ACTIVITIES :

1ST WEEK (SEPT.13-17, 2021)

DAY 1 MAGTANOM SA LISO
DAY 2 MAGVIDEO NGA NAG-INTRODUCE SA ILANG
KAUGALINGON.
DAY 3 MAGPICTURE NGA NAGSULAT SA ILANG
PANGALAN UG I-SEND SA GROUP CHAT.
DAY 4 MAGPICTURE NGA NAGSULAT OG NUMBERS 1-
20 UG I-SEND SA GROUP CHAT.
DAY 5 IPAKITA ANG IYANG TALENTO (SAYAW O
KANTA ) PINAAGI SA PAGVIDEO UG I-SEND KINI SA
GROUP CHAT.

PROGRAM PROPER
EMCEE: NATIONAL ANTHEM/PRAYER:
Maayung adlaw sa tanan….ani-a na-usab kita karun aron sa paghisgot sa usa ka-
mahinungdanung katuyuan para sa atung mga kabataan. Gihangyu ang tanan sa pagtindog para
sa atung national anthem nga pagasundan sa pag ampo pinaagi sa audio visual presentation.
EMCEE: WELCOME REMARKS: (MERCADO/ MA’AM MELBA)
Sa atung pagpadayun sa programa akong pagatawgon ang atung maabtik nga principal sa
atung tunghaan nga si____________________________, alang sa iyang welcome remarks.
Welcome Remarks:
Sa atung mga tinahud nga mga bisita, atong mga ginikanan ug opisyales sa GPTA ug sa
atong mga magtotodlo, kanatong tanan maayung adlaw!
Una sa tanan nagapasalamat akog dako sa inyong pagtambong niining atong gipahigayon
nga panagtigom nga atong gitawag nga PARENTS’ ORIENTATION. Kini nga panagtigum
tubag sa atung daku nga tulubagon sa inyung mga anak, nga among mga estudyante. Tulubagon
sa pag ugmad sa ilang pagkatao, ug pag umol sa-ilang kaugmaon. Diri usab nga panagtigom,
atong hisgutan ang atong mga plano para sa inyong mga anak sa dili pa mosugod ang klase ug
ang mga plano nato sa ilang pag skwela karong umaabot nga Agosto 24 ,2020 ning panahon nga
gitawag nga NEW NORMAL. Gikinahanglan kini natong buhaton kay ania kita karon sa
panahon sa Pandemya ug kitang tanan dapat magkahiusa aron mapadayon nato ang pag atiman
sa pagpaskwela sa inyong mga anak . Ang inyung kaakuhan sa pagsupporta kanila maoy among
kusog sa paghatud sa serbisyo arun sila makahibalo ug mulambo.
Maayong pagtambong ug gi-welcome namo kamo sa kinasingkasing nga puno sa
kalipay . Malipayung adlaw kanato ug mabungahung panagtigom.
EMCEE: PRESENTATION OF PARTICIPANTS:
Daghang Salamat sa atong principal sa iyang madasigong mensahe para kanatong tanan.
Ug karun akong pagatawgon si __________________________
para sa pag presentar sa atung mga participante karung adlawa.
After presentation:
Daghang Salamat maam/sir sa pagpresentar sa atung mga participante karung adlawa,
ingun man sa presensiya sa atong mga magtutudlo nga ania karon.
Daghang Salamat!
Sa pag pagpadayun natu sa atung programa, muadtu na kita sa atung pinaka importante
nga bahin ang ORIENTATION PROPER: ang atung mga hisgutanan nagalangkob sa :
1. School Calendar (DO 7, 2020)
2. My Pet Plant (Psycho-social Interventions)
3. Modalities of Learning
4. Portfolio Assessment
5. Monitoring
6. Election of Local Area PTA Officers
Ug karun tawagon kuna si FQLMERCADO alang sa school calendar o DO7,S.2020.
Presentation:
FACILITATOR (MERCADO)
Maayong adlaw kanatong tanan, Malipayon kami nga nakig-uban kaninyo karong adlawa
tungod kay nagpakita kamo sa inyong dakong pagtagad ug pagsuporta sa pag-edukar sa inyong
mga anak karong tuiga bisan pa man sa atong nasinating lisud nga sitwasyon tungod sa hulga sa
COVID-19. Aron kita magiyahan, aduna kami’y ipahibalo ug kini mahitungod sa DepEd Order
No. 7, s.2020 o school calendar. Kini karun ang gahimuung giya sa DepEd, Principal, mga
maestra ug maestro, ug kaninyo mga ginikanan ug pangubanan sa atong mga kabataan.
 Ang DepEd inubanan sa pagtabang sa tanan mga stakeholders mopadayon sa paghatag
sa batakang pagpanerserbisyo sa inyong mga anak sa paagi nga mapadayon ang atong pag-
edukar sa atong kabataan. Isa sa amung sigurohon sa pagsugod sa klase mao ang maayong
panglawas ug siguridad sa inyong mga anak ug kanatong tanan. Ang DepEd andam mosunod sa
mga mando sa Department of Health para makahatag kita ug safety Precautions and Measures
arun sa pagprotekta sa inyong mga anak.
Human sa pagduki-duki uban sa mga maayong plano, nadesisyonan nga ang atong
pagsugod sa klase karon nang Agosto 24, 2020. Aron mapangandaman ang atong pagsugod sa
klase, aduna kitay ipahigayon nga mga meetings ug orientation sama niini karun para sa mga
ginikinanan ug sa mga bata.

