REGIONAL NEWS BULLETIN

HEADLINES (EVENING)
Date – 04/11/2021 Time - 18:30 Hrs

1. Health & Family Welfare Minister Dr. R. Lalthanglianan Mizorama

COVID-19 dinhmunin ziaawm lam a pan hret hret nia lang chu mi
zawng zawng tanrualna rah a ni a ti.

2. Central excise tihhniam hnuah State tin ten an State VAT atanga petrol
leh diesel chhiah an lak thinte chu tihniamin, petrol leh diesel man
pawh cheng 7 in a tlawm.

3. Vawiin khan ramchhung hmun hrang hrangah Hindu te sakhaw kut

Diwali hlim leh lawm taka hman a ni.

4. Ramchhungah COVID vaccine dose vaibelchhe 107 leh nuai 66 chuan g

pek a ni tawh.
<><><>
COVID ADVISORY
India chuan COVID-19 do kawngah hlawh tlinna ropui tak changin Covid 19
Vaccine dose vaibelchhe 100 a pe ta a. He dinhmun thlengthei tura thawktu doctor,nurse
leh a hma tawnga thawktute bakah mipui vaccine la zawng zawngte All India Radio chuan
zahna chibai a buk che u a. Hetih rual hian ngaithlatute hrileng a la reh loh avangin
fimkhur chhun zawm zel turin kan ngenche u a, Vaccine dose kima la la lo te pawh la kim
thuai ula, mi dang pawh la ve tura sawm turin kan ngen a che u.
Sakhaw hunpui lo thleng turah hian hmaituamna vuah, midang hnaih loh, kut leh
hmai tih faite lo ngai pawimawh zel ang che u.
Covid-19 kaih hnawih a hriat duh nei chuan rampum huap helpline number -
01123978046 leh 1075 bakah, Mizoram tan 102 te hi biak pawh theih reng a ni e.
<><><>
HEALTH M INIS TER
Health & Family Welfare Minister Dr. R. Lalthanglianan Mizorama COVID-19
dinhmunin ziaawm lam a pan hret hret nia lang chu mi zawng zawng tanrualna rah a ni a ti.

Health Minister chuan theitawp chhuaha tha leh zung senga mi zawng zawng tan
rualna rah seng mek hi tihchhe lo turin mimal tin an la fim khur chhunzawm rih zel erawh
a pawimawh a ni a ti

Nimin khan Health Minister Dr R. Lalthangliana ho hian State-Level Expert

Committee on COVID-19 Management an thukhawm a, an hmalakna kal mek leh hmalak
belh ngaite an sawiho a. Health Minister chuan hripui leng vanga tawrhna nasa tak karah
thil lawmawm Mizoramin tawng ve leh zel thin a, hriselna tehfung pawimawh tak nausen
thi zat (Infant Mortality Rate) thar ber Sample Registry Survey in October, 2021-a a
tichhuahah Mizoram leh Nagaland chu nausen piang 1000 zelah 3 boral anga chhut an ni a,
he tehfung atanga chhutin India ram State zingah Mizoram chu nausen thi tlem berna a ni,
a ti a. Hemi kawnga hmalatu bik Health department, Women & Child Development
Department, Social Welfare Department, School Education Department leh mipuite
thawhona rah a ni a ti.

Chief Secretary thar Dr. Renu Sharma pawhin Mizorama COVID-19 hri leng mek
chu tun dinhmunah India rama State dangte aiin a la sang deuh a, hei hi amah pawhin a
ngaih pawimawh hmasak ber tur a ni tih sawiin, tha tak leh theihtawp chhuah tlanga
thawhho a duh takzet tih a sawi a, hmasawnna hna dang thawh kawngah pawh sawrkar
hnathawkte thawhona tha tak neih a beisei tih a sawi a ni. Prime Minister in vaccination
drive a ngaih pawimawh thu sawiin target group te chu kumin Krismas hmaa thleng kim
vek turin tan lak a ngai dawn a ni,a ti .
<><><>
M EETING ON COVID 19
State-Level Expert Committee on COVID-19 Management meeting nimina Health
Minister hova neihah mahni in lama RAgT sample test kit hmanga lo in test positive, a tira
inzep an nat zual tak hnua buaipui ngai an awm thin tih tarlan a ni a, mahni a sample test
zingah positive an awm a nih chuan medical mite emaw LLTF/VLTF hnenah emaw in
report zel se an duh thu an sawi a ni.

