Ang pagsulat ay isang masalimuot na proseso, lalo na
ang pagsulat ng papel na pananaliksik. Ilan sa
layunin ng pananaliksik ay tumuklas ng bagong kaalaman hinggil sa mga batid ng kaalaman at makahanap ng sagot sa mga suliraning hindi pa ganap na nalulutas at malaki ang papel na ginagampanan ng mga hanguan ng impormasyon dito. Mga Babasahin: May tatlong uri ng mga batis ng impormasyon—ang pangunahin o primaryang batis ,ang pangalawa o sekondaryang batis at elektroniko. a. mga indibidwal o awtoridad b. Mga Talaarawan o Diary/Journal. c. Mga Awtobiograpiya - Ang mga awtobiyograpiya o talambuhay na isinulat mismo ng isang tao tungkol sa kanyang sarili . Nakasulat dito ang mahahalagang pangyayari sa buhay ng may akda. d. Ang memoir -Nakapaloob dito ang damdamin at opinyon ng sumulat tungkol sa isang bagay o pangyayari. Ipinapaliwanag niya ang mga pangyayari ayon sa kaniyang paniniwala at perspektibo e. Mga Liham f. Ang talumpati - Isang uri ito ng komunikasyong pampubliko na nagpapaliwanag sa isang paksa na binibigkas sa harap ng mga tagapakinig. g. Mga Ulat - Karaniwang ito ay mga opisyal na dokumento na isinulat ng mga taong nasa isang pook sa haba ng isang panahon. Naglalahad ito ng mga bagay na nabasa, namasid, sinaliksik, napakinggan o nagawa. h. Mga Aklat na Isinulat ng mga Awtoridad- Mayroong mga aklat na maaaring ituring na pangunahing batis kung ito ay isinulat ng mga tao na mismong naging saksi sa mga pangyayari. i. Mga Isinulat ng mga Saksi – tinatawag itong eyewitness account. Ang eyewitness account ay maaaring maisama sa awtobiograpiya at sa memoirs. j. Mga Artikulo sa mga Pahayagan - Maaari ring ituring na pangunahing batis ang mga pahayagan kung ito ay mayroong tuwirang turan (direct quotation) o halaw mismo sa pinanggalingan ng impormasyon. Kabilang dito ang mga salaysay o pronouncement. a. Mga Fossil, Buto, at Relikya b. Mga Memorabilia -Ang mga gamit, damit, kasangkapan, armas, at tirahan. c. Kasaysayang Oral - Ang mga kasaysayang oral ay mga isinalin lamang na kuwento o kaalaman tungkol sa nakaraan na nagpasalin-salin lamang sa bibig ng mga tao. Ilan sa mga kasaysayang oral ay mga awit, tula, epiko, at alamat. a. mga dyaryo, newsletter, artikulo, jornal at magasin. b. mga aklat tulad ng diksyonaryo, ensayklopedya, yearbook, alamanac at atlas. c. mga manwal, polyeto at iba pa. d. mga nalathala at di nalathalang mga tesis, disertasyon at mga pisibiliti na pag-aaral. Mga impormasyon na nakukuha sa pamamagitan ng teknolohiya o tinatawag na internet. Maitututring na ang internet ang isa sa pinakamalawak at pinakamabilis na hanguan ng impormasyon. 1. Alamin ang layunin sa pagtatala at ang kabuuan nito. 2. Itala sa indeks card ang mga mahahalagang mga tala/ bibliograpi. 3. Ilagay sa indeks kard ang kumpletong datos ukol sa pinagkunan ng impormasyon gaya ng awtor at pamagat sa kanang bahagi nito. 4. Siguraduhin ang anyo ng tala dahil ito ang magiging batayan nang maayos at organisadong impormasyon. Ayon kina Constantino at Zapra(1997) ay may iba’t ibang klase o anyo ng tala, ito ay ang mga sumusunod: a. Direktang Sipi - ito ay pagkuha ng buong sipi na walang binago ngunit dapat na tiyakin na hindi sobrang haba ang sisipiin na halos lahat ng ideya ay galing na sa ideya ng