Alin ang Higit na Mahalaga, Wikang
Filipino o Wikang English?
(IKALAWANG BERSYON)
Lakandiwa:
Minamahal naming mga kamag-aral
Mga magulang, mga guro at prinsipal
Mga panauhing pinagpipitaganan
Naririto ngayon sa’ting paaralan.
Magandang umaga po, ang bating marangal
Ang Buwan ng Wika ating ipagdiwang
Ikasampung baitang ang amin pong alay
Ipagmamalaki, isang balagtasan.
Wikang Filipino ay sariling wika
At ang wikang English ay wikang banyaga
Kapwa ginagamit ng may pang-unawa
Higit na mahalaga, alin na nga kaya?
Sa umaga pong ito, aking ipinakikilala
Dalawang mahusay, maganda at batikang makata
Sa pangangatuwiran, hahanga ka sa kanila
Masigabong palakpakan pasalubungan natin sila.
Sa wikang Filipino ang mangangatuwiran
Si Bb. Rasheda Hadji Latifh sa ikasampung baitang
At sa wikang English ang makakalaban
Si Mr. Abdul Muqtadir Magarang at
Atin na po silang pagtuunan.
Wikang Filipino:
Ako ay isang batang kay Manuel Quezon nagpupuri
Naniniwalang, Wikang Filipino ang minimithi
Lahat ng hangarin ng mga damdaming sumisidhi.
Sa puso at diwa, ako’y Pilipino
Magandang Pilipinas ito ang bayan ko
May sariling wika, wikang Filipino
Wikang ginagamit sa Luzon, Vizayas at Mindanao
Kayat kilalang lahat ginagamit araw araw
Kahit san ka magpunta siya'y magsisilbing tanglaw.
Wikang Filipino'y marapat na maging wikang panglahat.
Wikang Ingles:
Dahan-dahan sa pagsalita katunggaling maganda
Sapagkat nasasaktan mo mga taong maralita
Alam nating itong English, isang wikang pandaigdig
Sa lahat ng pag-aaral pangunahing ginagamit
Ang mga asignaturang Science, English at Mathematics
Paano mo ililiwat, di malirip, di maisip.
Ang bagong alpabeto hindi mo ba napapansin
Ang dating A B K D ngayon ay A B C D na
May computer, may internet, Facebook at may Google plus
pa
Sa wikang Ingles, tuwid na landas ang magiging daan.
Wikang Filipino:
Nagkamali ka sa iyong paniwala katunggali ko
Alam nating sa’ting mundo marami ng pagbabago
Makabagong teknolohiya patuloy sa pag-asenso
Mentalidad na kolonyal dayuhan ang pasimuno
Ngunit naghihirap pa rin ang maraming Pilipino.
ang sariling wika natin ay ang Wikang Filipino
Upang magkakaintindihan lahat ng Pilipino.
Wikang Ingles ay hindi ko naman minamaliit
Ngunit wikang Filipino ang kinagisnan minana pa sa
ninuno
Nararapat alagaan, itaguyod nang lumago
Filipino ang nararapat na maging wikang panlahat
Sa kalakalan, sa paaralan at maging sa simbahan
Kahit sa pagbabalita, hindi mo ba nakikita
Kapag Filipino ang gamit hindi ka matutunganga.
Tuwid na landas, handog ng Wikang Filipino
Gamit ng mga guro bilang kanilang wikang panturo
Sa simbahan man upang sa wastong aral ay matuto
Sa pamahalaan upang batas ay mabubuo.
Wikang Ingles:
Paano magiging panlahat ang wikang Filipino
Kung ang tao ay
gumagamit ng mga dayalekto
Lumibot ka sa ‘ting pitong libo’t isang daang pulo
Mapapatunayan mo na sinasabi ko’y totoo.
Sa paaralan, guro nga’y nagturo ng Filipino
Ngunit isinasalin pa rin sa mga dayalekto.
Sa paggawa ng batas, di ba Ingles din katuto ko?
Di mo masasalin ang Konstitusyon sa Filipino.
Sa simbahan, gamit ng pari ay dayalekto
Dahil kung hindi, mga tao ay tutunganga rito
Kaya wikang ingles, wikang panlahat ng mga tao
Daan sa matuwid na landas ng mga Pilipino.
Sapagkat itong English isang wikang unibersal
Wikang ating ginagamit sa pakikipagtalastasan.
 Sa pakikipag-ugnayan sa mga dayuhan
Upang itong mga bansa ay magkaunawaan.
Wikang Filipino:
Sa mahal kong katunggali na kapwa ko Pilipino
Huwag nating kalimutan, dapat nating isapuso
Itong wikang kinagisnan, ang Wikang Filipino
Gamitin nating sandigan sa pag-unlad, pag-asenso.
Kahit anong piniling wika kapwa ay mahalaga
Maging Filipino man ang gamit o wikang ingles.
Ito'y gamit sa kaunlaran ng ating bayang sinisinta.
Kaming tatlo'y naririt, sa inyo'y nagpapasalamat
Mahal naming kamag-aral, mga guro at magulang
Taos pusong bumabati, maligayang pagdiriwang
Ang hiling po namin, masigabong pala.

Wikang Ingles:
Hindi ko nalilimot na ako ay Pilipino
Mahalaga rin ang English at ‘yan ay nababatid mo
Lalo na kung may balak kang sa ibang bansa ay magtungo
Ang pandaigdig na wika, dapat pag-aralan mo.

Wikang Filipino:
Hindi kana nahiya sa mga sinasabi mo
Hindi mo na naiisip na ang unang lingwahe ay filipino.
Subalit yan ba ang pagiging totoo ng isang katulad mong
tatwa? Na hanggad ay ingles kaysasa sariling diwa?

Wikang Ingles:
Paano tayo makikipagsalamuha sa mga taga ibang bansa.
Filipino ba ang gagamitin bilang dila? Magisip kanaman
Kantungali! Di lahat ng sinasabi hingid sa mabilis!

Wikang Filipino:
Taong Makabayan lang ang makakasabing “Ako’y
Pilipino”
Bilang Unang Lengguwahe Kasali kana roon!

Wikang English:
Mahal ko ang bayan ko, pero ayon para sa lahat, walang
komunikasyon ang bansa pag walang english ang naganap!
Paano na tayo makikipag usap?

Lakandiwa:
Tama na, sukat na, mahuhusay na makata
Ang pagtatalo n’yo ay h’wag nang palawigin pa
Sa madlang nanonood kayo na po ang magpasiya
Alin ang mas mahalaga, sariling wika o wikang banyaga?
Upang tayo’y magkaisa sa puso't diwa.