NOVENA SA

MGA KALAG SA
PURGATORIO
 ORACION SA UNANG ADLAW
Manunubos ko, Gugma sa kalag nga putli tungod sa kasakit
ug pagpailob Mo sa paglansang Kanimo sa Krus, palagbasan
Mo ang akong kalag, sa lansang sa Santos nga kahadlok
Kanimo, ug agakon Mo ako sa dalan sa Imong Diosnon nga
mga sugo. Nagahapa ako sa Imong mga tiil, ug nagasimba
ako Kanimo, matam-is uyamot nga Jesus, tungod sa kasakit
nga gibati sa Imong masulob-on nga Inahan; nangamuyo ako
Kanimo, nga luwason Mo ang mga kalag sa Purgatorio, sa
ilang mga kasakitan ug dad-on Mo sila sa pahulayan nga
walay katapusan sa himaya. Amen.

Kining pag-ampo nga mosunod pangadyeon sa adlaw-

adlaw sa tapos ang Oracion
nga paga-ilisan sa matag-adlaw.

ORACION
O maayo nga Jesus, Hari sa himaya! Luwason Mo ang mga
kasakitan sa Purgatorio, ang mga kalag sa mga minatay,
luwason Mo sila Ginoo, sa mga kaguol ug mga kasakit nga
gibati nila tungod sa gibati Mo sa kalbaryo ug sa Imong
masulob-on nga Inahan. Busa sa pagtabang kanila, ihalad
namo Kanimo, Dios ko, ang among mga pag-ampo, mga
pagpenitencia ug panghupaw, uban sa usa ka matood nga
paghinulsol sa among mga sala. Dawaton Mo Ginoo kining
among pag-ampo ug tugoti nga si San Miguel Arcanghel nga
gitudlo Mo sa maong oficio, moadto na aron pagkuha sa mga
kalag nga bulahan didto sa kangitngitan sa kasubo ug sa mga
kasakit ug magdala kanila ngadto sa kahayag ug kalipay sa
himaya nga walay katapusan. Amen.
 ORACION
(Sa Ikaduha na ADLAW)
O kamot nga tuo sa Mamamawi, kamot s amga pinili! O! Pila
ang giunongan Mo sa pagtubos sa mga makakasala nga
naglansang Kanimo nianang Krus; Magpuyo ka gihapon Dios
ko, sa akong tuo sa adlaw sa paghukom, tungod sa
pagpasakit nga giantos Mo ug sa gibati sa Imong masulob-on
nga Inahan, buhat nga kaugalingon sa kamot, kaloy-an Mo sa
dakong hinuklog ang mga kalag sa Purgatorio, Kay nalooy Ka
da pagpili kanila sa gracia, ihatag Mo na ang bunga sa
pagkapinili, ang himaya nga walay katapusan. Amen.

ORACION
(Sa Ikatulong ADLAW)
Matam-is uyamot nga Jesus, kon ang Imong kamot nga wala
bisan diosnon, ingon sa tuo nahatudlo sa mga pinilian ug sila
makondenar man, nagasimba ako sa Imong halangdon nga
katarungan ug nagakurog sa kahadlok nga ako maoy usa ka
pinilian tungod sa kadaghan ug kadagko sa akong mga sala;
nangamuyo ako Kanimo nga balhinon Mo unta gikan sa wala
ngadto sa tuo, kay midangap ako gikan sa kaligutgut sa Imong
katarungan ngadto sa katam-is sa Imong kalooy ug tungod sa
mga kasakit sa Hari sa mga Angheles , nga ang iyang mga
matuod nga devotos dili gayod mahimong pinilian, nagaampo
ako Kanimo, sa dakong pagpaubos nga paadtoon Mo na sa
langit ang mga kalag sa Purgatorio gikan sa kahago ngadto
sa pahulayan sa himaya nga diha magadayeg sa Imong mga
kalooy sa walay katapusan. Amen.