Symptom neite a hma thei ang bera hmuhchhuah a pawimawh thu sawilan leh ni a, a
bik takin hritlang leh khawsik neite chu rang taka in test vat zel turin an duh thu an sawi a,
Aizawl khawpui hmun hrang hrang 19 ah sample test na ‘kiosk’ dah a nih tawh thu report a
ni.

COVID-19 hri kaite hmuhchhuah an nih hnu a an dinhmun enchiannaah zunthlum,

BP sang leh natna dang nei tih hriatchhuah hnuhnawh an tam thu tarlan a ni a, mipuiten
anmahni hriselna inchik uluk lehzual se an duh thu tarlan a ni.

Meetingah hian khawvel hmun hrang hrangah COVID-19 a hluar thar leh thu tarlan
a ni a, Europe ram thenkhat leh China ahte chuan inkhuahkhirhna khauh zawk an kalpui
leh mek a, England ah phei chuan mask an vuah that tawk loh vanga hri kai an pung leh nia
an inhriat avangin tan an la thar leh nasa hle a ni, an ti a. Positive hmuhchhuah zat zaa 5 aia
hniam a nih hma chuan hripui leng hi thunun a la nih loh avangin mipuite chu la inthlahdah
rih lo se an duh thu an sawi bawk a ni.

COVID-19 vanga nunna chante hi natna benvawn nei vek an nih loh avang leh
thalai insawiselna nei lote pawh an awm avangin mitin fimkhur a ngai tih an sawi a, hri kai
inhriatchhuah hma a, inenkawl hma a nih chuan damchhuahna chance a sang tih a vangin
mitinin mahni inchik reng a, ngaihthatlohna neih emaw symptom emaw an awm anih
chuan rang taka in test ngei ngei turin mitinte an chah a ni.

COVID-19 positive dam leh ten a hnu lamah an taksaah harsatna an tawk nasa tih
tarlan a ni bawk a, symptom nei vak lo te zingah leh a tuar nep nia inhriate zingah pawh
hetiang harsatna chi hrang hrang hi an nei a, taksa peng pawimawhte bakah an hriselna
hrim hrim pawhin a tawrh chhunzawmte an awm avangin hri kai damchhuak ta te chu
mahni inchik reng se, a tul anga daktawr te rawn thuai thuai thin se a that thu an sawi a ni.

