Gabriel y Gloria Escobar (Huñuqkuna)

Sunquyta
.
Maytan nini kay sunquyta,
“Ama munankicu” nispa;
qaparispan kuticiwan
“Manan atinicu” nispa.
.
Huh p'uncaymi llakikuna,
intuykusqan;
sapallanta sunquyta,
tapuykuni;
Imaraykun llakisqalla,
purikunki;
mana imapi kusikuyta,
tarispayki.
.
¿Manacu urqukunah,
asisqanta uyarinki?
¿T'ikakunah q'apayninta
q ”awarinki?
¿Mayukunah takisqanta
callwakunah puxllasqanta?
.
Huhmanta qaparispa,
kuticiwan;
kusikuyqa manañan
ñuqapahcu;
unayñan sunquyta,
cinkacini;
wañusqatan sunquyta,
p'anpamuni.
.
Huh munayllan,
kay pacapi,
hap'iwaran;
paga raykullan,
kay allpapi,
kawsarani.
.
Cay munaymi
yanaywan cinkaripun;
cay munaymi ripukapun,
yanaypa wañusqanwanmi,
wañupun.
.
Maypiña purispapas,
kiskallatan tarimuni,
maytaña q ”awaspaypas,
p” uyullan muyuriwan;
rit'ipas cullurispan,
waqayta yacaciwan;
mayupas qaparispan
waqasqayta musp ”aciwan.
.
Manañan ñuqapah,
p'uncawqa kanmanñacu;
intipas k'ancaypas,
tutallan ñuqapah,
wañuymi kawsayniy.