ORACION
(Sa Ika-upat ka ADLAW)
Jesus nga mahigugmaon uyamot, kon ang mga hampak
mao'y kastigo sa mga ulipon ug labi pa gayod sa mga
makasasala nga nahimo na sila nga ulipon sa yawa, ngano
ikaw nga tag-iya sa mga kabubut-on gitan-aw karon nga wala
nay dagway tungod sa mga hampak? Ay pagkawalay ulaw ko!
Ug nganong gibayran Mo sa Imong putli uyamot nga lawas
ang mga sala nga talamayon sa akong lawas?Nagasaaad
ako Ginoo pagbuhat sa matuod nga penitencia ug pagsakit sa
akong mga kailibgon, tungon niini, uban sa mabangis nga
mga hampak nga giantos Mo didto sa ga-iran, ihalad ko
Kanimo, sa pagtabang sa mga kasakitan nga giantos sa
Imong mahigugmaon nga inahan, niining ag inga labing
makauulaw, dawaton Mo kining kabubuton ko nga mao ang
paghigugma kanimo sa gihapon ug pagsilbi kanimo. Amen.

ORACION
(Sa Ika-limang ka ADLAW)
Ang mga makasasala nagapurong-purong sa mga bulak, ug
ikaw bulak nga matahom ug labing pinili nga Nazareno,
gikoronahan sa mga tunok? Oh! Kanang korona mahapatik
pa unta sa akong ulo, aron masabot ko tungod kaniya ang
pagpalabi-labi ug ang tanan nga nagkalain-lain nga mga
dautang huna-huna! Oh! Kon mahaluna pa unta sa akong
conciencia ang usa lamang ka tunok, ug dili magpahulay
kanako hangtod nga mag-usab ako sa kinabuhi. Dili na ako
buot Dios ko, niining kalibutan ug purong-purong nga bulak
kon dili sa mga tunok nga milapos sa Imong Santos uyamot
nga Inahan, ug Inahan ko man usab nga maloloyon uyamot;
tugotan Mo ang mga kalag sa Purgatorio sa korona nga dili
malaya sa himaya, Amen.

ORACION
(Sa Ika-Unom ka ADLAW)
Ginoo nganong nag-ula ka sa mga mapait nga luha didto sa
Krus? Ug ako wala mag-ula bisan usa na lang ka tulo nga luha
tungod sa akong mga sala? Ay! Dios ko, pagkabuta ko,
pagkalayo sa pagila ko kon unsay kadautan ug kalaw-ay sa
pagbulag ko Kanimo! Hayagan mo ako maayo nga Jesus.
Kay ikaw man ang kahayag sa kalibutan ug mando sa mga
masayop! Tungod sa Imong mga luha ug sa Imong masulob-
on nga Inahan, humoka ang akong kasing-kasing, ug tagaan
Mo ako sa mga luha sa contricion, kon nagatinguha na ako sa
dili pagbalik sa akong mga sala uban sa luha nga dugo,
pahiran Mo ang masulob-ong luha sa mga kalag sa
purgatorio, paambiton Mo sila sa kalipay sa Imong diosnon
nga nawong didto sa gingharian nga langitnon. Amen.

ORACION
(Sa Ika-pito ka ADLAW)
Kon tungod sa kauhaw Mo Ginoo sa salvacion sa mga kalag,
maangkon pa unta nako ang akong salvacion! Ay!
Manunubos ko! Unsa unta ang pag angkon ko sa mga
virtudes ingon sa akong mga vicio ug mga sala karon ingon
nga ania lamang kanako ang mga vicio ug mga sala?
Giangkon Mo lamang ang kapaitan ug dili ka buot sa kalipay
tungod sa labihan nga paglapas sa akong ba-ba ug walay
paghawid sa akong dila, ibutang Mo maayo nga Jesus,
ibutang Mo ang paghilom nga maambong sa Imong masulob-
on nga Inahan nga wala gayod buk-a ang iyang mga ngabil,
nag-antos siya sa usa ka walay katapusan nga kasakit, pag-
nga na ang kauhaw nga dako sa mga kalag sa Purgatorio;
kauhaw sa pakig-kita Kanimo, Paghari uban Kanimo sa wala
nay katapusan. Amen.

