11 Marso 2020

G. AT GNG. GASPAR AT TATA PEGA

Lot 3, Block 13 Amityville Subdivision
Montalban, Rizal

G. at Gng. Pega,

Nagsadya sa aking tanggapan ang aking mga kliyente na mag-asawang JUAN at

REBECCA VALDELLON upang sumangguni patungkol sa lupang kanilang pag-aari na
kasalukuyang inyong pinuposisyunan na matatagpuan sa Lot 3, Block 13 Amityville
Subdivision, Montalban, Rizal.

Ayon sa kanila, noong taong 2014, kayo ay pinahintulutan ng aking mga kliyente
na pumosisyon sa nasabing lupa ng dalawang taon o hanggang taong 2016. Subalit apat
na taon na ang nakalilipas mula nang mapaso ang inyong kasunduan ay hindi pa ninyo
nililisan ang nasabing pag-aari ng mag-asawang Valdellon.

Kaugnay nito, nais naming ipabatid na ngayon ay kailangan na ng mag-asawang

Valdellon na gamitin ang nasabing lupa kaya’t kayo ay pinapakiusapan na lisanin at
bakantehin ang kanilang pag-aari.

Dahil dito, kayo ay binibigyan lamang ng hanggang ika-30 ng Abril, taong

kasalukuyan upang lisanin at bakantehin ang nasabing lupang pag-aari ng mag-asawang
Valdellon. Ang inyong hindi pagtalima sa nasabing pakiusap ay magbubunsod sa mag-
asawa na gumawa ng kaukulang legal na aksyon laban sa inyo patungkol sa nasabing
usapin.

Gumagalang,

ATTY. LAURENCE L. PASIA

(para sa mag-asawang Valdellon)