Professional Documents
Culture Documents
KATAWAN
Ayon kay Saied (2021), sa kabila ng labis na dami ng katibayan sa mga benepisyo ng
pagbabakuna, nananatili parin ang malawak na maling akala at kawalan ng tiwala ng publiko sa
impormasyon tungkol sa pagiging epektibo at kaligtasan ng mga bakuna. Ang paglitaw ng pag-
aalangan ng bakuna ay maaaring pahabain ang paglaganap ng virus, na nag-iiwan sa panganib ng
buhay ng mga bawat tao sa buong mundo. Gayunpaman, nabigo ang mga ibang naisagawang
pag-aaral na idetalye ang mga tiyak na dahilan sa pag-aalangan ng bakuna at siyasatin kung sino
ang mga mas nag-aalangan sa pagkuha ng bakuna. Sa kabila ng ebidensiyang pang-agham na
sumusuporta sa katotohanan na ang mga bakuna ay pangunahing solusyon para maiwasan ang
mga nakakahawang sakit, ilang porsyento ng populasyon ay inaasahang paring tatangging
tanggapin ito. Ang pag-aalangan ng pagbabakuna ng COVID ‐ 19 ay negatibong nakakaapekto
sa pagpapatupad ng mga programang pagbakuna sa masa at maging ang pagkontrol sa
kasalukuyang bilang ng naaapektuhan ng sakit. Upang mapanatili ang matagumpay na mga
programa sa pagbabakuna, mahalagang kilalanin ang mga taong nag-aalangan na kumuha ng
mga nito upang maunawaan ang mga sanhi or rason ng kanilang pagkabahala, at upang bumuo
ng mga diskarte upang matugunan ang isyung ito. Dahil dito, nilalayon ng pag-aaral na ito na
tukuyin ang antas ng pag-aalangan, ilarawan ang mga kaisipan na sumasaklaw sa bakunang
COVID-19 at suriin ang mga salik na nakakaimpluwensya sa pag-aalanganin ng bakuna sa mga
guro ng Unibersidad ng San Louis na maaaring magbigay ng bago o karagdagang impormasyon
na maaring maging tulay sa pagbawas ng bilang ng mga taong nababahala patungo sa bakuna at
maging sa pagbaba ng bilang ng naaapektuhan ng nakakahawang sakit.
METODOLOHIYA
Ang grupo ay magsasagawa ng panayam sa isang daang guro ng USLT batay na rin sa ito sa
layunin ng aming paksa. Magbibigay ang aming grupo ng iba't ibang katanungan batay sa aming
napiling paksa. Ang paraan namin para mangalap ng impormasyon ay sa pamamagitan ng google
meet at zoom meeting batay na rin ito sa ating sitwasyon sa ngayon.
INAASAHANG RESULTA
Ang bakuna kontra COVID-19 ang isa sa mga susi upang puksain ang kumakalat na sakit. Ito
ang magsisilbing proteksyon ng mga tao upang bumaba ang posibilidad na sila ay mahawa at
upang maiwasan ang paglala ng sitwasyon. Sa kabila ng mga benepisyo na ibinibigay ng bakuna,
marami pa rin ang mg taong nag-aalangan sa pagtanggap ng bakuna. Ang suliraning ito ay
maaaring maging hadlang sa pagpuksa sa nasabing sakit.
Sa pag-aaral na ito, inaasahan ng mga mananaliksik na matutukoy ang mga pangunahing dahilan
kung bakit nag-aalangan ang mga guro ng University of Saint Louis-Tuguegarao sa nasabing
bakuna. Inaasahan din ng mga mananaliksik na maiuugnay sa kalusugan, pinansyal, at
sikolohikal ang magiging tugon ng mga guro.