ORACION
(Sa Ika-walo ka ADLAW)
Matam-is uyamot nga Jesus, unsa nga mga kabudlay nga
arang kong ika-mahay kon palandungon ko nga ikaw nag-
antos diha sa Krus nga gibiyaan? Ug gipasagdaan ka sa Dios
nga Amahan nga nag-antos ingon ug dili ikaw anak Niya; ug
ang pagtan-aw nga mahinuklogon sa Imong masulob-on
uyamot nga Inahan, nakapadugang sa Imong mga kasakit.
Oh! panig-ingnan nga maka-uulaw sa akong walay
pagpaciencia sa mga kahago, ipadala kanako, Ginoo, ang
mga kakapoy nga makapahimuot Kanimo, apan sa pag-antos
ug pag-pailob nga mao'y dalan nga matuod sa langit. Tungod
sa dakong pag-biya nga gibati sa Birhen nga ulay sa
paghingutas Mo sa atubangan sa iyang mga mata. Pag-
ubanon Mo ako bbatok sa tanang mga panulay ning, kinabuhi,
pag-ubanan Mo ako sa takna sa kamatayon, ug tungod
niadtong maong pagbiya, pagubanan Mo ang mga kalad sa
Purgatorio nga sa Imong pag-ubang ug pag-tabang sa Birhen
Maria milaom sila pag-pakita Kanimo sa Imong Diosnon nga
nawong didto sa minaya. Amen.

ORACION
(Sa Ika-siyam ka ADLAW)
O bangkaw nga mabangis! Nga giablihan mo ang kilid sa
mamamawi! Nga patay na. O pagkatam-is ug
pagkamahigugmaon mo kanako, giablihan mo ako sa puerta
sa sudlanan nga masayon sa matam-is uyamot nga kasing-
kasing ni Jesus! O kasingkasing ni Jesus! O kasing-kasing ni
Maria nga gisamaran niadtong makahahadlok nga bangkaw,
ibta ang akong kasing-kasing ug iipon sa inyong kasing-
kasing aron mahimo unta nga usa ka kasing-kasing nga
maligdong, usa ka kasing-kasing nga mapaubsanon, usa ka
kasing-kasing nga matunaw unta sa gugma sa Dios, ug sa
isig-katawo, ug mahinuklogon kaayo sa mga kalag sa
Purgatorio ug sa uban pang kinahanglan nga sa mga buhat
magpahayag ako sa paghinuklog sa pagtan-aw kanila.
Nasakit ako sa tibuok kong kasing-kasing matam-is nga
Jesus, nahagugma ako kanimo, nga lipayon Mo na ang mga
kalag sa Purgatorio nga nagapanghupaw na sila ug dako sa
pag-adto sa langit, lipayon Mo na sila Amahan sa kalooy ug
Dios sa nga tanan nga kalipay; tungod sa putli uyamot nga
kasing-kasing ni Maria nga mao ikaw gihapon ang kalipay sa
akong kasing-kasing, nasakit ako ug nasakit pa sa pagtamay
kanimo samtang nabuhi ako kay ikaw man ug ikaw gihapon
ang Jesus sa akong kasing-kasing. Amen.
 MGA PATUWAW SA MGA KALAG SA PURGATORIO
Estrevillo

Ay tawo nga mang giloy-an ug among gila-uman

sa langub among gipuy-an Inyu kaming panabangan

Ay! mi-agi na kami ni-anang walog nga luha-an ning tabang

kami sa uban ug kanamo walay motabang? Dili ninyu
hikalimtan nga ang magabalos babaslan
sa langub among gipuy-an Inyu kaming panabangan

