Asignatura Edukasyon sa Pagpapakatao Baitang 10

W5-8 Markahan 4 Petsa

I. PAMAGAT NG ARALIN Paggalang at Paninindigan para sa Katotohanan

II. MGA PINAKAMAHALAGANG
KASANAYANG PAMPAGKATUTO (MELCs)
53. Natutukoy ang mga isyung kaugnay sa kawalan ng paggalang sa
katotohanan
54. Nasusuri ang mga isyung may kinalaman sa kawalan ng paggalang sa
katotohanan
55. Napatutunayang ang pagiging mulat sa mga isyu tungkol sa kawalan ng
paggalang sa katotohanan ay daan upang isulong at isabuhay ang pagiging
mapanagutan at tapat na nilalang
56. Nakabubuo ng mga hakbang upang maisabuhay ang paggalang sa
katotohanan

EsP10PI-IVc-14.1 EsP10PI-IVc-14.2 EsP10PI-IVd-14.3 EsP10PI-IVd-14.4

III. PANGUNAHING NILALAMAN Nakabubuo ang mag -aaral ng mga hakbang upang maisabuhay ang
paggalang sa katotohanan.

IV. YUGTO NG PAGKATUTO AT MGA GAWAING PAMPAGKATUTO

I. Panimula (Unang araw ng Unang Linggo)

Sa araling ito, inaasahan na lubos mong mauunawaan ang mga isyung moral tungkol sa kawalan ng paggalang sa
katotohanan. Bilang tao, inaasahang magiging matapat ka at makabuluhan ang buhay mo sa abot ng iyong pagsisikap na
makamit ito.
Ayun sa isang manunulat ang kasinungalingan ay isang lason na humahadlang sa bukas. Ito ay hindi pagkiling o
pagsangayon sa katotohanan. Kapag nagsisinungaling ay nawawalan ng kawalan ng paggalang sa katotohanan. Maraming
dahilan kung bakit nagsisinungaling ang isang tao. Maaring siya ay may gustong protektahan at mayroon ding gustong itago.
Kadalasan hindi nagkakaroon ng kaliwanagan ang isang bagay kung parati na lamang magsisinungaling.

Pagmasdan ang larawan. Ano ang nakikita mo sa larawan? Ano ang maaari mong mahinuha dito? Ano ang
kahalagahan nito sa ating buhay? Paano ito nakakatulong sa pang-araw-araw nating pamumuhay?

D. Pagpapaunlad (Una hanggang Ikalawang Araw ng Unang Linggo)

Gawain sa Pagkakatuto Bilang 1: Suriin ang mga larawan at sagutin ang mga katanungan sa ibaba. Isulat ang sagot sagutang
papel.

Copyright
Panggagaya ng gawa Pagkuha ng ilegal
ng iba . na impormasyon
gamit ang
Teknolohiya.

Sagutin ang mga sumusunod na tanong.

1. Ano ang ipinapakita ng larawan?
2. Ano ang masasabi mo sa kilos o sa mga ipinakikitang gawain sa larawan?
3. May maganda bang naidudulot ito sa lipunan?
4. Ano ano ang maaari mong imungkahi hinggil sa mga kilos ng mga tao sa larawan?
Ang Misyon ng Katotohanan

Ang katotohanan ang nagsisilbing ilaw ng tao sa paghahanap ng kaalaman at layunin niya sa buhay. Ang
pagsukat ng kaniyang katapatan ay nangangailangan ng pagsisikap na alamin ang katotohanan. Ang
sinumang sumusunod dito ay nagkakamit ng kaluwagan ng buhay (comfort of life) na may kalakip na
kaligtasan, katiwasayan, at pananampalataya.
Ang katotohanan din ay ang kalagayan o kondisyon ng pagiging totoo.
Mula sa paglawak ng iyong kaalaman sa halaga ng katotohanan at mga kaakibat na pananagutan dito, hindi pa rin
maipagkakaila na ang sinuman ay may kakayahan na makalikha ng isang kasinungalingan upang pagtakpan ang
pagkakamali at maging malinis ang imahe sa mata ng iba.
Ayon kay Sambajon Jr. et.al (2011), ang pagsisinungaling ay ang hindi pagkiling at pagsang-ayon sa katotohanan. Ito ay isang
lason na humahadlang sa bukas at kaliwanagan ng isang bagay o sitwasyon na nararapat na mangibabaw sa pagitan ng
mga tao sa isang grupo o lipunan
Tatlong uri ng kasinungalingan:

