Kaanindot sa kabuntagon

Kung inig mata malinawon

Mga bulak nangalimyon
Ningduyog sa mabugnawng panahon

Mga langgam nanag-awit

Sama sa taghoy sa tubig sa sapa
Nga nidagayday paubos nga walay lama
Walay plastic nga basura nga patiwara

Apan niining bag-ong henerasyon

Kuyog sa pag-usbong sa modernisasyon
Sakit kaayong pamalandungon
Nga nausab na ang atong panahon

Basura dinhi, basura didto, basura bisag asa

Mga tawo walay huna-huna kung unsa ang resluta
Plastic sa kanal, plastic sa sapa, plastic sa kadalanan
Plastic bisan sa atong tagsa-tagsa nga batasan

Kapait sa kasamtangang kahimtang

Tawo ra sad ang maoy sad-an
Tawo nga puno sa kabuang
Mao ni, kahugaw ang nakaplagan

Hoy higala! Okey ra ka nga maingon ani ra ta?

Dili ba sa tanang binuhat, mas maalamon man ka?
Nganon’g dili man ka kaantigong mosabot,
Sa mahimong sangputan sa atong mga sagbot?

Angay lang nga kita manginlabot

Ug mohimo ug hiniusang lihok
Husto na, hunonga na ang pagbuta-buta
Karon na ang saktong takna nga kita magpakabana