gran parte dos pés presentan ocos e zonas podres nos lugares nos que se
cortaron ou desprenderon pólas, polo que o estado sanitario é moi variable duns
exemplares a outros, pero unha actuación restauradora sobre as podremias en
troncos e copas sería moi recomendable.
Provincia: A Coruña
Altura: 18,30 m
O xinkgo é unha singular árbore asiática, do grupo das ximnospermas, que amosa
follas planas e caedizas con forma de abano, flores unisexuais dioicas, hai pés
macho e pés femia, e sementes recubertas dunha sarcotesta carnosa fedorenta.
Utilízase adoito como árbore ornamental en parques e xardíns pola súa rusticidade
e polo bonito efecto decorativo das súas follas, que toman unha cor amarela
dourada antes de caer.
Provincia: A Coruña
O que máis chama a atención da formación é que tras 400 anos de historia síguese
respetando o deseño orixinal e os buxos contan cun estado de saúde moi bo.
Provincia: A Coruña
O seu estado sanitario é bo, aínda que a alta densidade do arborado no seu
contorno provocará, se non se remedia, unha mingua volumétrica das copas en
pouco tempo.
Santa Cruz
Provincia: A Coruña
Concello: Vedra
Parroquia: Ortigueira
A pesar de ser unha especie cuxas pólas rompen con moita facilidade, por ter a
madeira moi branda, este exemplar ofrécesenos san, vigoroso e en toda a súa
integridade, chamando a atención o seu porte.
Provincia: A Coruña
Concello: Vedra
Parroquia: Ortigueira
Altura: 10,40 m
Salvo algúns ocos con podremias na base do fuste, o seu estado sanitario é
excelente e a súa morfoloxía abraiante.
Provincia: A Coruña
Concello: Vedra
Parroquia: Ortigueira
Altura: 31,20 m
Amosa un pequeno oco na base do tronco sobre o que sería conveniente actuar
para evitar que as súas dimensións aumenten.
Provincia: A Coruña
Concello: Vedra
Parroquia: Ortigueira
Altura: 34,10 m
Medra o seu tronco indiviso ata 1,10 m de altura e amosa unha fenda vertical que
desde o chan chega ata a cruz, polo que talvez se trata de dous exemplares
soldados polo pé e convertidos co tempo nunha unidade.
Provincia: A Coruña
Concello: Vedra
Parroquia: Ortigueira
Altura: 9,20 m
O buxal está formado por exemplares dispostos en dúas liñas a ambos os lados do
camiño, formando un túnel vexetal. Hai pés de moi diversos talles e con distinta
morfoloxía, que antigamente eran os protagonistas indiscutibles do paseo pero que
agora se atopan asombrados e dominados pola presenza na súa proximidade de
árbores que limitan e mesmo chegan a impedir o seu desenvolvemento.
Provincia: A Coruña
Concello: Vedra
Parroquia: Ortigueira
Altura: 14,2 m
A maior parte das árbores érguense sobre unha grosa plataforma formada pola
parte baixa do tronco e as raíces superficiais, que sobresaen do chan. Case todas
se ramifícan bastante abaixo, a 1-2 m de altura, formando copas abertas e de
grandes dimensións, estrutura sen dúbida inducida a través dos tratamentos
culturais para favorecer a frutificación, pois os seus froitos foron aproveitados ata
tempos non remotos.
O estado sanitario dos exemplares máis antigos comeza a ser preocupante, xa que
amosan esgazamentos de pólas e ocos e zonas podres no tronco, ademais de
ramiñas secas e síntomas de defoliación na copa.
Provincia: A Coruña
Concello: Vedra
Parroquia: Ortigueira
A washingtonia robusta é unha palmeira mexicana con tronco alto e esvelto que
leva no seu extremo un penacho de follas grandes, compostas dixitadas, con forma
de abano. As flores son trímeras, bisexuais, de cor laranxa, e o froito é unha drupa
comestible de cor azul escura. Cultívase como árbore ornamental en parques e
xardíns de Galicia, xeralmente en comarcas de clima suave.
As dúas palmeiras medran dereitas ata alturas de 24,50 e 24,60 m, onde comezan
a formar as coroas, de escasos diámetros, 2,30 e 2,15 m, respectivamente.
