DISCURSO

Iloy sang sa Guihapon nga Panabang

Ikaw mahimayaon, iloy sa kalangitan

O Iloy sang sa Guihapon nga Panabang
Tamda sing maloloy-on ang imo kabataan
Nga nagasaulog sining imo kapiyestahan

Sa sini nga adlaw ikaw ginapasidunggan

Bilang Iloy sang tanan nga katawhan
Itamod sa amon ang imo pagtabang
Sa tanan namon nga kalisdanan

Ikaw dalangpan sang makasasala

O Iloy namon nga pinalangga
Kay imo gindula ang gahum sang yawa
Agud maagum namon ang kapatawaran sang sala

Ikaw nangin modelo sang kababaihan

Sa imo ginahimo kag pagbinatasan
Ang imo kaputli kag tuman ka ugdang
Amo’ng inspirasyon sang imo’ng kaanakan

O Birhen Maria, Iloy nga bilidhon

Ubayi kami sa amon pagpanglakaton
Agud sundon namon ang dalan nga matarong
Sang may dako’ng pagpaubos kag puno sing paglaum

Ikaw nangin tuburan sang madamo nga grasya

Sa tanan nga nagadangop kag nagapangalaba
Imo ginaliso ang mga makasasala
Agud magbalik sa Diyos nga puno sang himaya

Kami nagapaalam O Iloy nga mahinoklogon

Gani ihatag sa amon ang imo Bendisyon
Nga mangin gabayan nga magaubay sa amon
Sa pagpangabuhi sa tanan nga tion

Viva! O Birhen Maria!

Viva! Iloy Sang sa Guihapon nga Panabang!
Viva! Viva!

NJ2021