Tayo'y makakaraos din

Isang mapagpalang araw ang aking bati sa lahat, ako si Jerald P. Talimudao
na naglalayong gamitin ang oportunidad na ito para talakayin ang mga paraan upang
mailigtas ang bayan sa pandemya.

Tahimik ang nagpapahingang mundo ngunit sa likod ng katahimikan maririnig

ang hinaing ng karamihan. Maraming buhay na ang binawian, lahat ay nababahala
lahat ay nangangahamba, lahat ay nagtatago saka lamang nagkikita. Nakasanayang
mundo’y pilit na ibinabalik. Ang nakasanayang naging delekado na at mas piniling
pintuan at bintana ay isara para mailigtas ang buhay natin sa mundong malaki ang
pinagbago.
“Maging matatag, maniwala sa kung sino ka; maging matatag, maniwala sa
nararamdaman mo” ito ay katagang mula kay Melisa Ethcridge. Tayo’y maging
matatag ngayon sa ating kinakaharap na pandemya, maging positibo sa lahat ng
bagay na sa panahong ito ay malalampasan din natin ang pagsubok na ibinigay sa
ating buhay. Ako, ikaw, tayo, bilang isang kabataan at mamamayan ay tayo ang
unang naaapektuhan ng epidemyang kinakatakutan ng ating bayan.
Gusto ko sanang ilahad sa inyo na mahalaga ang pagsunod sa mga awtoridad
dahil sila ang may mas alam ng mga bagay-bagay ngayong may pandemya.
Mahalaga and pagsunod sa mga patakaran dahil malaki ang maitutulong nito upang
maibaba at maiwasan ang bilang ng mga positibo sa Covid-19. At sa mga
nagrereklamo at lumalabag sa mga kautusan, naway malaman ninyo ang mga
karampatang parusa sa paglabag. Kaya mas piliin nating sumunod sa ating mga
awtoridad sapagkat pinag-aralan nila ang kanilang gawain at ipanatutupad na mga
patakaran upang mailigtas ang ating buhay sa pandemya. Gusto ko rin sanang
sabihin na irespeto at igalang ang bawat isa. Bigyang pansin ang mga taong
nangangailangan sa pamamagitan ng simpleng pagtulong man lamang.
Sakasalukuyan ay patuloy ang pagtaas ng bilang ng mga natatamaan ng
nasabing pandemya. Paano ba ito maiiwasan at mapapanatiling buhay tayo sa
panahon ito? Ang pinakamahusay na paraan upang maiwasan ang karamdaman ay
dapat iwasan na malantad sa virus na ito. Magsanay ng simpleng kalinisan. Ugaliin
din na maghugas ng iyong mga kamay gamit ang sabon at tubig sa loob ng 20
segundo. Iwasan ang maraming tao at ang mga lugar na walang gaanong
bentilasyon. Iwasan ang malapit na pakikipag-ugnay o magkaroon ng 5 hanggang 6
na talampakan ang layo sa mga taong iyong nakakasalamuha at kahit na hindi sila
mukhang may sakit. Ang ilang mga tao na walang sintomas ay maaaring maikalat
ang coronavirus kaya’t magsuot po tayo ng facemask at pananatili sa loob ng bahay
na ipinaiigting na protocol ng pamahalaan. Malaki din ang maitutulong sa
pagpapabakuna ng COVID-19 vaccine upang maiwasan ang pagkakaroon ng
malubhang sakit kahit na magkaroon ka man ng Covid-19.
 Nais ko iparating sa inyo na ang ating buhay ay napakahalaga. Sana ay
magtatak sa inyong isipan ang mga patakaran at ang ating kaligtasan. Kahit sa hirap
ng buhay ay isipin nating malalampasan nating ito at inyong bigyang pansin ang ating
karapatan na hindi ito malabag sa mga pagpapatupad ng mga polisiya. Naway
magkaisa tayo at iangat ang mga kapwang nahihirapan sa sitwasyong hindi natin
inaasahan.