Niadtong June 1, 2020, ang atong mga magtutudlo nagsugod na sa pagserbisyo sa atung
mga kabataan pina agi sa pagdawat sa tanan nga magpaenroll. Ang atong mga maestra ug
maestro niapil na ug mga nagkalainlaing mga orientasyon/trainings sa mga tapiko kabahin sa
pagpa-abot sa Distance Learning Modalities, pagpangandam ug mga instructional
materials/modules ug apil sa pagplano sapag-organisar sa klase.

Karung adlawa August 3, 2020 hangtud sa September 5,2020 nagahimu ang tanang
eskwelahan sa - Orientation/Meeting nga nagalayun nga matipok ang mga ginikanan ug
mapasabot ang pama-agi sa pagpadagan natu sa atung klase karung tuiga.
Naa usab kitay ihatag na psycho-social support activities sa dili pa mag abri ang klase sa
August 24,2020. Kini, arun ma kondisyon ang mga kabataan sailang pagtoun.
Ang atong klase balikon ko, paga abrihan karong August 24, 2020 ug kini maga-langkob
sa tanang sabado mahuman sa April 30, 2021. Aduna kitay 203 ka mga adlaw nga pagklase sa
tibook SY 2020-2021.
Karon nga school year ang pagpahigayon sa kurikular ug co-kurikular nga aktibidadis
sama sa Science Fair, Showcase of Porfolios, Trade Fairs, School Sports, Campus Journalism,
Festival of Talents, Job Fairs, Career Orientation ug uban pa nga nagkinahanglan ug panagtigum
sa mga bata ug ginikanan, tanan KANSILADO ug wala tuguti sa DepEd.
Ang tibook tuig pagabahinon sa upat ka quarter.
First Quarter Period -Aug. 24- Oct 1, 2020
First Quarter Examination -October 15-16, 2020
Second Quarter Period - October 19- Dec.11, 2020
Second Quarter Examination - December 10-11, 2020
Third Quarter Period - December 14, 2020 – Feb 26, 2021
Third Quarter Examination - Feb 24 & 26, 2021
Fourth Quarter Period - Feb 27- April 23, 2021
Fourth Quarter Examination - April 22-23, 2021
(kun aduna kitay mga pangutana palihug nalang ug sulat papel arun ma-address kaning mga
butanga)