Jocose lies – isang uri na kung saan sinasabi o sinasambit para maghatid ng kasiyahan
lamang. Ipinapahayag ito upang magbigay-aliw ngunit hindi sadya ang
pagsisinungaling.
Halimbawa: Pagkukuwento ng isang nanay tungkol sa Santa Klaus na nagbigay ng
regalo sa isang bata dahil sa pagiging masunurin at mabait nito, na ang katotohanan
ay ang mga magulang ang Santa Klaus sa buhay ng mga kabataan.
Officious lie – tawag sa isang nagpapahayag upang maipagtanggol ang kaniyang
sarili o di kaya ay paglikha ng isang usaping kahiya-hiya upang dito maibaling ang
usapan. Ito ay isang tunay na kasinungalingan, kahit na gaano pa ang ibinigay nitong
mabigat na dahilan.
Halimbawa: Pagtanggi niya sa pagkain ng hita ng pritong manok na nasa malaking
pinggan, na ang katotohanan ay kinain naman niya.
Pernicious lie – ay nagaganap kapag ito ay sumisira ng reputasyon ng isang tao na
pumapabor sa interes o kapakanan ng iba.
Halimbawa: Pagkakalat ng maling pagbibintang kay Pedro tungkol sa nawawalng
wallet ng kaniyang kaklase na hindi naman siya ang kumuha nito, na ang katotohanan
siya ay biktima rin ng pagnanakaw.

Ang Kahulugan ng Lihim, Mental Reservation, at Prinsipyo ng Confidentiality

Ang lihim ay pagtatago ng mga impormasyon na hindi pa naibubunyag o naisisiwalat. Ito ay pag-angkin ng tao sa tunay
na pangyayari o kuwentong kaniyang nalalaman at hindi kailanman maaaring ihayag sa maraming pagkakataon nang
walang pahintulot ng taong may-alam dito.

Ang sumusunod ay mga lihim na hindi basta-basta maaaring ihayag:

Natural secrets – ay mga sikreto na nakaugat mula sa Likas na Batas Moral.

Ang mga lihim ay maaaring ihayag
o itago lalo’t higit kung may
matinding dahilan upang gawin
ito. Maaaring itago ang
katotohanan gamit ang mental
reservation. Ito ay ang maingat na
paggamit ng mga salita sa
pagpapaliwanag na kung saan ay
walang ibinibigay na tiyak na
impormasyon sa nakikinig kung
may katotohanan nga ito. Ito ay
paraan ng paggawa ng
kasinungalingan.
Ang mga katotohanan na naka-
sulat dito ay magdudulot sa tao ng matinding hinagpis at sakit sa isa’t isa.
Ang bigat ng ginawang kamalian
(guilt) ay nakasalalay kung ano ang bigat ng kapabayaang ginawa.
Promised secrets – ito ay mga lihim na ipinangako ng taong
pinagkatiwalaan nito. Nangyari ang pangako-
pagkatapos na ang mga lihim ay nabunyag na.
Committed or entrusted secrets – naging lihim bago ang mga impormasyon
at kaalaman sa isang bagay ay nabunyag. Ang
mga kasunduan upang ito ay mailihim ay maaaring:
Hayag. Kung ang lihim ay ipinangako o kaya ay sinabi ng
pasalita o kahit pasulat. Halimbawa: Ang isang sekretarya ng doktor, na
inililihim ang mga medical records ng
isang pasyente.
Di hayag. Ito ay nangyayari kapag walang tiyak na pangakong sinabi
ngunit inililihim ng taong may alam dahil
sa kaniyang posisyon sa isang kompanya o institusyon. Madalas ito ay pang
propesyonal at opisyal na usapin.
 Sa prinsipyo ng Confidentiality, ang pagsasabi ng totoo ay hindi lamang
pagpapahayag nang ayon sa nasa isip, ito rin ay maipahayag sa mas malalim
na pag-iisip, pananalita, at pagkilos bilang isang taong nagpapahalaga sa
katotohanan.

Plagiarism
Ang plagiarism ay isang paglabag sa Intellectual Honesty (Artikulo, A. et al, 2003). Ito ay
isyu na may kaugnayan sa pananagutan sa pagpahayag ng katotohanan at katapatan sa mga
datos, mga ideya, mga pangungusap, buod at balangkas ng isang akda, programa, himig, at
iba pa ngunit hindi kinilala ang pinagmulan bagkus, nabuo lamang dahil sa ilegal na pangongopya.