iba. Dapat lagyan ng panipi ( “ “) ang mga talang sinipi na kung saan ito ay nagpapakilala na ito ay direktang sipi. Lagyan naman ng elipsis (…) kung may bahaging piniling hindi sipiin ngunit nasa gitna ng talata. Lagyan din ng ellipsis (…) ang mga siniping bahagi na hindi tinapos na talata o pangungusap at maging ang mga bahaging hindi sinipi ang panimula ng pahayag o pangungusap ay nilalagyan din ng elipsis (…) b. Buod ng tala- dito tinutukoy ang pinakamahalagang ideya ng isang talata. Isinusulat ang impormasyon batay sa pang –unawa na ginagamitan ng sariling pananalita ng mananaliksik. c. Presi - pinakabuod o paglalahat ideya ng isang sulatin o akda, pinanatili rito ang orihinal na ayos ng ideya. Maari ring gamitin ang orihinal na susing salita ng awtor, pero maaari ring gumamit ng sariling salita na hindi gaanong lalayom sa orihinal na teksto. humigit kumulang sa 1/3 ng orihinal na teksto ang haba ng presi. d. Sipi ng sipi – ito ay pagsipi ng bahagi ng sulatin na sinipi rin mula sa ibang teksto, ang siniping bahagi ng sipi ay ipinapaloob sa isang panipi (‘ ‘ ) lang. e. Hawig o Parapreys -ito ay paglalahad ng mga ideya ng iba gamit ang sariling pananalita. pinapanatili rito ang buong orihinal na kaisapan ng teksto, May pagbabago sa istruktura ng mga salita at mga pangungusap ngunit dapat ay ayon pa rin sa orihinal na 1. Sarili - ito ay base sa iyong karanasan, sa mga nabsa, napakinggan at napag-aralan at natutunan. 2. Dyaryo at Magasin- Isa ito sa maaring pagkunan ng paksa , lalo na ng mga napapanahong isyu mula sa pangmukhang pahina ng mga diyaryo at magasin, sa mga kolum, editorial at iba pang seksyon ng dyaryo at magasin. 3. Internet - Pinakamadali , pinakamabilis at malawak na mapaghahanguan ng paksa. 4. Radyo/ TV – Maraming uri ng programa sa radio at TV na maaring mapaghanguan ng paksa gaya ng mga balita, isports, programang pangkabuhayan at pang – edukasyonal. 5. Aklatan – Dito makikita ang lahat ng paksa na nauugnay sa iba’t ibang larangan. 6. Mga Eksperto , Kaibigan at Guro – Sa pamamagitan ng pagtatanong – tanong ay maaari ka ring makakuha ng ideya sa iba na maaring makatulong sayo. 7. Interes at Larangan - iba-iba ang interes ng mga tao. Sinasabing mas praktika kung ang magiging paksa mo ay may kaugnayan sa iyong larangan. Sa aklat ni Sevilla na isinalin nina Espiritu at Dakanay ( 1998), 1. Ang balangkas ay maaaring magpakita ng mga puntos na nangangailangan pa ng pananaliksik, at sa kasong ito dapat kang muling pumunta sa aklatan para sa karagdagang impormasyon. 2. Ang balangkas ay magbibigay sa mananaliksik ng mga aytem na nasaliksik nang mabuti nang sa gayon sa huli ay maaari nang itapon ang mga hindi kailangang tala. 3. Ang balangkas ay magpapabuti sa iyong paraan ng pag-iisip. Madaling isulat ang mga pira-pirasong impormasyon pero ang pagahahanda ng balangkas ay nangangailangan ng kakaibang kasanayan. 4. Ang balangkas ang magpapanatili sa iyo sa mga saklaw ng iyong gawain. Maiiwasan ng mananaliksik ang paggamit ng hiwa-hiwalay na presentasyon kung mayroon kang balangkas. Bukod dito, ito ang magiging batayan mo sa pagsulat. 5. Sa pagbabalangkas ng papel pananaliksik, maaaring gumamit ng dalawang uri : ang papaksang balangkas at ang papangungusap na balangkas.