Die 14 februarii

SS. CYRILLI, MONACHI,

ET METHODII, EPISCOPI

LECTIO PRIMA

Lectio Actuum Apostólorum 13, 46-49

46
Paulus et Barnabas dixérunt:
“ Vobis oportébat primum loqui verbum Dei;
sed quóniam repellítis illud
et indígnos vos iudicátis ætérnæ vitæ,
ecce convértimur ad gentes.
47
Sic enim præcépit nobis Dóminus:
“Posui te in lumen gentíum,
ut sis in salútem usque ad extrémum terræ ”.
48
Audiéntes autem gentes gaudébant
et glorificábant verbum Dómini,
et credidérunt,
quotquot erant præordináti ad vitam ætérnam;
49
ferebátur autem verbum Dómini
per univérsam regiónem.
Verbum Dómini.
PSALMUS RESPONSORIUS Ps 117 (116), 1-2 (R.: por. Mc 16, 15)
R. Euntes in mundum universum prædicate
evangelium
1
Laudate Dóminum, omnes gentes;
collaudate eum, omnes pópuli.
2
Quóniam confirmata est super nos misericórdia
eius,
et veritas Dómini manet in ætérnum.
ALLELUIA
R. Allelúia. Allelúia. V. Dóminus misit me evange-
lizáre paupéribus, prædicáre captívis remissiónem
R. Allelúia.
? Léctio sancti Evangélii secúndum Lucam 10 , 1-9
In illo témpore,
1
designávit Dóminus alios septuagínta duos et
misit illos binos ante fáciem suam in omnem civitá-
tem et locum, quo erat ipse ventúrus.
2
Et dicébat illis: “ Messis quidem multa, operárii
autem pauci; rogate ergo Dóminum messis, ut mi
tat operários in messem suam.
3
Ite; ecce ego mitto vos sicut agnos inter lupos.
4
Nolíte portáre sácculum neque peram neque cal-
ceaménta et néminem per viam salutavéritis.
5
In quamcúmque domum intravéritis, primum dí-
cite: “Pax huic domui”. 6 Et si ibi fuerit fílius pacis,
requiéscet super illam pax vestra; sin autem, ad vos
revertétur.
Lc 4,18
7
In eadem autem domo manéte edentes et bibéntes,
quæ apud illos sunt: dignus enim est operárius mer-
céde sua. Nolíte transíre de domo in domum.
8
Et in quamcúmque civitátem intravéritis, et suscé-
perint vos, manducáte, quæ apponuntur vobis, 9 et
curáte infírmos, qui in illa sunt, et dícite illis:
“Appropinquávit in vos regnum Dei”.
Verbum Dómini.