EMCEE: Ang ikaduhang agenda natu karun mao ang pag presentar sa CDO’s PSYCHO-
SOCIAL SUPPORT/ PRE-LEARNING ACTIVITY: (MY PET PLANT) nga bag ong initiatibo
sa atung division, akong tawgon si NOROSALES alang sa pagpresentar sa My Pet Plant.
FACILITATOR (ROSALES)
Tungod sa pandem-ya nga naka pakurat sa tibook kalibutan, ang atung mga kabataan ,
maoy numero unong naapektuhan sa panghitabo nga wala natu tanan damha. Ang DepEd
Cagayan de Oro nagpasi-ugda ug usa ka debriefing o psycho-social activity arun ipreparar, i-
kondisyun, o I-stimulate ang atung kabataan nga intawon nakapa problema , nakapasamok ug
nakapalibog sa ilang huna-huna.
Busa, aduna kitay “MY PET PLANT” nga usa ka aktibidad ihatag sa atung mga kabataan
isip pasi- unang buluhaton. Kani pagasugdan karung adlawa, SEPTEMBER 13, 2021.
Kamo among hatagan sa seeds nga itanum sa inyung mga anak sa tagsa-tagsang luna o
tugkaran, pwede sa lata o kaha dretso sa yuta. Kaning ilang tanum ilang atimanon ug amumahon.

EMCEE: Daghang salamat maam/sir sa pagpresentar sa atung MY PET PLANT na mga

PRE-LEARNNG exercises. Ni-ining tungura akong tawagon si RESCOJEDO para sa
pagdiscuss sa atong MODALITY nga gamiton karun na school year.
FACILITATOR: (ESCOJEDO)
Sa pagpadayun karun atung pagahisgutan ang modality sa pagskwela sa inyung mga anak
subay sa panahon karun nga gitawag ug “New Normal”.
Unsa ang modality? Ang modality mao ni ang pama-agi sa pagpaskwela sa inyung mga
anak sa panahon karun sa pandemia o covid 19.
Mao kani ang mga pama-agi o modality nga posible gamiton depende sa sitwasyun sa
atung dakbayan.
1. TRADITIONAL FACE TO FACE: mao kini ang atung na-andan nga pama-agi sa
pagtudlo sa wala pa ang pandemya. Peru, sa pagkakaron dili na sya posible kai matud pa ni sa
guidelines gibawalan ang mga nag edad ug 21 anyos paubos nga mugawas sa balay.
2. DISTANCE LEARNING: mao kini ang pama-agi sa pagtudlo nga walay face to face,
ang maestra ug studyante dili mag inatubanga. Ang estudyante naa ra sa balay. Mao kani ang
musunod nga mga distance learning options:
 2.1 ONLINE : mao kani ang klase sa pagtudlo nga mugamit ug laptop,tablet, smart
phones nga ana-ay kusog ug stable na internet connection. Ang problema sa online, dili tanan o
halosa walay internet connectivity sa matag balay or wala gyuy mga gadget. Ug kung naa man
gali madak an ta sa gasto sa load or dili pud tagsa-tagsa ang pagpanag-iya sa gadgets.
Busa karon tungura pangayuon namu ang inyung pinal nga decisyun kabahin niing online
learning. Palihug pataas sa kamot arun ma lista sa secretatriat. Kaning inyung pinal nga decisyun
makatabang sa pagplastar sa online modality.
2.2 MODULAR : mao kani ang klase sa pagtudlo nga mugamit sa mga modules ug
learning activity sheets ang mga bata. ning mga modules ug learning activity sheets gipreparar sa
mga maestra nga ireproduce nga libre. Ang module, self learning. Bout pasabot nga ang bata
maoy mubasa, musabot, ug mutubag sa mga exercises. Aduna sab kitay learning activity sheets
nga naay concept notes, illustravite example ug exercises naka andam para sa mga kabataan.
EMCEE: Daghang salamat sa comprehensibong pag hisgut sa atung modality o pama agi
sa pagpadagan sa atung pag eskwela karun nga school year. Ang sunod karun mao ang
pagpresentar sa PORTFOLIO ASSESSMENT akong tawagun si
______________________.

