Sa panahon ng Enero, maraming mga Kristiyano ang nag-iisip tungkol sa

kanilang mga espiritwal na buhay at gumagawa ng mga resolusyon na

basahin ng matapat ang Salita ng Diyos bawat araw. Ang ilan sa paraan
ng pagbabasa na iyan ay ginagawa sa pamamagitan ng pagbabasa ng
"buong Biblia" sa pamamagitan ng sistematikong plano na basahin ito.
Nagbibigay ito sa mambabasa ng malawak na pagtingin sa mensahe ng
Biblia. Ang pinakasimpleng paraan upang basahin ang Biblia sa isang
taon ay ang pagbabasa ng dalawang kabanata mula sa Lumang Tipan at
isang kabanata mula sa Bagong Tipan bawat araw. Sa pagtatapos ng
taon, nabasa mo na ang lahat ng animnapu't anim na aklat. Ang isa
pang paraan ng pagbabasa ng Bibliya ay "paunti-unti" sa pamamagitan
ng paggamit ng isang debosyonal na buklet o tablet app tulad ng Our
Daily Bread. Ang maikling plano na ito ay nagbibigay sa atin ng isang
napapamahalaang, pang-araw-araw na pagkain ng Salita ng Dios.
Parehong mabuti at balanse ang mga plano sa pagbabasa na ito.
Binibigyan tayo nito ng araw-araw na pahayag mula sa Biblia, ang Banal
na Salita ng Diyos.

Ang resolusyon na hindi natin madalas marinig ay ang plano sa Bagong

Taon na basahin ang Biblia ... nang malakas! Oo! Mayroong kahanga-
hangang kahalagahan ang tinatawag na pagbabasa ng malakas ng
Biblia. Naranasan ko ito nang personal at nang sama-sama sa loob ng
ilang taon na. Sa pribado, nasanay na ako ng pagbabasa ng malakas ng
aking lingguhang mensahe at mga aralin sa Sunday School. Sa una,
nahihiya ako na marinig ng iba na nagbabasa ako ng malakas kaya
binabasa ko ang mga piling teksto para sa linggo sa tahimik na tono at
pabulong upang hindi magtaka at magtanong ang aking pamilya sa
bahay o mga miyembro sa iglesia na baka mag-usisa tungkol sa akin na
nagsasalita ng malakas na wala namang ibang kasama sa silid. Hindi
nagtagal ay nakasanayan ko na ito at hindi na ako nako-conscious sa
sarili ko tungkol sa pagbabasa ng malakas.

Nakita ko ang pakinabang sa pagbabasa ng Bibliya gamit ang aking tinig.

Nakakatawa kung paano ko "naririnig" ang isang katotohanan na
napalampas ko sa simpleng pagbasa nang tahimik. Nagulat ako sa mga
pananaw at saloobin na ito at naisip ko na marahil ako ay naging
sobrang pabaya sa pagmamadaling suriin ang teksto. Gayunpaman, sa
pagpapatuloy ko ng pagsasanay na ito, nakita ko ang isang bagay na
mas malalim pa sa pagsasanay na ito. Ito ay parang ang Diyos ay
nagsasalita sa akin sa ibang antas ... naririnig.

Ang totoo, hindi ko sinasabi na ang Diyos ay nagsalita sa akin sa

pamamagitan ng Kanyang makapangyarihang naririnig na tinig na tulad
ng sinabi Niya noong nilikha Niya ang mundo o noong Siya ay nakikipag-
usap sa mga propeta noong una. Ngunit, habang binabasa ko ang
Bibliya sa aking sarili, naririnig, naririnig Ko Siya na "nagsasalita" sa
bagong paraan. Ang mga salitang nabasa ko na dati ay nagkaroon ng
buhay na may kahulugan, na dati hindi ko "narinig" sa aking tahimik na
pagbabasa. Nakakaginhawa at pakinabang ito sa akin habang
nagsisimula akong magsanay ng "naririnig" sa panahon ng aking
pribadong pag-aaral.

Sinimulan kong pag-aralan sa online ang paksa ng pagbabasa ng Biblia

nang malakas at natuklasan ko na mayroong napakaraming
pagsasaliksik na isinagawa sa paksa ng pagbabasa ng malakas.
Kapansin-pansin, na ang Biblia mismo ay nagtuturo sa atin na… "gamitin
mo ang panahon mo sa pagbabasa ng Kasulatan sa mga tao, sa
pangangaral at pagtuturo." (1 Timoteo 4:13). Si Dr. Brian J. Wright,
manunulat at blogger, na isang propesor sa Baptist seminary sa New
Orleans, ay sumulat nang malawakan kung paano ginagawa ang
pagbabasa ng malakas noon pang unang siglo. Sinabi ni Dr. Wright na si
Justin Martyr, isang sinaunang pinuno ng iglesia, ay nagtuturo sa mga
mananampalataya sa panahong iyon na makibahagi sa pagbabasa ng
malakas ng mga talambuhay ng mga apostol at mga sulat ng mga
propeta sa Araw ng Panginoon.

Nagsimula akong magpraktis ng pagbabasa ng malakas sa panahon ng

aking pag-aaral ng Bibliya sa tuwing Miyerkules ng gabi sa aming iglesia
ilang taon na ang nakararaan. Ang mga regular na dumalo ay tila
nadaliang gawin ang pagsasanay at nasiyahan sila. Sa mga nagdaang
buwan, pinangungunahan ko ang aming Auditorium Sunday School
Class sa parehong pagsasanay. Hindi lahat ay gustong sumama, ngunit
ang mga sumama ay mas malakas na nagsalita nang may awtoridad at
respeto mula no’ng sumali sila sa pagbabasa. Kumbinsido ako ngayon
na higit pa kaysa sa dati na ang simpleng pakikipag-ugnayan na ito sa
pamamagitan ng malakas na pagbabasa ng Salita ay pagpapala ganun
din sa mga study groups. Isinasali tayo at binibigyang inspirasyon nito
na marinig ang Biblia na binasa natin gamit ang ating sariling tinig.

Ngayong Bagong Taon, mayroon akong plano na ipakilala ang

pagbabasa ng malakas sa isang maliit na pangkat ng mga kaibigan kong
kapitbahay na parang nagtuturo lang sa kaibigan. Hinihimok ko kayo na
magpasiya na basahin ang Bibliya nang mas malakas at subukang isama
ang inyong mga kaibigan sa pagsasanay na ito. Sa tingin ko habang
ginagawa nyo ito ay matutuklasan nyo ang mga nakatagong
katotohanan at pananaw na hindi nyo pa "naririnig" dati.