Gilibutan man kami sa kasakit nga daghanan, sa kalayo nga

masiga ug dili gayud mapagngan, kay gihuyup kanunay sa
Diosnon nga kina-adman
sa langub among gipuy-an Inyu kaming panabangan

Ang mga salang diyutay, amo nga gipasipad-an, sa walay

pagtagam gayud nga ingon nga batasan, nahimo kaming
takus ning amo nga puloy-ana
sa langub among gipuy-an Inyu kaming panabangan

Ang lima ka balati-an nga dayan-dayan sa lawas ug gigamit

sa tawo sa iyang kasal-anan, gisakit ug dako dinhi balus sa
gikalipayan
sa langub among gipuy-an Inyu kaming panabangan
Ang labing dakung pag-antos ni-ining pagkabutanga, dili ang
kadugay lamang, sa pag-atubang sa Dios nga among
gikahidlawan
sa langub among gipuy-an Inyu kaming panabangan

Kalimot nga walay ingon, ang sa mga kaubanan nahi-agum

lamang sila sa among gikabudlayan, sa wala nilay
pagpalandong sa ilang katigulangan
sa langub among gipuy-an Inyu kaming panabangan

Ang kalooy nga buhat ma-oy among gikinahanglan sa pag-

ampo ug sa misa inyu kaming kahalaran, walay la-ing tambal
Kristiyanos ni-ini nga kalisdanan
sa langub among gipuy-an Inyu kaming panabangan

Pulong man ni JesuKristo nga ang langit nga dalan, Masigpit

nga walay ingon ug sa tagsa ra gilaktan, Nan kaloy-i kami
ninyo, kay sa Dios kamo ba-baslan
sa langub among gipuy-an Inyu kaming panabangan

Ang inyu nga kinabuhi, ingon ug hangin nga mawala, ug ang

kalipay sa yuta daw ako nga mo-agi laman, tumanon ninyu
ang kalo-oy arun sa ulahi baslan
sa langub among gipuy-an Inyu kaming panabangan

Ay tawo nga mang-giloy-an ug among gila-uman

sa langub among gipuy-an Inyu kaming panabangan

V. Au-divi vocem de coelo dicentem ei

R. Beati mortui qui in Domini mori-untur

OREMUS

Dues, viniae largitor, et humanae salutis amator quaesumus

clementiam tuam ut nostrae congregationis, frates propinquos
et Benefatores qui ex hoc saeculo transierunt Beate mariae
semper virgine intercedente cum onmibus sanctis tuis ad
perpetuae beatitudines consortium pervenire concedas.

Fidenum Deus omnium conditor et Redemptor animabus

famulorum famularum que tuarum remissionem cunctorum
tribue peccatorum ut indulgentiam quam semper optaverunt
piis suplicationibus consequantur. Qui vivis et regnas in
saecula saeculorum. Amen.

ROSARIO SA PASION SA ATONG

Ginoong Jesucristo

Tungod sa timaan sa Santa Cruz sa among mga ka-away,

bawi-on mo kami o Dios namo..
sa ngalan sa Amahan sa Anak ug sa Espuritu Santo Amen.

Ginoo kong Hesukristo nagabasol ako sa tibu-ok kong kasing-

kasing ug naligotgot ako sa tanan kong mga sala, tungod sa
kahadlok nga mawala ko ang langit ug ma-angkon ko ang
impyerno. Apan labaw sa tanan tungod kay nahigugma ako
Kanimo. Diyos ko, hingpit nga kaayo ug takus sa tibuok kong
gugma, nagasaad ako ug malig-on nga dili na ako makasala
pag-usab ug nga likayan ko ang mga kahigayonan sa
pagpakasala. Amen.

