Title of the photo essay : MAG-AARAL: DEDIKASYON AT INSPIRASYON
Schools Division Office : Bacoor
District : 3 School : Molino Elementary School Name of School Head : Leonora M. Pantorgo Name of Author / participant : Glenmar S. Fortiza
MAG-AARAL: INSPIRASYON SA SINUMPAANG PROPESYON
“Walang permanente sa mundong ito maliban sa pagbabago” – gasgas man pero taglay nito ang katotohanang transpormasyon ng mga gurong Filipino mula sa pagiging tradisyunal na guro tungo sa makabagong guro. “NGUNIT IKA NGA, MABAGO MAN ANG SISTEMA NG EDUKASYON, HINDI MAGBABAGO ANG DEDIKASYON NG BAWAT ISANG GURO, DAHIL MAY MGA MAG-AARAL NA NAGSISILBING INSPIRASYON SA SINUMPAANG PROPESYON.“ Para sa pagtugon sa hamon at sa patuloy na pagtupad ng sinumpaang tungkulin at layunin hindi inurungan ng mga gurong Molineño ang hamon ng Early Language Literacy and Numeracy Digital Course at SLAC on Differentiated Instruction integrating ICT and community linkages in teaching modular printed/digitized and online distance learning delivery upang matugunan ang dekalidad na pagkatuto ng mga mag-aaral. Ayon sa punongguro ng Paaralang Elementarya ng Molino Dr. Leonora M. Pantorgo, “Kung may sapat na kaalaman sa teknolohiya, magagamit ito ng mga guro sa pagtuturo, blended o modyular man yan”. Dagdag pa niya, tinuruan ang mga guro kung paano lalong mapaganda ang Power Point Presentation para sa video assisted lesson, tinuro din kung paano gumawa ng google forms, online attendance at ibat-ibang quiz format tulad ng kahoot at quizziz.com na malaking tulong sa mga guro para lubos na makuha ang interes ang mga mag-aaral. Hindi nagging balakid ang edad para sa transpormasyon mula sa pagiging isang tradisyunal na guro tungo sa isang makabagong guro. Kababakasan mula sa mga larawan ang proseso ng isinagawang pagsasanay o School Learning Action Cells ng mga gurong Molineño. Nagkaroon ng pagpaplano base sa kung ano ang pangangailangan ng mga guro sa new normal, implementasyon nito at ebalwasyon para sa tuloy-tuloy na pag-unlad ng programa. Ani ni G. Jimmy Narcise, Learning and Development Koordineytor, “kahit nasa bagong sistema tayo ng edukasyon ay hindi nito mababawasan ang aming dedikasyon sa pagtuturo dahil ang bawat mag-aaral ay nagsisilbing inspirasyon sa sinumpaang propesyon”.