NOONG TAONG 1955 sa NAYON NG QUEZON, nakatira si Rosana
na kinahuhumalingan ng mga kalalakihan marahil sa taglay nitong
ganda sa panlabas at nakakapukaw din ng atensyon ng karamihan ang kaniyang kulay pulang buhok. Kapag may dumadalaw sa kaniya na binata ay agad niya itong inaayawan, SINISIGAWAN at TINATARAYAN niya ang mga ito. Tuwing may nanghaharana SA TAPAT NG KANILANG BAHAY ay pinapatigil niya ito. Sadyang kakaiba ang kagandahan ni Rosana kaya kahit na hindi maganda ang kaniyang pag-uugali ay iniidolo pa rin siya ng ilang kababaihan at mga binata sa kanilang lugar. Sikat din si Rosana sa kanilang lugar dahil siya ang anak ng sobrang bait at matulungin na kapitan sa kanilang BARANGGAY na si Kapitan Robert.
ISANG ARAW, si Rosana ay pinapunta ng kaniyang tatay
SA BALON upang kumuha ng tubig panligo at pang-hugas ng pinggan. Sa hindi kalayuan ay natanaw ni Rosana ang isang lalaking madungis, marumi, at uugod ugod maglakad. Nang makalapit ang lalaki sa kaniya ay agad na napangiwi si Rosana dahil sa masangsang nitong amoy. Nais lamang manghingi ng lalaki ng maiinom sapagkat siya'y nauuhaw ngunit pilit siyang itinaboy at sinigawan nang MALAKAS ni Rosana, “Ang panget panget mo, ang baho baho mo, mandiri ka nga sa sarili mo". Nadismaya ang lalaki dahil sa inasal ni Rosana kaya umalis ito at MAYA MAYA lamang ay bumalik ito kay Rosana na iba na ang anyo. NANLAKI ANG MATA ni Rosana dahil sa gulat na may diwata sakaniyang harap at akala niya siya ay nanaginip "Rosana, ikaw ay inaalisan ko ng karapatan bilang isang maging tao at isunusumpa ko na maging isang bulaklak. Ang iyong pisikal na kagandahan ay magiging parang isang rosas, sing puti ng iyong kutis, sing kalimbahin (pink) ng iyong labi, sing pula ng iyong buhok. Subalit ang kapalit nito'y malupit, may tinik na siyang nakapaligid sa iyong katawan, simbolo ng kasamaan ng iyong kalooban, ika'y iibigin sa malayuan ngunit ikaw ay aayawan sa malapitan." ani ng diwata sa MALALIM at nakakatakot na boses.
DAHAN DAHANG naging isang bulaklak si Rosana. Nawala si
Rosana kaya siya ay hinanap ng kaniyang mga magulang. Pagkaraan ng ISANG LINGGO ay mayroon silang nakitang isang mapula at magandang bulaklak SA TABI NG KANILANG BAHAY. Malakas ang paniniwala ng mga magulang ni Rosana na siya ay naging bulaklak. Labis na nalungkot ang mga magulang ni Rosana kaya inalagaan nila ang bulaklak na ito sa pamamagitan ng ARAW-ARAW na PAGDIDILIG. Pinangalan nila ang bulaklak na Rosana ngunit sa PAGLIPAS NG PANAHON ang pagsalit-salit sa pangalan nito ay ang naging katawagan na dito ay "ROSAS". ARAL NG KUWENTO: Huwag agad husgahan ang taong nasa paligid mo dahil lahat ng sinasabi mo ay maaaring bumalik sayo. Laging tumulong nang bukal sa damdamin, magbigay nang ayon sa kakayahan, pakainin ang mga nagugutom, at bigyan ng inumin ang mga nauuhaw dahil ang kagandahan at kabutihan ng puso ay hindi mahihigitan ng pisikal na kagandahan.
MGA PANG-ABAY NA GINAMIT
PANG-ABAY NA PAMARAAN: SINISIGAWAN TINATARAYAN MALAKAS NANLAKI ANG MATA MALALIM DAHAN DAHANG PAGDIDILIG
PANG ABAY NA PAMANAHON:
NOONG TAONG 1955 ISANG ARAW ISANG LINGGO PAGLIPAS NG PANAHON MAYA MAYA ARAW ARAW
PANLUNAN SA NAYON NG QUEZON SA BALON SA TABI NG KANILANG BAHAY SA TAPAT NG KANILANG BAHAY BARANGGAY