Sample lak sak ngai an tam telh telh karah Sample la tute an indaih loh avangin
mipuiten awlsam taka an pan zung zung theih turin sample test na hmun ‘kiosk’ a tam thei
ang ber veng hrang hrangah dah a tul thu meeting ah hian tarlan niin, mahni inringhlelte leh
symptom neite chuan rang taka sample test na hmun an pan vat vat hi a pawimawh hle tih
sawi a ni.
<><><>
LUNGLEI NGO DEM AND RTPCR
Lunglei Sub.Hqtr.YMA leh NGO hrang hrang kalkhawm chua n
Chhimbial mipui te tana RT-PCR khawl bun chungchangah naktuk thlenga
sorkar atanga thu an hmulo anih chuan total bandh hmanga lungawilohna
lantir an tum tih an sawi.
Lunglei Sub.Hqtrs.YMA Vice President Pu K. Lalfakzuala kaihhruaiin
hmalak an tum zel dan hi thuthar thehdarhtute an hrilh a, Pu Lalfakzuala
chuan Covid-19 hripui a len avangin nunphung a buai a, tunah phei chuan a
hri /hmuhchhuahna khawl RT PCR chu mitinin an rilru in an en thuap a ni
ber tawh a, hei hi hman ve theih ngei duhna a lian hle a ni a ti a. YMA pawh
in fimkhur takin a thlir a, mahse loh theihlohna avangin inrawlh a ngai ta tih
sawiin All NGO te nen rorel in Sub.Hqtr.YMA SEC in October thla chhun g
ngei a he khawl hman anih ngei theih nan a thutlukna a lo siam tawh chu
Mizoram Sorkar ah thlen a ni a, mahse October thla a zo a, khawl ber hman
a theih tak si lovah chuan sorkar au eih turin NGO te chuan ruahmanna an
siam ta a ni a ti.
Ruahmanna an siam dan chuan naktuk zirtawpni thleng Sorkar
ngaihchan nise, chhanna rintlak a awm loh chuan Inrinniah All NGO meetin g
neih nise, hetah hian Total bandh huaihawt dan tur ruahman a ni tawh ang a
ti a. YMA chuan Total bandh hi huaihawt loh hram a duh a, tun dinhmunah
chuan lohtheihlohna in a nawr ta a ti a, he an hmalakna turah hian political
party tin te lo in thiarfihlim se an duh tih a sawi.
Tun dinhmunah RT PCR khawl dah lailawkna tur Zotlang Tourist
Lodge ami chu sak zawh tawh niin hripui leng karah October thla chhung a
an zo hman chu a sa tu te chungah pawh YMA chu a lawm a ni a ti a.
Hetihrual hian October thla chhung ngei a hman theih tura RT PCR
chhawpchhuah chu NGO te thutlukna a ni tiin a sawi.
He hunah hian Lunglei Thalai Pawl leh RT-PCR for chhimbial aiawh te
chuan Building chei that nan ni 40 vel hun Sorkar in a hmang a, heti h
chhung hian Khawl bun chungchangah hmalakna a awm lo hle a, a lungawi
thlak tawh loh takzet a ni an ti.
<><><>
FUEL TAX CUT
Central Sorkar chuan vawiin atangin petrol leh diesel atanga chhiah a la k
thin Central Excise chu tihniamin, petrol ah Cheng 5, diesel ah Cheng 10 in
a tihniam a. Hemi piah lamah hian State tin ten an State VAT atanga petrol
leh diesel chhiah an lak thinte chu tihniamin, mipuite tana man tlawm zawka
lei theih turin an ruahman.
Chief Minister in a lo puan tawh angin Mizoram Sorkar pawhin Central
Excise tihhniam bakah hian petrol leh diesel atanga Mizoram VAT a lo la k
thin chu a rate tihniamin, petrol leh diesel ah Rs. 7 ve ve in a tlakhnia m
phah dawn a ni.
MVAT Act, 2005 hnuaiah hianVAT chhiah petrol ah zaa 25 leh diesel
ah zaa 14.5 a la thin a. Vawiin November ni 4 atang hian VAT rate hi petrol
ah zaa 16.36 leh diesel ah zaa 5.23 ah tihniamin, hei hian liter khatah Rs. 7
ve ve ah a tihniam dawn a ni. Tih hniam hma hian nimin lamah Petrol a
pangai Cheng 107.12 a hralh chhuah chu vawiin khan Cheng 101.30 a hralh
chhuah a ni a, extra premium Cheng 110.76 chu vawiin lamah chuan 104.94
a hralh a ni.

Diesel pawh nimin lama cheng 97.89 a hralh chu vawiin khan cheng 86.37 a
pek chhuah a ni.
<><><>
P ETROL & D I ESE L
Puan tawh angin Mizoram bakah hian Uttar Pradesh, Gujarat, Assam,
Goa, Tripura, Karnataka, Uttarakhand, Himachal Pradesah, Manipur leh
Bihar-techuan VAT an lak chu an tihhniam vethu an puang nghal a. Uttar
Pradesh-ah chaun petrol leh diesel man hi cheng 12 laiin tihhniam a ni.
Assam Chief Minister Himanta Biswa Sarma chuan petrol leh diesel-a
VAT an lak chu cheng 7 ve ve a tihhniam thu a puang bawk a. Anni bakah
hian Karnataka, Tripura, Mizoram, Manipur leh Gujarat tepawhin VAT hi an
tihhniamthu an puang tawh a ni.
<><><>
MZP
Mizoram Zirlai Pawl Inkhawmpui lian Aizawl Vanapa Hall-a neihah vawiin
khan MZP Gen.Hqtrs hruaitu inthlanna neih a ni a, President atan
Lalnunmawia Pautu thlan a ni a, Vice President -ah Andrew F.
Lalramnghaka leh General Secretary -ah Jacob Lalmuanpuia te thlan an ni.
<><><>
B LOOD DONATION
Aizawla Tuikhuahtlang KTP Branch chuan vawiin khan an veng YMA Hall-
ah blood donation camp an huaihawt a, ZMC Blood Bank tan thisen unit 31
an pe, a petute hi mipa 26 leh hmeichhia 5 an ni. KTP, Chawnpui
Vengthlang Branch-in an kohhran hall-ah Synod Hospital tan thisen unit 27
an pe bawk a, mipa 24 leh hmeichhia 3 an ni.
Vawiin vek khan Baptist Higher Secondary School NSS-in Christian
Hospital, Serkawn tan thisen unit 8 an pe bawk a ni.
<><><>
Q UIZ
All India Radio Aizawl Regional News Unit leh Mizoram sorkar- Art &
Culture Dept tangdunin, Azadi Ka Amrit Mahotsav – Quiz a buatsaih chu
tunkar inrinni zan chanchinthar puanhunah neih leh a ni dawn a. India ra m
zalenna lam hawi zawhna siam thin a ni a. He zawhna hi rawn chhang theuh
turin kan ngen che u a, in chhannate chu Whatsapp emawsms –in Phone
Number 82588 12366 ah emaw email ID - airdigest21@gmail.com ah te
thehluh theih a ni.
He quiz competition-a rawn chhangtu zingah a chhangdik hmasaber lawman
leh certificate siamsak a ni ang a, lawmman la tu hi, a tukPathianni zan
chanchintharah puan a ni ang.

