Gih zund lkafor, lhubb iga zund rrih A(y) h inghan, a winu, d llih ak sul ur zerraḥ A zund igr ih imi n tegemmi ih itteṛehn I yan; Idarren inu feghen t id, l3aqqel inu ḍfaren k Mreḥba-bik a yan d-yiwi ugharas dar-neḥ Mreḥba-bik a jud-nnas, a lfahim-bin-nnas A ken iḥajeb Ṛebbi i lbaḍel, ibḍu d-ik anwwach! If awed yan uqqnḍaṛ n lhimma d laman Lfayda a3yyal imil a tent id kullu ijmmelen Wa rrda n Ṛebbi d lwalidayen inu lkem at aḥ Mk-ann d-izggur ucakuk i lẓṛeg iḥ d-ukʷin A ya(n) ur irbeḥn ḥ lwalidayen, iqqneḍ ḥ lxir Iqqneḍ ḥ udm n Ṛebbi, lԑdab iṭγan ad ẓeṛṛan Ssi Ḥmad u Bṛahim, ṛjiḥ s Ṛebbi s a(y) k izayd lxir Izayd awen d ussan ad atin willi zrinin Lfayda wawal, a t bduḥ iḥ ra t ifhem yan Iwa sslam-ԑlikum, a Lli-iԑawen a yan d-ufiḥ! A wa sslam-ԑlikum d temment d udi d watay! Ig usγar nnes n lmaḥibba xayr-wajb a lqqaḍi N Suss ; imikk a ttaram lḥubb ad t tedawam Tasa n yan umaḍun tega zund iḥ g-is izri ssif Igan win lγazawa ; ttennramt a ccahwa aṭṭan Umeneḥ s Ṛebbi s a kkateḥ licaṛt ar yyi zrayent Umneḥ s Ṛebbi, ḍeṛen yan mennaw ifrawen Inna ḥ sreseḥ laṭeṛt inu, kkint as lbnat ayyur Nḥ sin ggammiḥ ad nn-iliḥ ḥ tasa n iẓnkʷaḍ A ṭṭabla mu kullu ssutelen lkwas n lbllaṛ Ad anḥ ig Ṛebbi d unqqim a t neg yan wass! A(y) awen tt neḥukku s zzif, neḥṛṛeb awen tt ! Is ur d s inna Saydna Malek iḥ igʷmer yan Ar itteḍalab igʷrramen ad as d-awin A(y) afrux n udad nḥ aẓnkʷeḍ ; ad as d ur awin Iḥ t yad neγan ikk akkʷ waḍu iḍuṛan A yan mi tefekit a Ṛebbi zzin ka mi tejmmelt Zzin, timatarin a(y) iṭṭaf ad ten d-fasereḥ Baṛk-Llah a yat tiddi zund lqqaleb n ṣṣkkʷaṛ! Baṛk-Llaḥ a ya(n) udm zund iḥ ibri yan ! Llmlef f lqqiyas ; amggṛeḍ a(y) as neḥaseb iγir Tuxʷsin, amud wagan ; lԑṭeṛt ad teg imikk Azzar ikkuṭṭi f wayyaḍ ; adlal-ad d-x nettan Ifrawen n uγalim-ann isgllab wasif A yan d-iqqan ad ak ṛẓemn urtan ar d ak melin Lxyar n waḍil d litcin nettan d ṛṛmman D lḥlu, yasi tasurt ilger t id fell-ak Yuf yan ten akkʷ ur issen iḥ d-iqqan γik-ann A(y) atbir lli f a nesmummuy rar aḥ d awal Iḥ a kʷen ur izziwiz lḥubb inu, Llah-ihnni-k ! Neḍaleb i Mulana ṣṣbeṛ iggutn a yyi d-ḥaṛṛun Imma lfiraqq iga tamaḍunt ur ittedawan