Alamin: Immunization sa Hukom

Napapansin mo ba ang sunod-sunod na paglaganap ng mga sakit na

paulit-ulit na lang na nagbibigay peligro sa mga mamamayan? Minsan na
bang sumagi sa iyong isipan ang katanungang “Kailan kaya masusugpo ang
mga karamdamang ito?”
Dahil sa mga sakit sa ating kapaligiran ay nagkaroon ng immunization
sa Judge Feliciano Belmonte Senior High School (JFBSHS) kung saan
binakunahan ang mga batang edad 12-13 noong ika-29 ng Setyembre sa
pangunguna ng mga grade 7 Mapeh Teachers at pati na rin ng mga nars at
doktor na galing sa Division Office para mapalakas pa ang mga resistensya
ng mga bata sa mga sakit tulad ng:

DENGUE FEVER
Ang Dengue ay isang sakit na galing sa mikrobyo na napupunta sa tao
sa pamamagitan ng kagat ng Aedes Aegypti, isang babaeng lamok. Isa ito sa
mga lumalaganap na sakit at umabot na sa 456 katao ang namatay sa
Pilipinas noong nakaraang taon kaya doble ingat na ang Department Of
Health (DOH) laban sa dengue at nagpapatupad na ng mga bakuna at mga
kaalaman tungkol sa mabagsik na lamok.
Maraming paraan upang masugpo ang pagdami ng lamok sa
pamamagitan ng pag-alis, pagtapon o pag-ayos ng anumang bagay na pinag-
iipunan ng tubig gaya ng lata, bote, timba, lumang gulong, paso, tangkay ng
pinya, baradong alulod, mga halaman na tinitirhan ng mga lamok at mga iba
pang bagay na maaaring taguan ng mga lamok.
TIGDAS
Ang tigdas ay isang nakahahawang sakit dulot ng virus na sumisira sa
respiratory tract o daanan ng paghinga bago kumalat sa buong katawan. Mas
madaling mahawa rito ang mga sanggol at batang wala pa sa hustong gulang
dahil hindi pa masyadong na-develop ang kanilang immune system. Ang sakit
din na ito ay lubhang mapanganib para sa mga nagbubuntis dahil maaaring
magkaroon ng matinding epekto sa sanggol na nasa loob ng kanilang
sinapupunan. Ang tigdas ay maaaring kumalat sa hangin at karaniwang
naipapasa sa pamamagitan ng pagdikit sa mga taong may impeksiyon.
POLIO

Ang poliomyelitis o polio ay isang nakahahawang sakit na dulot ng

isang poliovirus. Ito ay maaaring maging sanhi ng pagkalumpo, hirap sa
paghinga at pagkamatay. Ito ay maaaring makuha sa pagkain at pag-inom ng
tubig na kontaminado ng dumi na may poliovirus. Ayon sa pag-aaral, ligtas at
epektibo naman ang bakuna kontra polio at ito lamang ang mabisang paraan
para maging protektado laban sa polio.
Ito ay nagbalik pagkatapos ng 19 na taon na nawala ito sa mundo at
nagdudulot na naman ng pagkalumpo ng ating katawan at ang
pinakamasama ay kamatayan kaya sinama na ang mga polio sa immunization
para wala na itong mabiktima.
Upang maiwasan ang sakit na polio,panatilihing malinis ang kapaligiran,
maghugas ng kamay gamit ang sabon at tubig pagkatapos gumamit ng
palikuran, dumumi sa tamang palikuran at uminom lamang ng malinis na
tubig.
DEWORMING
Ang purga  o deworming ay ang pagtatanggal ng bulate sa bituka ng
isang tao sa pamamagitan ng pag-inom ng gamot. Ang mga bulate ay
kumukuha ng nutrisyon na dapat ay para sa taong apektado. Nagdudulot ito
ng pananakit ng tiyan at pagsusuka. Maaari din itong maging sanhi ng
malnutrisyon ng bata.
Nakukuha ito sa hindi paghuhugas ng kamay pagkatapos dumumi,
paghawak ng maduming bagay, humawak ng aso o ng kahit anong bagay na
madumi. Maaari ring magkaroon ng bulate sa tiyan sa pamamagitan ng
pagkain ng karne na hindi naluto ng maayos o di kaya'y pagkain ng prutas o
gulay na hindi nahugasan ng maayos. Maaari ring maging sanhi ang pag-
inom ng kontaminadong tubig o pagkain ng pagkaing may taglay ng itlog ng
bulate na siya namang nagmula sa dumi ng tao.

Kaliwa’t kanan man ang batikos sa nakaraang isyu tungkol sa bakuna

ng dengvaxia, dapat pa rin tayong magtiwala sa mga eksperto dahil alam nila
ang maaaring gawin upang malutasan ang mga sakit na kasalukuyang
lumalaganap sa ating lipunan. Huwag tayong matakot sa posibleng
kahihinatnan ng isasagawang bakuna o paggagamot sa halip ay isipin nating
makabubuti ito sa ating kalusugan at inilalayo lamang tayo nito sa pagkasawi.