Mahalagang marunong tayo sa pagpili mula sa samo't saring batis sapagkat sa
ating kasalukuyang panahon ngayon kung kailan laganap ang kultura ng mga pangmadlang midya at virtual na impormasyon, mas madali ang pagkalat ng tinatawag nating disinformation o fake news. Mas maging mapanuri tayo sa mga impormasyong nakukuha at makukuha sa harapang pakikipag-usap natin sa ibang tao. Sa bawat impormasyon nating makukuha meron silang pinagmumulan katulad na lang ng primaryang batis at sekondaryang batis. Ang Primaryang Batis ay naglalaman ng mga impormasyon na galing mismo sa bagay o taong pinag- uusapan sa kasaysayan, samantalang ang Sekondaryang Batis ay mula sa hindi direktang nakaranas o kaya ay nakaobserba tungkol sa isang pangyayari. Sa buhay natin marami talaga tayong tanong sa buhay dahil sa marami pa talaga tayong hindi alam sa mundo natin kaya sa pagtatanong-tanong, pakikipagkuwentuhan, paggawa ng panayam o interbyu, umpukan, at pagbabahay-bahay ay makakakuha tayo ng mga impormasyon na magagamit natin. Diba nga at may mga pagkakataon kung minsan ay ang impormasyon ay sadyang ipinapahayag o ipinapakalat ng ibang tao upang bigyan ng maling impormasyon o linlangin ang mga tao. Sa pagpili natin ng maayos na impormasyon lalo na sa pakikipag-usap sa ibang tao, sa pagpili sa primaryang batis at sekondaryang batis ay dapat mas maging mautak tayo para mas maiiwasan ang mga maling kaalaman at interpretasyon natin sa impormasyong nakalap.