Intellectual piracy
Ang paglabag sa karapatang-ari (copyright infri-ngement) ay naipakikita sa paggamit
nang walang pahintulot sa mga orihinal na gawa ng isang taong pinoprotektahan ng Law on
Copyright mula sa Intellectual Property Code of the Philippines 1987.
Ang piracy ayon sa Dictionary.com website ay isang uri ng pagnanakaw.
Ang theft ay hindi lamang literal na pagnanakaw o pagkuha nang walang pakun-
dangan kundi lubusang pag-angkin sa pag-aari nang iba na walang paggalang sa kara-
patang nakapaloob dito.
Karapatang-ari at ang Prinsipyo ng Fair Use
Kinikilala ng ating batas ang prinsipyo ng Fair Use na magkaroon ng limitasyon sa
pagkuha ng anumang bahagi ng likha o kabuuang gawa ng awtor o manunulat sa kaniyang pag-aari upang
mapanatili ang kaniyang karapatan at tamasahin ito.
Whistleblowing
Ang whistleblowing ay isang akto o hayagang kilos ng pagsisiwalat mula sa tao na karaniwan ay
empleyado ng gobyerno o pribadong organisasyon/korporasyon.

Gawain sa Pagkatuto Bilang 2: Basahin at sagutan ang mga katanungan sa ibaba. Isulat ang sagot sagutang papel.
1. Ano ang tatlong uri ng kasinungalingan? Magbigay ng halimbawa sa bawat isa.
2. Ano ang pagkakaiba ng piracy at theft?
3. Ano ang ibig sabihin ng plagiarism? Magbigay ng halimbawa.
4. Bakit kailangan malaman ang mga isyung tungkol sa paglabag sa katotohanan?
5. Gaano kahalaga ang pagsasabuhay ng mga katotohanan sa buhay ng isang tao?

E. Pakikipagpalihan (Una hanggang Ikalawang Araw ng Ikalawang Linggo)

Nalaman at natunghayan natin ang kahalagahan at kahulugan ng mga isyung moral tungkol sa kawalan ng
paggalang sa katotohanan. Tunay na napakahalaga na malaman ng bawat tao sa mundo ang katotohanan. Inaasahan
na lubos mong mauunawaan ang mga paliwanag at halimbawa sa itaas. Ngayon naman ay ating subukan ang iyong
kakayahan na sagutin ang mga gawain na inihanda ng guro.

Gawain sa Pagkak atuto Bilang 3: Gumihit ng isang bagay na sa tingin mo ay sumisimbolo sa katotohanan. Gawin ito sa isang
malinis na papel. Gamiting gabay ang pamantayan ng guro sa pagsasagawa ng gawain.

NAKUHANG
PAMANTAYAN DESKRIPSIYON PUNTOS
PUNTOS
Pagkamalikhain Angkop at akma ang mga larawan na iginuhit 15
upang maging maganda ang pagpapahayag
ng saloobin at pananaw ukol sa paksa.

Kaangkupan sa tema Angkop sa tema ang ginawang larawan. 10

Kalinisan Malinis ang pagkakagawa ng larawan. 5

KABUUANG PUNTOS 30
Gawain sa Pagkakatuto Bilang 4: Suriin at pag-aralan ang sitwasyon sa ibaba pagkatapos ay magbigay ng mga pagpapasiya
hinggil dito. Isulat ang iyong sagot sa sagutang papel.

Malaki ang utang na loob ni Rudy sa kaniyang Ate Cecil na isang Head Nurse sa malaking ospital sa Maynila. Dahil sa
paghanga rito, kumuha rin siya ng kursong Nursing. Nang siya ay nakatapos, tinulungan siya ng kaniyang ate na makapasok
at mapabilang sa ospital na pinapasukan nito. Lalo siyang nagkaroon ng mataas na pagtingin at respeto sa kaniyang
kapatid dahil sa laki ng naitulong nito sa kaniya. Nagkaroon ng pagkakataon na nagkasama sila sa isang department na
pareho ang shift. Sa mga pang-araw-araw na routine sa ospital, napapansin niya na sa kanilang pag-uwi ay laging may
uwing bag ng mga gamot ang kaniyang ate. Lingid sa kaalaman niya, matagal na palang ginagawa ito ni Cecil mula pa
noong siya ay nag-aaral pa lamang. Ibinebenta ito ni Cecil sa isang maliit na pharmacy malapit sa pamilihan sa kanilang
lungsod. Dumating ang pagkakataon at nalaman niya ang maling gawaing ito ng kaniyang ate. Nang minsan silang
nagharap tungkol sa isyung ito, umamin si Cecil sa kaniya na totoong nagpupuslit ito ng mga gamot at ito rin ang naging
daan at paraan upang makatapos siya ng pag-aaral sa kolehiyo. Dapat bang isiwalat ni Rudy ang maling gawain ng
kaniyang kapatid?
Tanong:
a. Makatuwiran ba ang sitwasyon sa itaas? Tama ba ang ipinahayag na dahilan ni Cecil sa kanyang kapatid?
b. May posibilidad bang gawin mo rin ito? Bakit?

