Ang paglalakbay na siyang nagbibigay ng kaligayahan sa akin sa
tuwing binabalot ako ng kapaguran at kalungkutan sa aming tahanan, na siyang nagpapalaya sa akin sa isang madilim na lakbayin na tila hindi ako makakita at nahihirapang gumalaw sapagkat onti-onting binabalot ng makapal na usok ang aking isipan dahil sa mga problemang aking nararanasan. Ngunit ibahin mo, na dahil sa paglalakbay ko tungo sa paroroonan ko ay siya ding pagbawi ng hininga sa preskong hangin na dumadampi sa aking mga pisngi. Iba parin talaga ang paglalakbay kasama ang pamilya, at kasabay nito ang pagkakaroon ng masasayang pagsasama sa ibang sikat na lugar sa ating bansa, iyon ay ang Philippine Arena na matatagupan sa Bocaue, Bulacan. Minsan ay napag- isipan ko sa aking sarili kung bakit maraming tao ang nahuhumaling dumayo sa malayong lugar para lamang sa isang tanawin o bagay. Naglakbay kami ng aking pamilya patungo sa bulacan upang isagawa ang isang aktibidad sa aming relihiyon upang pagpatibayin ang aming pananampalataya sa Diyos. Habang kami ay nakasakay sa isang panlupang transportasyon, ay namasdan naming ang magagandang tanawin na siyang pumukaw sa aming mg mata, puso at damdamin. Tila nasagot ang mga katanungan ko sa aking sarili, kung bakit nagsisikap marating ng ibang tao ang malalayong lugar para lamang sa tanawin o bagay, bagkus ay ito pala ang makakapag bigay sa kanila ng kasiyahan, kapayapaan at masasayang alala na siyang mag tatanim sa ating puso at isipan ng mga bagay na siyang dadalhin natin sa paglipas ng panahon.
Kaya nais ko kayong imbitihan na subukang pumunta sa Bulacan
partikular na sa Bocaue upang mamasdan mo ang naglalakihan, magagarbong disenyo sa Phillipine Arena. Tila maari kang malula sa sobrang laki nito at masasabi mo sa sarili mo na kahit papano ay maipagmamalaki mo ang ating bansa sapagkat tayo ang mayroong pinakamalaking indoor arena sa buong mundo kahit na maraming problema ang bumabalakid sa ekonomiya sa ating bansa. Minsan, kailangan din nating magpahinga at umalis sa seldang nagkukulong sa atin sa mga problema at kalungkutan lalo na at nasa panahon tayo ng pandemya, talamak at laganap ang mga ganitong problema, kaya, buksan ang pinto at huminga ka ng malalim sa malamig at prestong hangin mula sa paglalakbay ng iyong buhay at sabihin mo sa sarili na. “pahinga muna.”