<><><>
D IWALI
Vawiin khan ramchhung hmun hrang hrangah Hindu te sakhaw kut Diwali
hlim leh lawm taka hman a ni. He hunpui hi thain sual a hnehna lawmnani
niin in leh a velte, temple leh khawtlang hmunte cheien a ni a. Hemi pual
hian mipuiten hausakna pathiannu Lakshmi hnenah an tawngtai thin a ni.

Diwali pual President Ram Nath Kovind, Vice President M Venkaiah Naidu
leh PM Narendra Modi-ate chuan mipuite chibai a buk. Pu Kovind-a chuan
Diwali chu thain sual a hnehna leh engin thim a hnehni a ni a ti a. He kut hi
khawvel pumah rindan hrang hrang neite pawhin an lawmthin a ti a. Diwali
chuan mahni mihringpuite ngainatna, duhsakna leh unuana a pe a ni a ti
bawk.

Vice President M Venkaiah Naidu chuan he kut hian eng a rawn thlen a,
remna, nawmsakna leh muanna a kengtel a ni a ti a. He hunpui lo thleng hian
kan chhehvel amite tana nun nuam leh hlimawm siamsak turin phurna min pe
a ni a ti.

Prime Minister Narendra Modia pawhin mipuite Diwali chibai bukin he

hunpuiah hian mitin nunah hlimna, hlawhtlinna leh nun nuam zawk lo thlen
a beisei tih a sawi.
<><><>
DIWALI
Vawiin hi Hindu sakhaw betute eng kutpui Diwali a ni a, HIndu sakhua
vuantute'n khawvel ram hrang hrang-ah he 'eng' kut an hman laiin Mizoram-
ah erawh Covid-19 hrileng avangin kum dang angin he kut hi hman theih a
ni lo.
Aizawl-ah chuan sakhaw puithiam te'n Mandir ah mipui nawlpui tel lovin an
sakhaw serh leh sang puja te tiin hun an hmang a, in lamah in leh a vel te
engmawi hmangin an chei , chhungku leh thenrual tha te nen he hun hi hman
a ni.
Kolasib-a Gorkhali te chuan Kolasib Hmarveng a an biak in Shiv mandir ah
vawiin khan mandir chei hnatlang an nei a, zanin dar 6 khan diwali puja
pualin mombati hal in, eng thei dangte an chhi a, mandir ah hian a remchan
angin hun an hmang nghal ani.
Covid hrileng avangin kumin hian kum dang angin durga puja leh diwali
puja lawm theih a ni lo a ni.
<><><>
COVID
Ramchhungah COVID vaccine dose vaibelchhe 107 leh nuai 66 chuan g
pek a ni tawh a. Union Health Ministry sawidanin darkar 24 kalta chhungi n
dose nuai 30 leh sing kua pek a ni a. Hetihlai hian hrivei enkawl dam sin g
khat sang nga leh 54 an awmbelh leh a. Hrivei enkawl dam hi za zelah 98.23
a kai tawh a. Vawiin thlengin mi vaibelchhe 3 leh nuai 37 chuang enkawl
dam anni tawh a.
Hri kai hmuhchhuah thar pawh tlahniam zelin darkar 24 kalta chhungin
hri kai sing khat sang 2 leh 885 hmuhchhuah a ni a. Sample endik zawn g
zawng atanin zaa 1.21 an positive a. Hrivei enkawlmek hi nuai khat sing li
leh sang 8 an awm a. Hei hi za zelah 0. 43 a ni.
<><><>