ILOCANO BIBLE VERSES ABOUT PRAYER

Nga agdawdawatcayo a cancanayon babaen ti Espiritu cadagiti dawdawat ken carcararag ket
agsalucagcayo ti maipaay itoy a mabuyugan ti amin a panagtalinaed ken panangidawdawat
cadagiti isu-amin a sasanto.
Taga Efeso 6:18

Agrasaccayo a cancanayon. Agcararagcayo a di agressat. Iti isu-amin, agyamancayo; ta daytoy ti

nakem ti Dios ken Cristo Jesus ti maipapan cadacayo.
I Taga Tesalonica 5:16-18

Ibalacadco ngarud nga iyun-una, a maaramid coma dagiti araraw, dawdawat, panangibabaet,
panagyaman, a maipuon cadagiti isu-amin a tattao.
I Timoteo 2:1

Dicay madanagan iti uray ania, no di ket cadagiti isu-amin, maipacaamo coma dagiti
dawdawatyo iti Dios, gapu iti cararag ken araraw, agraman panagyaman.
Filipos 4:6

Gapuna cunac cadacayo: Uray aniaman a dawatenyo no agcararagcayo patienyo nga awatenyon
ket maaramidto.
Marcos 11:24

Ket insaona cadacuada ti maysa a pangngarig ti pannacasapul nga agnanayon ti panagcararag

ken ti saan a panangpucaw ti inanama
Lucas 18:1

Agpuyatcayo, ket agcararagcayo, tapno dicay sumrec iti pannacasulisog; ti nakem pudno a
sireregta, ngem ti lasag nacapuy.
Marcos 14:38
 Ipudnoyo ngarud dagiti basbasolyo iti maysa ken maysa, ket icararagyo ti maysa ken maysa,
tapno mapasalun-atcayo. Adu ti mabalin ti nasged a cararag ti nalinteg.
Santiago 5:16
Idi naammoan ni Daniel ti surat a nafirmaanen, simrec iti balayna ket isu nagparintumeng iti
namitlo iti tunggal aldaw, ket nagcararag, ket nagyaman iti sangoanan ti Diosna a cas
araramidenna idi.
Daniel 6:10

Malem, ken bigat, ken iti tengnga ti aldaw, agasugacto, ken agsainnecac; ket denggenanto ti
timecco.
Dagiti Salmo 55:17

No ipudnotayo dagiti basbasoltayo, isu mapagtalcan ken nalinteg a mamacawan cadagiti

basbasoltayo, ken mangugas cadatayo iti amin a kinakillo.
I Juan 1:9

Ket umawagcayto caniac, ket rumuarcayto ket agcararagcayto caniac, ket ipangagcayto.
Jeremias 29:12

Awagannac ket sungbatancanto, ket ipakitacto kenca dagiti dadackel a banbanag, ken naricut,
isuda a saanmo nga ammo.
Jeremias 33:3

Ngem sica, inton agcararagca, sumrecca iti siledmo, ket inton nairikepen ti ruangan, agcararagca
ken Amam nga adda iti nalimed: ket ni Amam a macakita iti nalimed gungunaannacanto.
Mateo 6:6
Ngem cunac cadacyo nga agdengdengngeg: Ayatenyo dagiti cabusoryo: agaramidcay ti naimbag
cadagiti gumura cadacayo. Agsaocay ti naimbag cadagiti mangilunod cadacayo, ket
icarcararaganyo dagiti mangranggas cadacayo.
Lucas 6:27-28
Iti panagleddaangco inawagac ni Jehova, ket imkisac iti Diosco; nangngegna ti timecco nanipud
iti templona. Ket ti ickisco iti sangoananna nacadanon cadagiti lapayagna.
Dagiti Salmo 18:6

Agdawatcayo, ket maiccancayto; agsapulcayo ket macasaraccayto: umawagcayo ket

mailucatancayto.
Mateo 7:7

Agtalinaedcayo iti cararag, nga agsalucagcayo kencuana, a mapacuyugan cadagiti panagyaman.

Taga Colosas 4:2

No dagiti tattaoc, a nagaladanda iti naganco, agpacumbabada, ket agcararagda, ket sapulenda ti
rupac, ken sumiasida cadagiti nadangkes a dalanda; siac ngarud denggecto manipud langit, ket
pacawanecto ti basolda, ket agasacto ti dagada.
II Cronicas 7:14

Naragsac ti pananginanama, managitured iti rigat, managtalinaed iti panagcararag.

Roma 12:12

Sapulenyo ni Jehova ken ti pigsana; sapulenyo a cancanayo ti rupana.

I Cronicas 16:11
Ket daytoy ti adda cadatayo a panagtalec kencuana, a no adda aniaman a dawatentayo a
mayannurot iti pagayatanna, isu denggennatayo.
I Juan 5:14

Ni Jehova siaarpad cadagiti amin nga umawag kencuana, cadagiti amin nga umawag kencuana iti
kinapudno. Tungpalennano ti tarigagay dagiti agbuteng kencuana; denggennanto met ti ickisda,
ket isalacannanto ida.
Dagiti Salmo 145:18-19

Icumitmo dagiti ar-aramidmo ken ni Jehova, ket dagiti pangpanggepmo mapasingkedandanto.

Dagiti Proverbio 16:3