FACILITATOR: (GOSANES)
DISTRIBUTION AND RETRIEVAL OF MODULE
Mga ginikanan, buot namong ipahibalo kaninyo ang mahitungod sa mga pamaagi sa pagpang-
apod-apod sa mga module ug activity sheets isip mga learning materials sa atong mga kabataan.
Adunay tulo ka pamaagi;
1. KUHAON SA ATONG ESKWELAHAN
⮚ Alang sa lumulupyo duol sa tunghaan, pwede ninyong makuha ang mga
module/activity sheets sa atung focal person. Ang pag apod apod pagahimoon
matag Biyernes, alas-8:00 sa buntag hangtud sa alas 3:00 sa hapon.
⮚ Aron masiguro ang kahapsay, maghatag ug eskedyul sa oras diin pwede na
makuha.
G1/G7------ -8:00- 9:00 AM
G2/G8------- 9:00-10:00 AM
G3/G9------- 10:00-11:00 AM
G4/G10------ 11:00-12:00 AM
G5/G11------ 1:00-2:00 PM
G6/G12------ 2:00-3:00 PM

⮚ Siguradohon nga ang maong learning materials mahuman gayud sa atong mga
anak sa Huwebes aron ma balik inig kuha sa sunod nga module.
 ⮚ Sa pagkuha sa sunod nga module nga paga tubagon/answeran sa mga bata,
mao usab kini ang panahon diin isumiter sa ginikinan/guardian ang answer
sheets sa bata.
⮚ Sundon kini nga mga pamaagi hangtud ma kompleto tanang subjects sulod sa
usa ka quarter ug hangtud mahuman ang tibook tuig.

2. DROP-OFF POINTS
⮚ Alang usab sa atong mga estudyante nga nagapuyo halayo sa atong
tulonghaan, aduna kitay nga drop off points diin pagahimoon ang pag apod
apod sa mga modules sa atong mga field teachers sa matag Biyernes, alas
otso sa buntag hangtud alas tres sa hapon.
⮚ Susama nga pamaagi, pagahumanon kini sa matag adlaw nga huwebes aron
andam na kini nga ibalik sa field teachers sa Biyernes uban sa pagkuha sa
sunod nga module.
⮚ Sa matag Biyernes, mao pod kini ang panahon nga isumiter ang mga answer
sheets sa field teachers ug kini i apod apod sa mga subject teachers.
⮚ Sundon kini nga mga pamaagi hangtud ma kompleto tanang subjects sulod sa
usa ka quarter ug hangtud mahuman ang tibook tuig.
3.PINAAGI SA MESSENGER OR EMAIL
⮚ Aduna kitay gitawag nga digital module. Sa mga ginikinan o estudyante nga
adunay messenger account or email, isulat ang kumpleto ug insakto nga e-mail
address arun kamu mapa dad-an sa softcopy sa module niana nga semana.
⮚ Human kini matubag o mahimo ang mga gikinahanglan sa maong module, I send
kini balik sa para ma assess ang ilang mga outputs.
⮚ Ang pagpadala sa sunod nga mga module naga agad sa dagan sa iyang pag answer
apan gikinahanglan nga ang usa ka module mahuman sa usa ka semana.
⮚ Ang subject teachers maoy mag monitor o incharge sapag apod apod hangtud nga
mahuman ang mga modules sa tanang subjects.
Sa panahon sa pag apod apod, kanunay nato hinumduman ang mga pahimangno sa atong
gobyerno ug mga tulunghaan aron masiguro ang kahimsog ug malikayan ang pagkuyanap sa
sakit nga atong gikalisangan . Likayan nato ang pag tapok tapok ug kanunay sundon ang social
distancing, pagsuot sa facemask, pahugas sa kamot/ gamit sa alcohol o sanitizer, tunob sa
footbath,ug mag pa thermal check up. Siguraduhon kanunay nga kita maprotektahan samtang
magpadayon kita sa pag paedukar sa atong mga anak.
Mga ginikanan, ikalipay namo ang inyong kahingawa sa pag-abag sa pagpalambo sa
kahibalo sa inyong mga anak taliwala niining COVID crisis nga atong giatubang. Masiguro nato
ang kalampusan sa atong mga tinguha alang sa kaugmaon sa atong kabataan pinaagi sa
pagtambayayongay sa tibook kumonidad ug hugot nga paningkamot sa matag usa aron makab ot
nato atong tinguha nga mapadayon ang pag edukar kanila taliwala sa hulga sa pandemic nga
atong giatubang.
Daghang Salamat!