Provincia: A Coruña
Concello: Vedra
Parroquia: Ortigueira
Provincia: A Coruña
Concello: Vedra
Parroquia: Ortigueira
Provincia: Pontevedra
Concello: A Estrada
Parroquia: Valboa
Altura: 20,30 m
O seu tronco bifúrcase a 1,20 m de altura sobre o chan, nacendo dúas pólas
principais que forman unha copa globosa, algo diminuída e deformada pola poda
de ramas secas apicais e basais, e por medrar en competencia con outras
camelias, entre as que sobresae, e a carón do edificio da capela do pazo. Os dous
troncos están suxeitos entre eles por unhas varas metálicas para evitar que se
esgace algún deles, xa que a súa unión e feble.
Provincia: Pontevedra
Concello: A Estrada
Parroquia: Oca
Altura: 11,20 m
Diámetro de copa: 7 m
O buxal disponse paralelo á ría, formando unha sebe perimetral ao seu arredor.
Está composta por exemplares de moita antigüidade e valor, sen dúbida unha das
mellores formacións de buxo de Galicia. Son exemplares de grandes dimensións,
pois foron plantados a unha distancia ampla que permite o desenvolvemento da
súa arquitectura copal.
Provincia: Pontevedra
Concello: A Estrada
Parroquia: Oca
Altura: 13,20 m
O tileiro de folla ancha é unha fermosa árbore caducifolia que non chega a Galicia
de forma natural aínda que se emprega adoito en parques e xardíns como árbore
ornamental e de sombra. As follas, cos pecíolos vellosos e con forma de corazón,
son alternas e teñen a beira serrada, leva poucas flores en cada inflorescencia e os
froitos son tomentosos.
Baixo os fustes dos tileiros hai plantada unha sebe de buxos, que achega colorido
ao conxunto no inverno, cando os tileiros están espidos.
Entre os que pertencen á plantación inicial, algúns amosan tocos que testemuñan o
desprendemento de ramas, ademais de grandes ocos e zonas podres, non faltando
síntomas de defoliación e algunhas ramas secas nas copas.
Provincia: Pontevedra
Concello: A Estrada
Parroquia: Oca
Ás dúas ramas que persisten volven a ramificarse pouco despois da cruz, formando
unha copa moi voluminosa e de grande tamaño, de case 14 m de diámetro.
Provincia: Pontevedra
Concello: A Estrada
Parroquia: Oca
Altura: 29,70 m
Pensando no día en que falte, este nobre exemplar reproduciuse, e hai neste terreo
unha sobreira que aínda está lonxe de acadar a maxestuosidade da súa
proxenitora.
Provincia: Pontevedra
Concello: A Estrada
Lugar: Vilar
Altura: 21 m
Provincia: Pontevedra
Concello: Cuntis.
Lugar: Magán-Estacas.
O seu tronco, cun perímetro basal de 2,85 m e cuberto desde a base por pequenas
ramiñas, érguese maxestuoso sobre as demais árbores que a acompañan no
parterre no que está situada, medrando ata 32 m de altura dereito e vertical, pola
competencia á que está sometida a araucaria no xardín. A primeira ramificación
importante aparece aos 10 m de altura, quizais pola competencia xa mencionada e
pola exposición aos ventos dominantes.
O seu estado sanitario é bo, aínda que sería conveniente unha poda de
saneamento na copa para eliminar as ramas secas.
Provincia: Pontevedra
Altura: 32 m.
Provincia: Pontevedra
Altura: 31m
Árbore cun porte maxestuoso, este ciprés acada unha altura de 33 m, pero, aínda
así, quizais sexa o tronco o máis destacado desta notable conífera.
Provincia: Pontevedra
Concello: Meis
Parroquia: Quintás
Altura: 33 m
Sen dúbida estamos ante unhas aliñacións de eucaliptos das mellores de Galicia,
formadas por numerosos pés de fermosa feitura, grandes dimensións e bo estado
sanitario.
de Barrantes
Provincia: Pontevedra
Concello: Ribadumia
Parroquia: Barrantes
Altura: 37, 44 e 32 m
Provincia: Pontevedra
Concello: Pontevedra
Parroquia: Lourizán
Altura: 32,30 m
A metasequoia é unha árbore caducifolia do grupo das coníferas con gran valor
científico, considérase un fósil vivente, e ornamental, pois as súas follas, aciculares
e subdísticas, vístense de fermosas cores antes de caer, amarela primeiro e parda
avermellada máis tarde. As sementes fórmase nun cono leñoso.
