Maayong gabii kanatong tanan, ang akung mainitong pagtimbaya sa atong

pinalanggang kura paroko, Rev. Fr. Éxequiel M Mahinay SVD. Ug sa tanang

sakop sa SVD community nga magkanunayong makigduyog kanato sa kahurahay
ug kalisod, kalipay ug kasakit dinhi sa atong mahal nga Parokya, Sr. San Isidro
Labrador.

Niining tungura, tugoti ako ninyo sa pagsakbit saysay sa pagkamugna sa Isidorian

Parish Choir. Pinaagi sa pagpaningkamot ng maamomahong ug masinabuton nga
pagpangulo sa usa ka buotan, makugihon ug hamas nga musikerong alagad sa
Simbahan, Padre Ramilo V. Mapaye, SVD, malampusong namugna ang Isidorian
Parish Choir nga garbo natong tanan.

Gawas sa ilang pagpaambit sa madasigong mga awit dinhi sa atang Parokya,

nabantog usab sila sa tibuok Diyocesis sa Tagbilaran sa ilang pagsalmot sa usa ka
"Diocesan Choir Competition " nga gihimo didto sa Bohol Cultural Center
niadtong Disyembre 2019, din sila usab napili nga "Top 10 semi finalist, bisan pa
man sa una nilang pagsabak ning maong kalihokan gawas niining gamay ug yano
natong parokya.

Niadtong Disyembre 23, 2020 naghimo usab sila ka makalingaw ug masadya nga
Musikanhong Dalit sa Pasko nga naghatag ug dili tiaw nga kadasig sa atong mga
kaigsounan dinhi ning atong parokya

Ug karong gabhi-ona, takdo gayod ning panahon sa kwaresma, ato na usab

masaksihan ang lain nilang pasundayag nga siguradong mutuhop ug motandog
gayud sa atong tagsa- tagsa ka mga dughan. Kining mga awit gituyo gayod pag
garay aron mopukaw sa nahikatulog natong kahiladman. Karon, mga kaigsoonan,
atong mapagarbuhong pag saludo sa Isidorian Parish Choir sa ilang kinasingkasing
nga dalit kanatong taman, nga nag-ulohan, "Mga Huning Awit- Pamalandong sa
mga Kasakit ni HESUKRISTO: Musikanhong Pasundayag". Ania, Isidorian Parish
Choir, masipang pakpak!