PANGILABA (invocation)
Ibungat Mo, Ginoo, ang among mga ngabil, initon Mo ang
among mga kasing-kasing, hawanan Mo sa tanang mga
huna-huna nga mahugaw ug walay pulos, hayagan Mo ang
among salabutan ug pagdasigon Mo ang among salabutan ug
pagdasigon Mo ang among kabubut-on aron sa tibuok nga
kasing-kasing panga-dye-on namo kining Santos nga
Rosario, sa mga ka-agi sa Imong Santos nga pagpasakit ug
pagpakamatay uban sa mga kasakit ug mapa-it sa Iyang
Santos nga Inahan, ang Mahal nga Birhen Maria ug dung-gon
kami sa diosnon Mong ka-ambong nga mabuhi ug magahari
sa walay katapusan. Amen

(kaning 11 ka mga pag-ampo nga musunod balikbalikon sa

pagpangadye sa maka-5 aron mahimong Rosario sa Pasion
sa atong Ginoong JesuKristo:)

1. (kini maoy ilis sa Amahan Namo:)

Maloloy-on uyamot nga Jesus, tan-awa sa Imong mga mata
ang kalag sa mga binunyagan nga namatay Ka, tungod
kanila, namatay ug gisakit Ka sa Krus

PAGTUBAG: Kaloy-an mo ang mga kalag sa Purgatorio (o

ang kalag ni _[pangalan]_)
2. Jesus ko, tungod ni-adtong daghanan nga singot ug dugo
nga gisingot Mo didto sa Huerto.
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

3. Jesus ko, tungod sa pagtampaling sa Imong halangdon nga

nawong
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

4. Jesus ko, tungod sa mabangis nga pag hampak Kanimo

PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

5. Jesus ko, tungod sa pagpurong-purong Kanimo sa ma-idlot

nga tunok.
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

6. Jesus ko, tungod sa pagpas-an Mo sa Krus sa dalan sa

kapa-itan
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

7. Jesus ko, tungod sa Imong Santos nga Nawong nga

napuno sa dugo nga gilarawan Mo sa panyo ni Veronica.
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)
8. Jesus ko, tungod sa bisti Mo nga napuno sa dugo nga sa
dakung kapintas gihubo Kanimo sa mga tampalasan.
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

9. Jesus ko, tungod sa Imong santos nga lawas nga gilansang

sa krus.
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

10. Jesus ko, tungod sa Imong santos nga mga ti-il ug mga
kamut nga gilagbasan sa mga ma-idlot nga langsang
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

11. Jesus ko, tungod sa Imong kilid nga nabuka sa pagbuno

sa usa ka bangkaw nga gi-agayan sa dugo ug tubig
PAGTUBAG: Kaloy-an mo ang mga kalag sa Purgatorio (o
ang kalag ni _[pangalan]_)

PAGHALAD
Matam-is nga Jesus, tungod sa pagtubos Mo sa kalibutan
nagpasakit Ka sa krus; nangamuyo kami Kanimo, nga tungod
sa Imong mapa-it uyamot nga mga kasakit, luwason Mo ang
mga kalag sa Purgatorio (o ang kalag ni __(pangalan)__) sa
mga kasakitan nga gi-antus nila ug papahulayon Mo sila sa
Imong himaya nga walay katapusan. Amen.
 LETANYA
Ginoo, Kaloy-an Mo sila
JesuKristo, Kaloy-an Mo sila
Ginoo, Kaloy-an Mo sila
JesuKristo, patalinghugan Mo sila
Dios nga Amahan sa langit
........kaloy-an Mo sila
Dios nga anak, manunubos sa kalibutan
........kaloy-an Mo sila
Dios nga Espiritu Santo
........kaloy-an Mo sila
Santos uyamot nga Trinidad, usa ra ka Dios
........kaloy-an Mo sila