EMCEE: Daghang salamat sa comprehensibong pag hisgut sa atung modality o pama agi
sa pagpadagan sa atung pag eskwela karun nga school year. Ang sunod karun mao ang
pagpresentar sa PORTFOLIO ASSESSMENT akong tawagun si
______________________.

FACILITATOR (ROSALES)

Maayong adlaw sa tanan, ania kita karon para maghisgot sa pamaagi sa ASSESSMENT
O PAGSUKOD SA NAKAT-UNAN sa inyong mga anak sa pamaagi sa PORTFOLIO. Unsa ang
portfolio? Ato kining pagalakbitan o hisgutan karun.

Ang Portfolio usa ka compilation sa mga outputs sa bata (mag andam sa e-presentar
nga sample sa portfolio). Ang sulod niini nga outputs sama sa iyang answer sheets , journal,
reflections o pamalandong sa natun -an ug uban pang requirements matag subject nga iyang
usahon sa usa ka expanded long envelope o plastic long envelope .
Ang pamaagi sa pagkolekta sa mga natun-an ug nahimo sa mga kabataan inubanan sa
ilang nakuha o natun an sulod sa 2 ka bulan o quarter. Ang portfolio mao ang sumbanan sa
paghatag sa grado sa inyong mga anak.
Unsa man ang responsibilidad sa mga ginikanan sa pag andam sa Portfolio sa inyong mga
anak?

1. Kamo ang motabang sa paggiya sa ilang pagtoun ug pagtubag sa mga bulahaton nasulat sa
kada module ug Learner’s Activity sheets nga ilang paga tubagon.
2. Siguradohon na kompleto ang mga tubag sa mga pangutana ug bulohaton sa matag module
ug learning activity sheet nga madawat.
3. Pagpili sa pinaka maayong abot nga nakuha sa inyong mga bata.
4. Mogiya sa inyong mga anak sa pagsulat sa Narrative Reflection.
5. Han-ayun kini matag subject .
6. KINAHANGLAN I guide ninyu nga mabuhat sa inyung mga anak ang tanang boluhaton
sa matag Grading Period kay mao kini ang basihan sa ilang grado sa ilang pagtoon.

ELECTION PROPER
EMCEE: Daghang Salamat _________________________, ug karung tawagon naku si
_____________________ arun sa pagpatigayun sa piniliay.
FACILITATOR:
Maayong adlaw sa inyu mga pinalangga namong ginikanan. Ang amung mga power
partners sa pag pangalagad alang sa kasiguraduhan sa edukasyun sa atung mga kabataan taliwala
paman niining atung gisagubang nga pandemenya karun. Nasayod man kitang tanan kung unsa
ka komplikado kining atong kahimtang . Apan tungod ug alang sa atung mga kabataan kita
gitawag nga magkahiusa arun matabangan natu ang pagsulong sa edukasyon sa inyung mga anak
bisan paman sa atung dili maayung kasinatian. Karung adlawa magpili kita ug LOCAL Area
PTA officers nga mahimong mga partners sa pagtabang sa mga mga magtotodlo sa ilang
buluhaton didto sa inyong local area. Sama sa pagtabang sa pag distribute ug pag uli sa mga
modules kada biyernes.
Ang atong pamaagi sa piliay mao ang pagpataas sa kamot diin kausa lang kamo
mopataas aron makabotar pwera lang sa posisyon nga gikinahanglan ang pagpili para sa duha ka
opisyales.
Magsugod na ang botasyon nato karun nga panguluhan sa atung principal. Akong
tawagun ang atung ulo sa eskwelahan nga si ____________________________________ para
sa atung piniliay.
(Election of officers for the following Position:)
1. President
2. Vice-President
3. Secretary
4. Treasurer
5. Auditor
6. PIO (5)

