Professional Documents
Culture Documents
An Open Letter To My Fellow Catholic Christians
An Open Letter To My Fellow Catholic Christians
By
Bro. Christian D. Pillora
Youth Catechist (Archdiocese of Jaro)
Most Holy Name of Jesus Parish
Buenavista, Guimaras
Ang sabat “INDI” it is a big “NO”. I am sorry masakit man pero batunon ta ini. Ngaa
man? Ang tudlo sang Biblia kag sang simbahan nga nasulat sa libro sang
Deuteronomio 18:9-13
“Kon mag-abot na kamo sa duta nga ginahatag sa inyo sang Ginoo nga inyo Dios, indi
kamo magsunod sa makangilil-ad nga mga ginahimo sang mga kapungsuran nga yadto
didto. Indi pag-ihalad ang inyo mga kabataan sa kalayo sang inyo mga altar, indi
pagtuguti ang imo mga tawo sa paghimo sang MADYIK, ukon MANUGPAKOT, ukon
MANUGBABAYLAN, ukon SALAMANGKERO, kag INDI SILA MAGPAMANGKOT SA
MGA ESPIRITU SANG PATAY. Ang Ginoo nga inyo Dios NAGADUMOT sa mga tawo
nga nagahimo sining MAKANGILIL-AD nga mga butang, gani gintabog niya ini nga mga
tawo sa gwa sa duta samtang nagapasulod kamo. Magmatutom kamo sa Ginoo.”
Kita niyo, nagadumot gali ang Dios kon naga himo kita sini nga mga butang. Kay ini
makangilil-ad sa iya mata.
Sabton ko naman ang masami nga rason
“wala man sang madula kon magpati kita sa manugbulong, kag mga desparatis indi
bala?”
Sabat: DAKO ANG MADULA!!! ANG HIMPIT MO NGA PAGTUO SA DIOS AMO ANG
MADULA. Ngaa man? Nag masakit ikaw, tapos imbes nga magkadto sa pari sa
pagbaton sang Sacramento sang confesar kag sacramento sang pagbadlis, sa
manugbulong ka imo iya nagkadto. Hambal sa napulo ka sugo sang Dios, sa iya ka
lang magtuo. Tapos makadto ka imo iya sa manugbulong? Kundi ginsaway mo ang
sugo sang Dios.
Te anhun ta ang sagbot? Supton ta dulang sa balay ta eh? Hahahaha. Minango klase
disparatis.
Are pagid,
Bawal kuno mag baligya lansang kag dagum kon gab-i kay matuktukon kuno, kag
bawal mag hatag or baligya sang ugas kag asin kun gab-I kay malas man daw.
Eh paano kun ang tawo nga nagabakal or ga pangayo kinanglan ya gd, indi mo
paghatagan? Te, gin violate mo naman ang nasulat sa Biblia “Buligi ang buloligan suno
sa imo masarangan. Indi na pagpahulata ang imo kaingod tubtob buas kon mabuligan
mo man lang karon.” Hulobaton 3:27-28 (Proverbs 3:27-28) Oh diba? Ano patihon mo?
Ang nasulat sa biblia nga buligan ang bululigan ukon indi mo paghatagn kay malas sa
negosyo or sa pangabuhi nga maghatag sang lansang, dagum, asin ukon bugas sa
nagakinahanglan?
So kon Makita natun, if magpati kita sa mga desparates, ginakuntra natun ang balaan
nga kasulatan gali. Gani ano bala ang mayo nga himuon?
Kon kita nagamasakit nga indi mag-ayo sa medical nga paagi, ang simbahan may
bulong para dira. Bal-an mo nagamasakit kita kun kaisa bangud sang atun mga sala
atun ini mabasahan sa Salmo 107:17
“Ang iban MASAKITON tungod sang ila mga sala, NAGAANTOS tungod sang ila
kalautan.”
So nagamasakit kita paagi sa atun mga sala. Gani ano bala ang nagakadapat nga
himuon?
Karon mag kadto kamo sa manugbulong ginabulong ka bala niya sa NGALAN SANG
GINOO? Wala gd ayy. Hahahaha. Pasensyahanay kita. Ang bisan sin.o nga
nagapamulong nga wala nagagamit sang NGALAN sang GINOO, PEKE INA! Kag ang
iya gahum sa pagpamulong, wala magikan sa Dios. Granted nga makapamulong sila,
pero notice niyo, once mag pabulong sila sa manugbulong, sako ang balik-balik sang
sina nga tawo.
Ano bala ang buot ipabalo ni Apostol Santiago? Makadto kita sa katigulangan sang
simbahan (pari) agud mahaplasan sang Lana sa Ngalan sang Ginoo.
Tandaan natun nga ang demonyo si Satanas AMAY SANG TANAN NGA KABUTIGAN,
gani indi kita dali2 mag pati sang mga nagapamakot, nagapamulong, mga desparatis.
Isa lang himuon ta, BUG-OS, HIMPIT, KAG MALIG-ON nga PAGTUO SA DIOS.
Sacraments of healing:
Confesar kag badlis.
Ang badlis not necessarily nga kun nagatagumatayon ang tawo. Batunon natun in ikon
kita nagamasakit bisan nga may medical nga explanation pa ang atun balati.an. It can
help a lot.
Pasensya sa malawig nga pagpaathag pero kabay pa nga klaro ang akon pagpaathag,
kag kabay likawan na natun ang pagkunsulta sa mga “OCCULT PRACTITIONERS”