PRESSCONFERENCE OF GOVERNOR CHIZ ESCUDERO | JUNE 30, 2020

Update on 2 new COVID-19 cases in Sorsogon Province

Summary

1. Igwa san 2 na bag-o na positive COVID-19 cases an Sorsogon niyan na adlaw.

a. An una si Tyrone Christian Rocha, 22 years old taga Bibincahan, Sorsogon City
na hale sa Guadalupe, Cebu City. Naguli san June 20, 2020. Naghome
quarantine. Nagkalagnat kaya inswab test. Niyan nasa Mercedes Hospital pero
ibabalyo sa COVID-19 Ward sa Sorsogon Provincial Hospital. Pwera sa
chickenpox, siya ay asymptomatic o wara inpapaimod na sintomas.
b. An panduwa, si Josefa Jazmin na taga Cogon, Gubat, Sorsogon. Nagistar sa
Quezon City. Sin June 13, na-admit sa St. Lukes dahil sa Chronic Kidney
Disease. Bago idischarge sa St. Lukes, inswab test siya kun hain an resulta niya
ay negative. Naghali sin June 18 paSorsogon. Pag uli nagkamay-on sin kalintura
nan nagsabi na inpapagal na maghangos. In-admit sin June 26 sa Metro Health.
Namatay sin June 29 na maaga dahil sa pneumonia. Nagluwas an kaniya swab
test result na positive niyan lang na adlaw, June 30.
c. Nacremate niyan na adlaw an namatay na positibo sa COVID-19.
2. Inhome quarantine dati an duwa na bag-o na cases kay mao an instruction sin IATF nan
DOH sa mga MGCQ areas. Diri na ini susunudon kaya mabalik sa facility quarantine an
Sorsogon.
3. Tinatapos sin Provincial Health Office (PHO) nan PESU an contact tracing sa duwa na
bag-o na kaso sin COVID-19. Ikwaquarantine intiro na nakahalubilo sadi na duwa.
4. Nakadepende sa contact tracing results kung ilalockdown an barangay kun diin
nakaistar an duwa na bag-o na cases.
5. Naglanding sa Legazpi City nan suminakay sa pribado na sakayan an saro sa
nagpositibo. Samantala, an saro by land an pag-uli.
6. Nagsunod sa intiro na protocol an Metro Health sa pag-admit san pasyente na namatay.
7. An opisina sin governor mapaluwas sin executive order na mabalik sa dati na protocol
na mandatory quarantine sa intiro na masulod sa Sorsogon. Diri na home quarantine
kundi facility quarantine na.
a. Intiro na masulod sa Sorsogon ay ikwaquarantine san 14 days sa municipal
quarantine facility.
 b. An sin-o na nag-uli na mapaimod sin sintomas ay ipapadara sa COVID-19
Facility sa Cabid-an, Sorsogon City.
c. An sin-o na nag-uli na may malala na sintomas o nagpositibo ay icoconfine sa
Sorsogon Provincial Hospital.
d. May exception para sa humanitarian reasons subject sa evaluation sin PHO.
8. Gagamiton an mga eskwelahan para sa facility quarantine pwera sa Sorsogon State
University kay inplaplano sin CHED na mag-abre sin klase.
9. Magkakamay-on man gihapon face to face na klase sa mga pili na lugar sa probinsiya.
Diri gagamiton para sa quarantine an mga eskwelahan sadi na mga lugar.
10. Naniniwala si Governor Chiz na diri mabalik sa ECQ an probinsiya maski may bag-o na
positibo na kaso sin COVID-19.
11. Sa niyan, wara pa utro insusundo an sweeper team nan wara pa plano para magpadara
sin bag-o na sweeper team..
12. Wara sa maabot 3,000 katawo na nirescue/sinundo san sweeper team an nagpositive
sa COVID-19.
13. Intiro na positive cases sin Sorsogon ay ang mga nagbiyahe pauli sa paagi sin kanira
sadiri na paagi. Diri ini sinundo sin sweeper team.
14. Wara plano na i-ban an pag-uli o pagsulod sa Sorsogon sin mga Sorsoganon.
15. Sinabi ni Governor Chiz na wara pinagbag-o sa precautions na inpapahimo sa mga
tawo. I-assume na positibo an mga makakahalubilo, magsocial distancing, magsul-ot sin
face masks, nan maghugas sin kamot.
16. An mga stranded sa Pilar, Sorsogon na hali sa Cebu nan mapakadto sa Samar ay
inpapaquarantine sa municipal facility quarantine sa Pilar.
17. Wara pa resulta an 4 na inswab test sin nakaagi.
18. Diri irerekomenda sa DILG an pagissue sin Authorized Persons Outside Residence nan
irereview an pagrelease sin Letter of Exemption.
19. Nasa Municipal Local Government Unit (LGU) an istrikto na implementasyon sin mga
executive orders sin governor nan policies sin national government.
20. Ipinaabot ni Governor Chiz an pakikiramay sa pamilya sin namatay na nagpositibo sa
COVID-19.
21. Governor Chiz: There is always a cause for panic. Nobody should relax.
22. Sinabi ni Governor Chiz na harayuon pa an tapos san problema sin COVID-19.
Padagos an pag-ingat nan health protocols. Isipon na kung sin-o man na kahampang
mo ay posibleng positibo sa COVID-19.
23. Governor Chiz: An bag-o na kaso sin COVID-19 ay wake up call o pamukaw sa gabos
nan lambang saro na yaon man gihapon an COVID-19. Da-i pa pwede magkumpiyansa
kay da-i pa vaccine nan cure.
24. Inaayo ni Governor Chiz an kooperasyon nan pagsabot sa mga i-iissue na mga order
nan advisory san provincial nan local government units.