Esta especie considerouse extinguida ata o ano 1941, cando se atopou vivindo no
surleste da China. Polo tanto é moi rara a presenza en Europa de exemplares con
máis de medio século de vida. A idade, maxestosidade, dendrometría e excelente
arquitectura converten a metasecuoia de Lourizán nun exemplar único.
Provincia: Pontevedra
Concello: Pontevedra
Parroquia: Lourizán
Altura: 33,20 m
Nome científico: Castanea crenata Sieb. & Zucc.; Castanea mollisima Blume Mill
Provincia: Pontevedra
Concello: Pontevedra
Parroquia: Lourizán
Altura: 17,05 e 22 m
O fuste ramifícase casi desde a base e ten unhas dimensións pouco normais para
individuos desta especie.
Na copa posúe algunhas ramas secas que non parecen afectar demasiado o seu
estado de saúde, sen embargo sería interesante averiguar que causa estas
alteracións para evitar perder o exemplar.
Provincia: Pontevedra
Concello: Pontevedra
Parroquia: Lourizán
Altura: 9,90 m
O fuste ramifícase casi desde a base e ten unhas dimensións pouco normais para
individuos desta especie.
Na copa posúe algunhas ramas secas que non parecen afectar demasiado o seu
estado de saúde, sen embargo sería interesante averiguar que causa estas
alteracións para evitar perder o exemplar.
Provincia: Pontevedra
Concello: Pontevedra
Parroquia: Lourizán
Altura: 35,4 m
Perímetro: 3,03 m
Trátase dunha secuoia de grandes dimensións, sendo unha das de maior altura de
Galicia.
A base do seu tronco está bastante deteriorada polo costume dos visitantes de
golpear o fuste para comprobar se a corteza e branda ou non. A copa está bastante
mermada pola forte competencia que sufre o atoparse rodeada de outra secuoia,
un calocedro e un camecíparis de grandes dimensións.
Provincia: Pontevedra
Concello: Pontevedra
Parroquia: Lourizán
Altura: 43,4 m
Perímetro: 3,40 m
Provincia: Pontevedra
Concello: Pontevedra
Parroquia: Lourizán
Altura: 7,3 m
Perímetro: 1,80 m
O estado sanitario é bo, aínda que todos precisan unha poda sanitaria de limpeza
da ramaxe morta presente nas copas. O parque de xogos infantís que hai nas
Palmeiras vaise trasladar arredor dun dos cedros máis notables, o que está máis
preto da Deputación Provincial, a carón de onde estaba a gaiola das aves.
Agardemos que as cousas se fagan con sentidiño e sen causar dano ao
monumento vexetal.
Provincia: Pontevedra
Concello: Pontevedra
Parroquia: Pontevedra
O fuste está aberto pola metade desde a base ata a cruz, amosando unha enorme
fenda na que se observa madeira morta e moitas galerías de insectos
cerambícidos. A casca está densamente recuberta por brións, couselos e fentas.
Da cruz, situada a 3,40 m de altura sobre do chan, saen dúas grandes ramas que
forman unha copa de grandes dimensións, máis de 21 m de diámetro, máis ancha
que alta, que cruza a estrada de acceso á capela.
Nas súas proximidades había unha fonte milagrosa, na que se lavaban os leprosos
coa esperanza de limparse e curar.
O carballo é testemuña vivente do que foi unha gran carballeira, coñecida co nome
de “Carballeira dos Gafos”, é dicir, dos leprosos.
Provincia: Pontevedra
Concello: Pontevedra
Parroquia: Mourente
Altura: 18,40 m
Provincia: Pontevedra
Concello: Pontevedra
Lugar: Carballeira
Altura: 25,40 m
Diámetro de copa: 11 m
Único exemplar de grandes dimensións atopado en Galicia, polo que o seu interese
é moi alto.
