University of the Philippines High School in Iloilo
Lulan ng buwan ang nagngalan
Sakin bilang kanyang Dayang; sa paghalik ng kamay pinangakuan ng pagmamahalang awanggan. Hinagod ng kanyang mga daliri Mga banging ginayak ng kanyang mga bisig; labi’y kumarinyo sa mga pook na bulwagan ng pinagbabawal na pagdagsa ng dagitab.
Di mapaparisan ang awit ng kudyapi
aniyang kintal ng morpemang gumon ng kanyang labi; Gunita ko’y kanlungan siya mula himlayan Ng mga hiyas na nilunod sa karalitaan; Subalit yaong alapaap ng kalangita’y Tanikalang kala-kaladkad ngaking balintataw, Ikinalalagnat ang iyong pagdalaw.
O mga gabing nagdaramot ng luwalhati
Mga bibig na uhaw; pagod sa’yong pagtalik, o paggahasa; di na alam pagka’t iniwaksi Kinagaw na palad na nagpupunyagi Sa hangin; na hangaring madinig, Ang ubo’t daing dulot ng iyong pagbalani.
Gat, banaag sa aking durungawan
Ang gayak ng iyong pinalamutiang upuan, ‘Samantalang kaming iwinalis sa gulod, Gipit, hinalay, isinaklit, nagsusumamo.
Nawa’y yaong inyong birang
‘wag ang busilig ang busalan, Maaring sa bibig gamitin ‘pagkat nakakarindi, Ang kagaw ng kasinungalingang Sinabay saking karumal-dumal na karumalan.
Hindi ito aking limahid pagka’t ang iyong mga daliri
Ang siyang naniniil sa mga inyong binilibid Pinagpalit sa buhanging sa alo’y kinain, ‘Nawa’y makasubo kayo ng kapwa nyong iniluwa At isiping, na walang kain, inumin at awa.