Mungkahing nais na pagpasiyahan sa kaso:

a. ____________________________________________________________________________________________________
b. ____________________________________________________________________________________________________

Gawain sa Pagkakatuto Bilang 5: Pag-aralan ang mga sitwasyon sa ibaba. Lagyan ng titik na S ang patlang kung ikaw ay
sumasang-ayon sa pahayag, DS naman kung di-sumasang-ayon at DT kung di ka tiyak sa iyong palagay at saloobin.
Pagkatapos ay magbigay ng dahilan kung bakit ito ang iyong naging kasagutan. Gawin ito sa sagutang papel.

____1. Ang sinuman ay may karapatan na itago ang katotohanan.

____2. May karapatan kang itago ang katotohan kung mayroon kang iniingatan na taong mahal mo na mapapahamak.
____3. Ang mga tagapagturo ay may moral na obligasyon na ingatan ang mga dokumento tulad ng kanilang academic
records. Gayunpaman, maaari niya itong ipakita sa mga magulang kahit pa walang pahintulot sa anak nito.
____4. Ang mga sensitibong usapin tulad ng pagbubunyag ng mga lihim ay nararapat na pag-usapan na bukas ang isipan,
may paggalang, at pagmamalasakit sa nagpapahayag nito.
____5. Marapat na gawing pribado ang anumang pag-uusap lalo na kung nakasalalay ang kapakanan ng nakararami sa
mga anomalyang nangyayari sa loob ng samahan o organisasyon.

Gawain sa Pagkakatuto Bilang 6: Basahin at unawain ang mga sitwasyon sa ibaba. Bumuo ng mga hakbang na naninindigan
at gumagalang sa katotohanan sa pamamagitan ng pagsagot sa sumusunod na sitwasyon. Isulat ang sagot sa iyong
sagutang papel.
1. May kumakalat na tsismis tungkol sa iyo. Sinabi ng kaibigan mo, na ang kaaway mo ang nagkakalat nito subalit nung
kinompronta mo ang kagalit, ay itinuro naman ang kaibigan mo na siya ang nagsimula ng pangit na balita tungkol
sa iyo. Ano ang iyong magiging aksyon sa iyong natuklasan?
__________________________________________________________________________________________________________________
__________________________________________________________________________________________________________________

2. Palagi mong nakikita ang iyong kapatid na hindi nag- aaral at hindi nagsasagot ng ibinibigay ng kanyang guro. Dahil
may trabaho ang inyong mg magulang lagi lang kayong tinatanong kung nagawa nyo ba ang inyong mga gawain.
Isang araw malapit na ang pasahan ng inyong gawain at dadalhin na ng inyong magulang sa paaralan nakita mo
na kumuha ng mga papel ang iyong kapatid at binuhusan nya ito ng tubig. Biglang sumugaw ang iyong kapatid.
Nanay natapunan po ng tubig ang mga papel nasagutan ko. Ano ang gagawin mo? Sasabihin mo ba ang totoo sa
iyong magulang?
__________________________________________________________________________________________________________________
__________________________________________________________________________________________________________________

Gawain sa Pagkakatuto Bilang 7: (Una hanggang Ikalawang Araw ng Ikatlong Linggo)

