Maguumpisa po ako sa ang Unang Republika mula pa sa Himagsikan ng
1896—isang rebolusyong pinasimulan ng Katipunan. Pinamunuan ito ni
Andres Bonifacio para sa layuning makamit ang kasarinlan ng Pilipinas mula sa mga mananakop na Español.
Sa kabila ng iisang layunin ng Katipunan, nagkaroon pa rin ng mga di
pagkakaunawaang personal at politikal sa pagitan ng mga kasapi nitong taga- Maynila at mga tagalalawigan. Umusbong ang mga alitan at pagkakawatak- watak sa loob ng Katipunan. Sa pagtatangkang pagkaisahin muli ang organisasyon, idinaos ang Pulong sa Tejeros noong Marso 22, 1897.
Ginawa ang Pulong sa Tejeros upang pagkasunduin ang mga magsalungat
na pangkat ng Katipunan. Dalawa ang lumabas na grupong nagkaalitan isa po dito ang Magdalo (itinuring na pinuno si Emilio Aguinaldo) at ang Magdiwang (kinilalang lider si Bonifacio). Napagkasunduan sa Tejeros na oras nang mapalitan ang Katipunan ng isang rebolusyonaryong pamahalaan.
Sa botohan ng mga opisyal ng bagong tatag na gobyerno, nanalo si
Aguinaldo bilang unang Pangulo habang ang dating pinuno ng Katipunan na si Bonifacio ay inihalal bilang Kalihim Panloob. Noong umpisa, tinanggap ni Bonifacio ang pagiging kalihim sa kabila ng pagbaba ng kaniyang posisyon. Subalit nang binalewala ni Daniel Tirona ang pagkapanalo ni Bonifacio, lubha siyang nainsulto. Naging dahilan ito upang ideklara niyang walang bisa ang mga itinatag sa Pulong sa Tejeros—kabilang dito ang bagong gobyerno at ang paghalal sa mga bagong opisyal. Para sa iba, itinuring nilang pagtataksil ang pagtanggi ni Bonifacio na kilalanin ang bagong Rebolusyonaryong Pamahalaan. Dinakip siya at pinatawan ng parusang kamatayan sa Maragondon, Cavite.
Nagpatuloy ang pagkilos ng Rebolusyonaryong Pamahalaan sa ilalim ni
Aguinaldo. Sa puntong ito, naramdaman ng mga Español na humihina na ang himagsikan kaya ibinuhos nila ang kanilang panahon sa pagtugis kay Aguinaldo at sa kaniyang mga kasamahan. Sa huling bahagi ng taong 1897, napaatras din ng mga puwersang Español si Aguinaldo sa kabundukan ng Biak-na-Bato.
Noong Nobyembre 1, 1897, nagpatawag si Aguinado, kasama ng ibang mga
rebolusyonaryo, ng pagtitipon ng mga mamamayan upang maibanghay ang isang pansamantalang konstitusyon. Kinilala ito bilang Konstitusyon ng Biak- na-Bato.