A copa vexeta cara a estrada xa que polos outros lados compite con araucarias,
secuoias, cedros e criptomerias entre outros, todos de maior tamaño que o
metrosideros. A finca é unha colección botánica con gran variedade de especies
exóticas.
Provincia: Pontevedra
Concello: Poio
Parroquia: Poio
Altura: 15,7 m
Perímetro: 1,91 m
Ducias de pequenas ramiñas saen da parede para formar unha pequena copa con
forma ovado-globosa que non se chega a poboar completamente de follaxe,
seguramente pola falta de achegas hídricas e nutricionais e pola incidencia do
vento mareiro.
Conta o padre Sarmiento a historia do Meco, unha lenda dos séculos XV ou XVI.
Este personaxe, cura da vila mariñeira do Grove, era mullereiro, libertino e larpeiro,
e exercía o dereito de pernada. A súa debilidade eran as mulleres, e foron estas as
que o aforcaron colgándoo dunha figueira no monte Siradella. No posterior xuízo,
cando o xuíz preguntou quen aforcara o Meco, os grovenses responderon:
¡matámolo todos!...e a figueira desde aquela dá figos vermellos, pois levan o
sangue do Meco.
Provincia: Pontevedra
Concello: O Grove
Altura: 5 m
Provincia: Pontevedra
Lugar: Deiro.
O fuste, cun perímetro basal de 5,10 m, permanece sen ramificar ata unha altura
de 2,80 m, onde forma a cruz e comeza a ramificarse, nacendo ramas en todas as
direccións, configurándose unha copa aberta, moi equilibrada e de grandes
dimensións, cun diámetro que supera os 22 m.
Siebold
Provincia: Pontevedra
Parroquia: Rubiáns
Provincia: Pontevedra
Parroquia: Rubiáns
O terceiro destaca pola súa morfoloxía e polas súas dimensións, que o converten
no de maior dendrometría de España, seguido polo do Real Xardín Botánico de
Madrid. O tronco, cun perímetro basal de 7,45 m, permanece indiviso ata 3,80 m,
onde saen 3 potentes brazos que conforman a copa.
No interior da copa obsérvanse varias ramiñas secas, así como unha boa
poboación de couselos que medran sobre o tronco e pólas pola cara norte,
denunciando a presenza dalgunhas podremias.
No entorno crecen moitas árbores de gran tamaño, con intensa competencia entre
elas, pero a pesar diso o seu estado sanitario e aspecto xeral son bos.
Provincia: Pontevedra
Parroquia: Carril
Provincia: Pontevedra
Altura: 32,20 m
A palmeira datileira é unha árbore do norte de África que, como case todas as
palmeiras ten un tronco indiviso que leva no seu ápice un penacho de follas, neste
caso de gran tamaño e bipinnadas (de tipo palma). É unha palmeira con
importancia económica polos seus froitos e cultívase tamén como árbore de adorno
en parques e xardíns, pero non é común en Galicia.
Esta palmeira agarda con paciencia, ano tras ano, a reposición da súa parella,
árbore irmá que desapareceu hai tempo.
Provincia: A Coruña
Concello: Padrón
Parroquia: Herbón
Altura: 19,80 m
O aspecto xeral desta figueira é bastante malo. A súa base está fendida,
atravesando esta fenda o tronco, xa de por si bastante deteriorado, con zonas
descascadas. Á altura de 2,20 m apréciase a cruz, arredor da cal comeza a
ramificarse a árbore, formada por pequenas pólas que medran en todas as
direccións, sen formar unha copa ampla.
O conxunto está suxeitado por un gran contraforte de ferro, xa que o feble tronco
non pode aguantar a copa.
Rosalía de Castro
Provincia: A Coruña
Concello: Padrón
Parroquia: Padrón
Altura: 5,70 m
Nos ápices das ramas principais fórmanse as chamadas "cabezas de gato", tocos
ou verrugas derivadas das podas reiteradas na mesma zona.
Moitos exemplares presentan polo tronco ocos e zonas podres, pero o seu estado
sanitario é xeralmente bo.
Espolón de Padrón
Muenchh.
Provincia: A Coruña
Concello: Padrón
Parroquia: Padrón
O tronco permanece indiviso e sen ramificar ata 3,80 m de altura, cando se forma a
cruz, da que nacen as ramificacións que configuran unha copa piramidal-columnar
que acada unha altura de 25,70 m e un diámetro de 14,40 m.