Magtala ng tatlong isyu tungkol sa kawalan ng paggalang sa katotohanan na iyong nasasaksihan sa kasalukuyang panahon
na humaharap tayong lahat sa matinding hamon ng pandemya. Punan ang talahanayan ng hinihinging impormasyon. Gawin
ito sa iyong sagutang papel.
Mga isyu tungkol sa Dahilan ng pagkakaroon ng Epekto ng mga isyu sa Mga posibleng solusyon
kawalan ng paggalang sa ganitong isyu sa ating lipunan tunay na kahulugan ng
katotohanan katotohanan
Halimbawa : Pagbili ng boto Halimbawa : Nagnanais na Halimbawa : Magagawa niya Halimbawa : Manindigan sa
magkaroon ng posisyon sa ang kanyang pansariling tamang gawain at kilalanin
gobyerno para sa sariling motibo para sa pamahalaan ang tunay na may malasakit
kapakanan at karapat – dapat sa bayan.
Ikaw naman :
Mga isyu tungkol sa Dahilan ng pagkakaroon ng Epekto ng mga isyu sa Mga posibleng solusyon
kawalan ng paggalang sa ganitong isyu sa ating lipunan tunay na kahulugan ng
katotohanan katotohanan

Gawain sa Pagkakatuto Bilang 8: Gumawa ng isang slogan hinggil sa pagsugpo ng mga isyung moral tungkol sa katotohanan
na nagaganap sa ating lipunan. Gamiting gabay ang pamantayan sa ibaba. Gumamit ng isang malinis na papel para sa
gawain.
PAMANTAYAN DESKRIPSIYON PUNTOS NAKUHANG
PUNTOS
Pagkamalikhain Angkop at akma ang mga salita na 15
ginamit upang maging maganda ang
pagpapahayag ng saloobin at
pananaw ukol sa paksa.
Kaangkupan sa Angkop sa tema ang ginawang 10
tema slogan.
Kalinisan Malinis ang pagkakagawa ng slogan. 5
KABUUANG PUNTOS 30

Gawain sa Pagkakatuto Bilang 9: Kung ikaw ay bibigyan ng isang posisyon sa pamahalaan o magiging kinatawan ng isang
samahan o organisasyon, upang maging bahagi sa paggawa ng isang batas tungkol sa mga gawaing intelektuwal at etikal
na isyu. Ano ang nais mong ipanukala? Ano ano ang paraan na iyong gagawin upang ito ay maipatupad lalo na ngayong
humaharap tayo sa matinding pagsubok ng pandemya? Unawaing mabuti ang halimbawa gawain sa ibaba at pumili ng
isang paksa na iyong nais. Isulat ang sagot sa sagutang papel.
1. Abogado
2. Awtor ng libro
3. Opisyal ng gobyerno
4. Non-government organization

Halimbawa :
Pangulo ng “Student Council Government”
Tungkulin ng isang Pangulo ng Student Council Government na pamunuan ang lahat ng mag-aaral sa paaralan. Gumawa
ng batas para sa kabutihan ng mga mag aaral at kaayusan ng paaralan.

Batas na ipapanukala Paraan ng pagpapatupad ng mga batas

Golden Rule Gabay sa Pakikipag
Kapwa sa Gitna ng Pandemya
1. Makipag-ugnayan sa gurong tagapaggabay at ipaliwanag ang
planong pagapatupad ng Bata.
2. Makipag-ugnayan sa mga myembro ng “Student Council
Government” at ipaliwanag ang mga plano ng samahan.
3. Magtulungan at pagisipan ang mga hakbang sa pagsasagawa ng
Batas na ipapanukala.
4. Pagplanuhan ang mgaisasagawang gawain. Isaalang-alang nag
mga tanong sa ibaba.
a. Ano ang layunin ng batas na ipapanukala?
b. Paano ito maisasagawa sa gitna ng hamon ng pandemya?
c. Ano-ano ang isasa-alang alang upang makamit ang nais na
resulta ng batas na iyong ipapanukala?

Gawain sa Pagkakatuto Bilang 10: Ipaliwanag ang talinghagang hango sa Banal na Kasulatan ng mga Kristiyano na nasa loob
ng kahon sa pamamagitan ng isang sanaysay. Isulat ito sa iyong sagutang papel. Gamiting gabay ang pamantayan sa
pagmamarka sa pagsasagawa ng gawain.

