The Four Sister’s and A Wedding

Ang huling pelikula na nakita ko ay ang Four Sister’s and A Wedding na tungkol sa isang
pamilya. Sa pamilyang Salazar may apat na babaeng magkakapatid na naghahanda ng handog
para kay Hesus sa pagsapit ng Pasko. Ang mag apat na babaeng magkakapatid ay humuhiling ng
isang baby brother ng sagayo'y kanilang maranasan ang pagkakaroon ng kapatid na lalaki at
maturing nila itong bunso, hindi nagtagal ang kahilingan ng apat ay natupad at ang bunso nilang
kapatid na si CJ. Napakalapit nila sa isa’t isa at sa pag lipas ng mga taon ang limang
magkakapatid ay may mga kanya kanya ng trabaho at mga sarili ng desisyon.

Si Teddie ang panganay sa limang magkakapatid na isang guro sa Espanya na nasama sa mga
gurong nawalan ng trabaho kung kaya’t napilitang mamasukan bilang kasambahay. Ikinahiya
niya ang kaniyang naging trabaho at inilihim ito sa pamilya niya. Si Bobbie naman ay nang dahil
sa pagkakawalay sa kanilang ama ay napilitan si Bobbie na mangibang-bansa upang magtrabaho
at matulungan ang kaniyang pamilya sa mga gastusin kung saan tiniis nito ang lumbay ng
pagiging mag-isa. Sa kabilang dako, si Alex ay isang aktres na gustong-gusto ang kanyang
ginagawa. Sa kabila ng maliit na sahod na kinikita kada taping ay pinagpatuloy ni Alex kung ano
ang hilig niyang gawin. Sumunod naman si Gabbie na siyang isang guro sa paaralan dito sa
Pilipinas. Siya ang naninirahan kasama ang kanilang nanay at siyang nag-aalaga rito. Kasama rin
nila sa bahay ang bunsong si CJ, isang makulit ngunit mapagmahal na anak at kapatid.

Nag pasya ang kanilang pinakabunsong kapatid na si CJ ay magpakasal na sa kanyang nobya na

si Princess ngunit ang apat na nakakatandang kapatid ni CJ ay hindi sumasang-ayon sa kanyang
desisyon at iniisip nila ang mga negatibong resulta kung sakaling ituloy ni CJ ang pag-iisang
dibdib sa kanyang nobya at dito nag simula ang gulo sa pamilyang Salazar. Kasing yaman ng
Gutierrez Family sa totoong buhay ang mapapangasawa ni CJ wala namang kakikitaang
masamang ugali ang pamilya nito sa halip sila pa ang mapagkumbaba at gagastos sa kasal ng
dalawa, ngunit ang apat na nakatatandang kapatid ni CJ ay duda sa mga pinapamalas na ugali ng
pamilya. Kaya't ang apat na magkakapatid ay gumawa ng paraan upang matigil ang kasalan at
dahil dito mas lumala ang problemang kinakaharap ng pamilya Salazar, ngunit ang apat na
nakakatandang kapatid ni CJ ay may mga kanya kanya ding hinanakit at pagkukulang sa
pamilya. ngunit sa huli ay nangibabaw pa din ang kapatawaran sa isa't isa, at nag kaayos ang
dalawang pamilya.