Langkung tipayun hayu urang sanggakeun puji sinareng syukur ka Illaahirabbi
kalayan hidayah sareng innayahna urang sadaya tiasa kempel ditempat ieu. Solawat miwah salam mugia ngocor ngagolontor ka jungjunganana habibana wanabiyana Muhammad SAW, teu hilap ka kulawargina, sohabatna, ogé ka ummatna. Aamiin. Bapa guru nu ku sim kuring dipihormat ogen rerencangan sadayana, dina kasempatan ieu sim kuring badé ngadugikeun biantara perkawis "pargaulan bebas". Sapertos anu katingali ku urang sadaya pargaulan budak rumaja zaman ayeuna parantos kaléwat wates. Zaman ayeuna mah, waktos nu sakedahna dianggo kana hal- hal anu saé kalah dianggo kana hal-hal anu awon. Nu mana hal-hal éta téh teu sapantesna dilakukeun ku rumaja, sapertos ngiringan géng motor, nongkrong, tawuran, séks bébas, mabok mabokan. Malih zaman ayeuna mah murangkalih SD gé tos seueur nu ngaroko. Hal éta téh tiasa disababkeun ku kurangna perhatosan ti sepuhna, salah gaul, kurang iman, sareng tiasa waé budakna anu bedegong. Tah ku sabab kitu, hayu urang sasarengan nebihan hal anu awon, ogé kirang mangpaatna. Mung cekap sakitu nu tiasa kapihatur ti sim kuring, hapunten bilih aya kalepatan. Mugia urang sadaya tiasa ngala hikmahna ogen tiasa ngamangpaatkeun masa rumaja urang sadayana ku kegiatan nu ngandung mangpaat. Aamiin. Wassalamualaikum wrwb