sa: The Imitation Game” Ang Pelikulang The Imitation Game batay sa totoong kwento na isinulat ni Andrew Hodges ay idinirekta ni Morten Tyldum na pinapakita ang buhay ni Alan Turing, isang British na matematiko na naghahangad na masira ang Enigma code ng mga Aleman. Sa pelikulang ito, si Benedict Cumberbatch ay gumaganap bilang si Alan Turing. Habang nanonood ako sa pelikula parang segundo lang siyang lumipas. Ako ay nakaupo at natulala sa nakakaakit na kwento Ito ay isang kwento kung saan ang isang British na matematiko, si Alan Turing at kasama ang kanyang pangkat nailigtas nila ang halos 14,000 na buhay sa panahon ng ikalawang digmaang pandaigdigan sa pamamagitan ng pagbubuo ng isang kompyuter, na sinibak ang Enigma encryption code na ginawa ng mga Aleman at sinasabi na hinding-hindi mawawasak. Sa edad ng 23 tinanggap ni Turing ang proyekto na masira ang Enigma, hindi siya nakakaintindi at makapagsalita na wikang Aleman, ngunit siya ang pinakadalubhasa sa artipisyal na katalinuhan sa bansang Bretanya. At dapat ito ay palaging gawin ng mga samahan; kumuha ng kawani na napakahusay. Minsan ang pinakamahusay na maaaring hindi matugunan ang lahat ng mga kinakailangan ngunit hanapin ang indibidwal na may paniniwala sa kanyang mga ideya. Iyon mismo ang ginawa ni Turing. Siya ay nagpatuloy sa pagsasama-sama ng mga pinakamahusay na pangkat kahit na hindi siya personal na nakikisama nang maayos sa karamihan sa kanila. Mahalaga na hindi niya hinayaan ang kanyang personal na pagkiling na humadlang sa paggawa ng isang propesyonal na desisyon. Kinuha niya ang isang babae, si Joan Clarke, upang sumali sa kanyang koponan dahil nalutas niya ang isang pagsubok na krosword ng mas mabilis kaysa sa lahat ng mga kalaban niya na lalaki. Ito ay isang matapang na galaw sapagkat sa Bretanya ang karaniwang pananaw ng mga kababaihan ay kwalipikado lamang na magsagawa ng mga pang- mababang gawain. Pinapapakita lamang nito kung paano ang pagkakaiba-iba ay gumagawa ng panalong koponan. Ang kanyang deisiyon na piliin si Clarke ay nagbungad ng magandang resulta sapagkat si Joan na merong intuwisyon tinuru niya kay Turing, na walang kasanayan sa pakikipag- ugnayan pagitan sa mga tao, maliban na lamang kung makuha niya ang pangkat na magtulungan at diyan niya lamang makakamit ang kanyang layunin na wasakin ang code sa kabila ng kanyang paniniwala sa kanyang abilidad at katalinuhan. Ang isang napakatalino na tao na hindi sanay makipag tulungan sa kanyang pangkat, madalas nabibigo sa pagkamit ng kanyang mga layunin. Ang pagtutulungan sa kapwa ay mahalag. Marahil ang pinaka nakakaapekto na pahayag sa pelikula ay: "Minsan ang mga tao na hindi natin iniisip na makakamit ng kahit ano, ay sila mismo ang nakakagawa ng mga bagay na hindi maisip ng sinuman." Bilang mga namumuno, kailangan nating tandaan na ang pagbabago at pagkamalikhain ay nagmumula sa mga lumalabag sa mga tularan, naiiba ang pag-iisip at nagsisikap. Si Turing ay isa sa mga lalaking naglakas-loob na mag-isip ng iba nang sinabi niyang makina lamang ang makakatalo sa ang isang makina. Ang tanging paraan lamang upang basagin ang Enigma code ay upang masira ang tradisyunal na mga tularan at lapitan ang gawain sa paglabag ng code sa isang ganap na naiibang paraan - pagbuo ng isang electro-mechanical machine, isa sa mga unang kompyuter. Minsan ang pinaka-makabago at malikhaing tao ay ang mga pinaka hindikaraniwan. Bilang mga pinuno, kailangan din nating maging maingat na huwag hayaan ang burukrasya na pumatay ng mga bagong kabukasan. Ang kwento ni Turing at ng kanyang makina, tinawag ito ng ilan na nauuna ng modernong araw na pag-kwenta, kahit na kaakit-akit ito sa aktwal na naisip ko ang ating samahan, ating mga koponan at ang gawaing ginagawa natin araw-araw. Ang Imitation Game sa akin ay naging isang napakatalino na aralin sa pamumuno, sa pagkahilig na sundin ang iyong ideya, sa pagbabago at sa pagwawasak ng tularan; lalo na mahalaga na magsimula sa ating sariling paghahanap ng pagbabago at pamumuno sa pamamagitan ng isang pagdaloy sa ating mga ideya at magkatulungan kasama ang ating pangkat.