Nagsilbing inspirasyon, Mga responsableng tao’y kanyang nabuo…
Dahil siya’y isang guro, sa mga mag-aaral ay may
malaking puso Tumayong ina at Guidance Counselor ang guro Buong buhay nito iniukol sa pagtuturo. Tumandang dalaga ang guro.
Kaya’t sa araw ng mga Puso, walang kaparis ang puso
ng guro. Nagpasyang magliwaliw sa Mall na bagong patayo. Naglakad-lakad at biglang may nabunggo, Isang lalaking matipuno at bihis-edukado. Nagulat, lumingon at biglang yumakap sa guro. Nagpakilalang dating estudyante nito at isa nang Inhinyero. Natuwa ang guro at nagpasyang makipagkuwentuhan sa inhinyero. Kakain sa isang resto at nag-order ng pansit at puto. Dumating ang order ng inhinyero at ng guro Iniabot ito ng nakangiting may-ari ng resto Humalik sa guro at nakipagkamay sa inhinyero Nagpakilala at sinabing “Mam, agriculturist na po ako.”
Nagkuwento at sinabing pagmamay-ari ng
agriculturist ang resto At ang pagkaing iniabot sa guro at inhinyero ay bunga ng pagpupunyagi nito. Natuwa ang guro sa tagumpay ng agriculturist na kaharap nito Nakiupo ang agriculturist at nakipagkuwentuhan din sa mga ito.
Sa lakas ng boses at kasabikan ng mga agriculturist,
inhinyero at guro Tumayo ang isang kustomer sa katabing mesa ng mga ito Lumapit sa agriculturist, inhinyero at guro Agad ding nagpakilala at sinabing estudyante rin siya ng guro At sinabing “Salamat din po mam, Accountant na rin po ako. At ang lahat ay dahil po sa inyo, aming inspirasyong guro.”
Lumingon ang accountant at tinawag ang kasama
nito Ngiting-ngiti rin ang tumayo at lumapit sa kinaroroonan ng mga ito Halatang-halata na ang papalapit ay isang doktor, dahil sa suot na puti nito Agad yumakap at humalik sa guro. Nang biglang nagkagulo sa resto Hinimatay ang babae at isang lalaki ang sumalo Ang doktor at ang agriculturist ay agad sumaklolo Nagpag-alamang buntis pala ito at ang lalaking sumalo ay asawa nito Tumulong na rin ang accountant at ang inhinyero. Salamat naman at nahimasmasan na rin ito. Binalikan ng accountant, agriculturist, doktor at inhinyero Ang matamang nagmamasid na nagpupunyaging dating guro `Tuwang-tuwa ito dahil kabahagi siya sa pagkakabuo ng mga ito Dating estudyante lamang ngunit ngayo’y ganap na mga ehemplo.
Sabay-sabay na lumapit ang accountant, agriculturist,
doktor at inhinyero Sa kanilang guro ay humarap at nagsabing, “Mahal naming guro, kami ngayo’y isang ganap na doktor, agriculturist, accountant at inhinyero Dahil kayo ang dahilan ng lahat ng ito Kayo na tumayong pangalawang magulang na totoo Hindi lang kayo isang ordinaryong guro Kundi isang inspirayong bumuo sa aming buong pagkatao. Salamat po Mahal naming guro.”