Santa Maria
..............ig-ampo Mo sila
Santa nga Inahan sa Dios
..............ig-ampo Mo sila
Santa nga Birhen sa mga Birhenes
..............ig-ampo Mo sila
Inahan ni JesuKristo
..............ig-ampo Mo sila
Inahan sa grasya na diosnon
..............ig-ampo Mo sila
Inahan nga putli uyamot
..............ig-ampo Mo sila
Inahan nga ulay kaayo
..............ig-ampo Mo sila
Inahan nga wala hilabti
..............ig-ampo Mo sila
Inahan nga walay sala
..............ig-ampo Mo sila
Inahan nga mahigugma-on
..............ig-ampo Mo sila
Inahan nga katingalahan
..............ig-ampo Mo sila
Inahan sa ma-ayong pagtambag
..............ig-ampo Mo sila
Inahan sa Magbubuhat sa kalibutan
..............ig-ampo Mo sila
Inahan sa Manunubos
..............ig-ampo Mo sila
Birhen nga bu-otan uyamot
..............ig-ampo Mo sila
Birhen nga takus dayegon
..............ig-ampo Mo sila
Birhen nga makagagahom
..............ig-ampo Mo sila
Birhen nga maloloy-on
..............ig-ampo Mo sila
Birhen nga malig-on
..............ig-ampo Mo sila
Salamin sa katarungan
..............ig-ampo Mo sila
Lingkuranan sa ka-alam
..............ig-ampo Mo sila
Hingtungdan sa among kalipay
..............ig-ampo Mo sila
Baso nga Espirituhanon
..............ig-ampo Mo sila
Baso nga halangdon
..............ig-ampo Mo sila
Baso sa pagkadevotos nga masa-ulogon
..............ig-ampo Mo sila
Rosa nga mystica
..............ig-ampo Mo sila
Torre ni David
..............ig-ampo Mo sila
Torre nga tiposa
..............ig-ampo Mo sila
Balay nga bulawan
..............ig-ampo Mo sila
Arca sa alyansa
..............ig-ampo Mo sila
Pultahan sa langit
..............ig-ampo Mo sila
Bito-on sa kabuntagon
..............ig-ampo Mo sila
Kalipay sa mga nanagsubo
..............ig-ampo Mo sila
Mananabang sa mga Kristiyanos
..............ig-ampo Mo sila
Hari sa mga angeles
..............ig-ampo Mo sila
Hari sa mga Patriarcas
..............ig-ampo Mo sila
Hari sa mga propetas
..............ig-ampo Mo sila
Hari sa mga apostoles
..............ig-ampo Mo sila
Hari sa mga Martires
..............ig-ampo Mo sila
Hari sa mga Confesores
..............ig-ampo Mo sila
Hari sa mga Birhenes
..............ig-ampo Mo sila
Hari sa mga Santos nga tanan
..............ig-ampo Mo sila
Hari nga pinanamkon sa walay buling sa sala nga panulondon
..............ig-ampo Mo sila
Hari sa mga sagrados uyamot nga Rosario
..............ig-ampo Mo sila
Hari sa kalinaw
..............ig-ampo Mo sila

Kordero sa Dios nga nagakuha sa mga sala sa kalibutan

..............Pasaylo-a sila
Kordero sa Dios nga nagakuha sa mga sala sa kalibutan
..............Dungga sila
Kordero sa Dios nga nagakuha sa mga sala sa kalibutan
..............Kaloy-i sila

Pasakop kami sa imong panabang, Sanros nga Inahan sa

Dios, dili mo biya-an ang among mga paghangyo kanimo diha
sa among mga kinahanglan, luwason mo kami Ginoo sa
ngatanan namong mga katalagman O Birhen sa gihapon nga
mahigugmaon ug bulahan
V. ig-ampo mo kami Santos nga Inahan sa Dios
R. Aron mahimo kaming takus sa pagdangat sa mga gisa-ad
sa atong Ginoong HesuKristo

OREMOS
Nagatugyan kami kanimo, Ginoo, sa mga kalag sa Purgatorio
og sa kalag ni _____ aron kon patay na sila/siya sa kalibutan
tungod sa Imong kalo-oy nga walay katapusan, pasaylo-on
Mo ang mga sala nga ilang nabuhat ug mabuhi unta sila uban
Kanimo sa walay katapusan. Amen

V. Requiescant in pace
R. Amen