IK’TI’ (EL CUENTO)

NO’ B’ALAM CHYOCHEKOJ ALKALIL

AB’ YET HUNEK AY NO B’ALAM CHYOCHEKOJ

ALKALIL

YAJA’ SSAY NO’ HUNOJ NO’ NOQ’ KAW KANH

STZOTELI, YUNHEB’AL YAYK’AYTIJ SK’UL NO’
YAQ’B’ILXA NIXHTEJ NOQ’ KAT YANOJKOJ SB’AH
YETB’IHOJ NO’ ICH B’ALAM TI’, HAKTU’ XU YAWTEN
NO’ NO’ CH’EL.

CH’OCHELAX PAX HUNUJ NOJ NO’ NOQ’

CH’IJNOJIK’OJ SUNIL TZETET CH’OKNIKOJ YINH HEJ
YAMB’A’B’AHIL; HAKTU’ XUH YAWTELAX NO’ CHEH.
X’AWTELAX NO’ MIS YUNHEB’AL STANHEN PAX HEJ
TE’ HUM, YUNHEB’AL MACH XHK’UXLAJTOJ YUH NO’
TX’OM.
CH’OCHELAX PAX HUNUJ MAK CHTANHEN KAPILTUH,
HAKTU XUH YAWTELAX METX TX’I’

CH’OCHELAPAX HUNUJ NO’ NOQ’ KAW ITZ’AT SWI’,

YUNHEB’AL STINILOJ HEJ AB’IX YINH YAMB’A’B’AHIL,
HAKTU XUH YAWTELAXTIJ NO’ XHIK

CH’OCHELAX PAX HUNUJ NO’ AB’IXLOM KAW AY

YANHE, HAKTU XUH YAWTELAX NO’ SAJCHEH.
CH’OCHELAX PAX HUNUJ NO’ B’ISOM Q’INAL
YUNHEB’AL MACH CHK’AYTOJ STXOLIL MUNIL,
HAKTU’ XU YAWTELAXTIJ NO ICHAM CHIYOJ

KAW YETWANOJ YEH SSAYLAXPAX HUNUJ NO’ NOQ’

STX’ATX’EN YUL KONHOB’, HAKTU’ XU YOKPAX NO’
HUSMIJ STZ’AJOJ
AY HEJ AB’IX KAW NAHAT CH’APNI, YUXINTOH
CH’OCHELAX HUNUJ NO’ NOQ’ CH’INITOJ, HAKTU’
XUH YAWTELAX NO’ CH’IK.
HAKTU’ XUH YICHIKOJ HUNE’ MUNIL TI’, X’AWTELAX
SUNIL HEJ NO’ NOQ’ YINH YAB’A’B’AHIL, YUNHEB’AL
YAQ’NI SB’AH NO’, YINH NO’ B’ALAM CHYONHEKOJ
ALKALIL.
SUNIL HEJ NO’ NOQ’ TI’ X’A’NI SB’AH YINH NO’
B’ALAM; HAKTU’ XUH YOK NO’ ALKALIL.
KAW XQ’INHNHELAXI, SYAMANIL NO’ NOQ’
TZALALAL YEHI, HAKTU’ CHUH STANH HUNE’ IK’TI’
TI’.