Principal/School Head:
Ug karun napili na gyud natu ang atung LOCAL AREA PTA Officers sa kada
ZONE/BARANGAY/CLUSTER nga maoy mutabang sa atong mga magtotodlo sa panahon sa
pag distribute sa mga modules kada semana adlawng BIYERNES ug pagkuha balik sa maong
mga materyales gikan sa matag estudyante. Kamo usab motabang sa mga magtotodlo sa
paghatag kanila sa seguridad didto sa inyong barangay aron sila maiwas sa mga peligro dala sa
mga daotang elemento ug sa covid. Kamo usab maoy magtabang sa mga magtotodlo sa pag
follow-up , pag remind ug pag communicate sa inyong mga kaubang ginikanan matag adlaw
mahitungod sa ilang mga responsibilidad nga dunay kalabutan sa pag skwela sa ilang mga anak.
Karon, atong ipatindog atong mga napiling opisyales aron sa pagpasalamat sa tanan.
Sa inyung presensya mga ginikanan, ug sa atung mga bag-ong pinili nga LOCAL Area
PTA officers , kami sa Deped uban sa among mga magtotodlo magpasalamat kaninyo sa inyong
pagpadayon sa pagtabang sa pag edukar sa atong mga kabatan-onan taliwala sa kalisod sa
panahon karon aron ang atong komunidad mopadayon sa paglambo ug mapadayon sa pag kab ot
sa atong mga kabatan onan ang ilang mga damgo. My Salute and My Congratulations!
Together we will RISE against this pandemic and together we will conquer this for our
children Maayung Buntag sa tanan.
Emcee: Daghang salamat ug karun akong tawagon si_Shiela Gosanes para sa iyang closing
remarks.
Closing Remarks: (GOSANES)
Nagapasalamat akog daku sa inyung pagtambong ni-ining assemblya kay kini nagpakita
nga kamu mga ginikanan nagpakabana para sa kalamboan sa inyung mga anak. Ang atung
pagpakabana karung panahuna gikinahanglan tugnod sa dakong problema nga nahiaguman sa
tibook kalibutan partikular na sa atong kaugalingong komunidad. Kaning inyong pagtabang
makadasig sa atong mga magtotodlo sa pagpadayon sa pagserbisyo sa atong mga anak taliwala
sa pandemya karon . Ang atung Eskwelahan sa karon nga panahon nanginahanlan ug supporta
natung mga ginikanan ilabi nah nga naa tay gaatubangun nga pandemya. Sa pagkakaron, ang
karaang pama-agi sa pag to-un wala na natu subaya kai gailikay natu ang atung kabataan nga
matakbuyan aning COVID 19. Ang pama-agi sa pagtudlo karun bag o sa mga bata,sa mga
ginikanan ug sa mga magtutudlo mao nga dapat tah magtinabangay arun makab-ot natu ang
atung misyon nga mahuman ang usa ka school year nga nagmabungahon ang mga kabataan sa
bag-ong natun-an ug safety sila uban kanatu mga ginikanan ug mga maestra/maestro.
Sa mga bag-ong LOCAL AREA PTA OFFICERS daghang salamat sa pagdawat sa hagit
sa atung eskwelahan sa new normal. Ug unta nga dili natu pasagdan ang atung eskwelahan ug
mga magtotodlo nga mahimong fronliners karong umaabot nga opening sa klase.
Daghang salamat, ang Diyos magabalos kanatong tanan nga adunay maayung tinguha sa
atung mga kabataan.
Maayung adlaw sa tanan.

EMCEE: Gihangyu nako ang mga ginikanan sa atung pagtapos karun, nga dili sa diretsu
mulakaw arun sa pagpatigayun o paghatag sa activity sheets ug seeds. Mudoul kaninyo ang mga
maestra ug maestro para kamo mahatagan ayha maka lakaw. Pagkahuman ug dawat sa activity
sheets ug sa seeds, mulakaw mo by batch. Ang una mutindog ug mulakaw mao ang pinaka ulahi
nga linya, sundan sa sunod nga linya hangtud sa pinaka-unang linya arun sa pag observe ug
social distancing para sa safety natong tanan.
Daghang salamat ug maa-yung adlaw kanatong tanan!
May Godbless us all!