HABILIN ANG BUHAY (SALMO 30)

(TUGON) 

AMA, SA KAMAY MO HABILIN KO’NG BUHAY KO.

I.
POON AKO’Y LUMALAPIT
INGATAN MO AKO, UPANG ‘DI MALUPIG
ILAYO AKO SA PANGANIB
SA MGA KAMAY MO, BUHAY KO’Y SA’YO
IKA’Y AKING TAGAPAGLIGTAS, TAPAT AT TOTOO.

II.
SA MGA KAAWAY KO, AKO’Y KAHIHIYAN
PATI AKING KAPWA, AKO AY HINAHAMAK.
DATI KONG KAIBIGAN AY UMIIWAS.
AKO AY TULAD NG MGA PATAY, TINAKWIL NG LIPUNAN.

III.
ANG AKING KALOOBA’Y TIWALA SA IYO.
AKING IPAGBUBUNYI, IKA’Y AKING PANGINOON
BUHAY KO’Y SA IYONG KAMAY UMAASA AKO.
SAGIPIN AKO AT IPAGTANGGOL SA MGA KAAWAY KO.

IV.
AKO’Y IYONG ABANG LINGKOD, LINGAPIN MO AKO
LAGING IINGATAN
SAGIPIN AKO NG PAG-IBIG MO.
LALO N’YONG PAGTIBAYIN ANG KALOOBAN N’YO
KAYONG MGA UMAASA SA PANGINOON!