Mamuhay kayo gaya ng nararapat sa mga taong naliwanagan sapagkat ang ibinubunga
ng pamumuhay sa liwanag ay pawang mabuti, matuwid at totoo.
-Efeso 5:8
IV. YUGTO NG PAGKATUTO AT MGA GAWAING PAMPAGKATUTO
PAMANTAYAN DESKRIPSIYON PUNTOS NAKUHANG
PUNTOS
PagkamalikhainAngkop at akma ang mga 15
salita na ginamit upang
maging maganda ang
pagpapahayag ng saloobin
at pananaw ukol sa paksa.
Kaangkupan sa Angkop sa tema ang 10
tema ginawang sanaysay.
Kalinisan Malinis ang pagkakagawa ng 5
sanaysay.
KABUUANG PUNTOS 30

A. Paglalapat (Ikalawang araw ng Ikaapat na Linggo)

Ang paninindigan at pagsasabuhay ng katotohanan ay isang hamon sa kaganapan ng tao. Mahalagang malaman
ng bawat isa ang pagsuri sa mga isyung kaugnay sa kawalan ng paggalang sa katotohanan. Isa itong daan upang
maisabuhay at maisulong ang pagiging mapanagutan at tapat na nilalang. Dahil sa ganitong pagkakataon higit na
mahalaga ang pagkakaroon ng moral na pagpapasya at matibay na paninindigan sa mga isyung moral. Ang katotohanan
ay napakahalagang batayan ng moralidad. Ang paniniwala ay maaring magbago hindi ang katotohanan. Ang bawat
pagpapasiya at pagkilos ng tao ay mahalaga. Maaari itong magpabuti o makaasira ng ating buhay sa kasalukuyang
hinaharap.

Punan ng tamang salita ang patlang sa bawat pangungusap. Piliin ang tamang sagot sa loob ng kahon.

pagkakamali halimbawa katitisuran pagkamulat paalaala

Ang ____________________sa isyu tungkol sa kawalan ng paggalang at katotohanan ay nagtuturo ng

mahahalagang aral sa buhay. Ito ay magiging _______________________ sa mga masasamang epekto nito sa personal na
buhay, pamilya at sa komunidad. Kapag namulat ang isa lalo na mula pagkabata, matutulungan itong maituwid ang mga
landasing pwedeng humantong sa _______________________. Ang turong ito ay maipapasa din kalaunan sa mga inapo at
magsisilbi bilang babalang _____________________________.
Kapag namulat ang isa sa kawalan ng paggalang at katotohanan, pwedeng mabawasan, kung hindi man
mawakasan ang gawaing _____________________ ng maraming tao tulad ng pagsisinungaling, katiwalian, pagnanakaw at
ilang mga krimeng may malaking kaugnayan sa kawalan ng paggalang at katotohanan.

V. PAGTATAYA
(Ang mga Gawain sa Pagkatuto para sa Pagpapayaman, Pagpapahusay, o Pagtataya ay ibibigay sa ikatlo at ikaanim na
linggo)
VI. PAGNINILAY
Ipabatid ang iyong personal na pagtatasa sa kard ayon sa lebel ng iyong performans.

Personal na Pagtatasa sa Lebel ng Performans Para sa Mag-aaral

Pumili ng isa sa mga simbolo sa ibaba na kakatawan sa iyong naging karanasan sa pagsasagawa ng mga gawain.
Ilagay ito sa Hanay ng LP o Lebel ng Performans. Basahin ang deskripsiyon bilang gabay sa iyong pagpili:
 - Nagawa ko nang mahusay. Hindi ako nahirapan sa pagsasagawa nito. Higit na nakatulong ang gawain upang
matutuhan ko ang aralin.
✓ - Nagawa ko nang maayos. Nahirapan ako nang bahagya sa pagsasagawanito. Nakatulong ang gawain upang
matutuhan ko ang aralin.
? – Hindi ko nagawa o nahirapan ako nang labis a pagsasagawa nito. Hindi ko nauunawaan ang hinihingi sa gawain.
Kailangan ko pa ng paglilinaw o dagdag kaalaman upang magawa ko ito nang maayos o mahusay.
Gawain Sa Pagkatuto LP Gawain Sa Pagkatuto LP Gawain Sa Pagkatuto LP Gawain Sa Pagkatuto LP
Bilang 1 Bilang 4 Bilang 7 Bilang 10
Bilang 2 Bilang 5 Bilang 8
Bilang 3 Bilang 6 Bilang 9
VII. SANGGUNIAN Edukasyon sa Pagpapakatao 10, pp. 302– 332)

Inihanda ni: JENNY ROSS D. UNICO Sinuri nina: JUN A. ROBLES

RODA B. DAVID
CLARIZA G.TERONES
PHILIPS T. MONTEROLA