Mbredets Radio * ** *** Barudak mangka ngalarti Ulah rek kadalon-dalon Enggon-enggon nungtut elmu Mangka getol mangka tigin Pibekeleun sarerea Modal bakti ka nagara * Nagara jeung lemah cai Perlu panjaring pangrojong Ngamumule panyarungsum Malar tetep jaya sakti Nagara tetep merdika Sampurna mukti wibawa ** (Mangga tiasa ngageol sakedap) SEKAR TANDAK He barudak mangka ngarti Ulah rek kadalon-dalon Nungtut elmu jeung pangarti Masing rajin soson-soson Pibekeleun hirup tandang Modal bakti ka nagara Lemah cai anu urang Perlu dijaga dibela ** Indonesia nu merdeka Perlu pangrojong pangjaring Pamumule nu sampurna Pangraksa beurang jeung peuting Jaya sakti Pinareng unggah darajat Kaagungan lemah cai Perlu dijaga diruwat ==sakitu anu kapihatur== *wilujeng nembang* PUPUH SINOM Upload by Nenk Markonah Mbredets Radio * ** *** Harta pada nareangan Harti pada nyararungsi Sabab..duanana guna Harti bisa mere bukti Harta pon kitu deui Bisa ngabul nu di maksud Nedunan sakahayang Tapi harta gampang leungit Mungguh harti Mangpaat dunya akherat * Rea nu nampa warisan Ngadak ngadak sugih mukti Salieuk beuh hirup ngeunah Senang ngahenangaheun Gawe ukur pelesir Duitna di awur awur Bandana beuki suda Paingan ceuk nini aki Najan gunung ditugaran Tangtu cepak ** (Mangga tiasa ngageol sakedap) SEKAR TANDAK Harta pada nareangan Harti pada narambahan Harta harti sarwa guna Pada bisa mere bukti Bisa hasil sapaneja Sok nyumponan cita- cita Harta harti sok mangpaat Dapon diraksa taliti ** Anu beunghar ku warisan Ngadak ngadak roroyalan Lamun hirup kitu laku Harta teu jadi mangpa’at Najan harta leuwih cukup Teu dipake modal hirup Raja kaya nungtut ledis Akhirna timbul musibah