O seu estado sanitario é bo, aínda que amosa o tronco cicatrices derivadas de
labores culturais deficientemente realizados, pero que en ningún caso
comprometen a integridade desta maxestosa, singular e monumental árbore.
Provincia: A Coruña
Concello: Padrón
Parroquia: Padrón
Altura: 25,70 m
Tal vez o máis chamativo e valioso deste notable exemplar sexa que nos ofrece a
posibilidade de contemplar un castiñeiro de indias non sometido a tratamentos
periódicos de poda nin á competencia con outras árbores. O resultado é unha
árbore que amosa unha extraordinaria copa cilíndrica ou columnar, difícil de
observar en individuos desta especie.
O tronco ten un perímetro basal de 7,35 m, pero redúcese axiña e mide soamente
3,50 m á altura do peito, erguéndose dereito. Ese forte engrosamento na base do
tronco, formando como contrafortes, é unha estratexia da árbore para soportar con
estabilidade a robusta, ampla e equilibrada copa.
A 4,90 m do chan fórmase a cruz e comeza a estrutura da copa, que acada unha
altura de 31 m, o que o converte no castiñeiro de indias galego de maior altura.
Provincia: A Coruña
Concello: Padrón
Parroquia: Padrón
Altura: 31,10 m
Singular exemplar da asiática e caducifolia árbore do amor, así chamada por ter
follas con forma de corazón, ou árbore de Xudas, denominación que recibe porque
segundo a tradición Xudas Iscariote aforcouse guindándose dunha destas árbores.
As follas son simples, alternas e caedizas, coa beira enteira, e as flores son
pentámeras e bisexuais, de cor púrpura. Froito de tipo legume. A floración é precoz
e presenta caulifloria, aparecen flores nos talos e nas ramas, características que,
xunto coa súa rusticidade e plasticidade, fan que sexa moi utilizada en parques e
xardíns galegos.
O monumento vexetal posúe un atractivo moi especial, aínda que non se trata
dunha árbore moi vella ou de dendrometría espectacular, pois non acada 1,50 m de
altura cando está podado.
O seu pé, cun perímetro basal de 0,50 m, ramifícase con moita prontitude, á altura
de 0,25 m, onde nacen as 3 ramas principias que se ramifican profusamente e de
forma enmarañada para configurar unha singular estrutura ou armazón vexetal, de
perfil redondeado, coñecida como "Coroa de Cristo", que lle dá o nome ao
exemplar.
O seu estado sanitario é bo, pola relativa xuventude da planta e polas constantes
atencións que recibe ao medrar nun espazo verde público moi valioso.
Histórico de Padrón
Provincia: A Coruña
Concello: Padrón
Parroquia: Padrón
Altura: 1,48 m
Salvo a ausencia dalgunhas ramas nas copas e a presenza doutras secas ou con
defoliacións, o estado sanitario é bastante bo, aínda que unha das árbores sufriu
un proceso grave de defoliación hai anos, do que parece que se está a recuperar
axeitadamente tras o correspondente tratamento.
Provincia: A Coruña
Concello: Padrón
Altura: 35,20 e 33 m
O monumento vexetal catalogado é unha agrupación formada por varios pés que
nacen dun punto común, polo que trataremos a súa morfoloxía considerando que
se trata dun único exemplar, por certo un dos mellores de España desta especie.
A súa base, impenetrable, está poboada por palmas que medran en gran
densidade, entrecruzándose e dificultando o acceso ao seu interior. O seu
perímetro basal mide 11 m e a formación está rodeada por unha fermosa sebe de
azaleas que realza o impresionante conxunto, facéndoo se cabe máis maxestoso.
O estado sanitario é bo, aínda que a competencia pola luz vai sendo máis difícil
cada vez, a medida que as árbores do xardín que están cerca dela van acadando
maior altura e configurando copas máis grandes.
Provincia: A Coruña
Concello: Padrón
Parroquia: Padrón
Altura: 12,20 m
Provincia: A Coruña
Concello: Padrón
Parroquia: Iria-Flavia
Ano 2015.