REPLEKSYONG PAPEL; MODYUL 2. PAGSIPAT SA MGA AWITIN
BILANG PANIMULANG PAGDADALUMAT
Ayon sa mga impormasyon na aking nabasa sa aming modyul na syang
tumatalakay sa kahalagahan ng awit bilang isang sining at parte n gating kultura bilang mga Pilipino, nararapat lamang na pag-aralan natin hindi lamang ang mga bahagi ng awit kundi na din kung paano maintindihan ang nais ipahiwatig at ang kahalagahan nito. Isa sa instrumenting ginagamit upang mailahad ang nilalaman ng isang damdamin ng tao ay sa pamamagitan ng awit o ng musika na syang nagiging repleksyon ng pagpapahayag ng ating damdamin na sumasalamin sa ating tunay na nararamdaman. Hindi lamang ito nakapagbibigay ng aliw dahil sa kaaya aya nitong mga tunog kundi mas nabibigay diin nito ang nais iparating ng isang kompositor na hindi direktang maisalaysay ang nais nyang ipahiwatig. Sa pamamagitan ng iba’t- ibang element nito gaya ng dynamiks, pitc, timbre at melodiya nakakabuo tayo ng isang awitin na kayang maipakilala at makapag lahad ng damdamin at kaisipan ng sinumang lilikha dito. Sa pamamagitan ng kombinasyon ng mga liriko, ritmo at tono makakabuo tayo ng mga awitin gaya ng pop na maari din maging isang awiting mensahe para maipahayag ang pagprotesta natin sa kalagayan ng mundo lalo at higit sa bansa na ating kinabibilangan. Gaya na lamang sa awiting tatsulok kung saan minumulat nya ang isang kabataan sa lagay n gating bansa, na ang buhay ay isang tatsulok kung saan mas nakakaranas ng higit na kapayapaan ang mga nasa itaas, ang mga taong may kakahayahan bumili ng hustisya, at ang mga gaya nyang mahirap ay natatapak tapakan sa ibaba.
Bilang isang mag-aaral na gaya ko nararapat lamang na pag-aralan at
isabuhay ang mga ganitong klase ng aralin, isa itong talento at kakahayahan na inihandog ng Diyos sa bawat isa na dapat ipinagmamalaki at lalong pinagyayabong. Sa ganitong paraan mas makikilala ang ating bansa at ang kapwa natin Pilipino dahil kilala tayo sa mga magagaling na mang await at kompositor. Musika ang nakakapag bigay aliw sa atin at may kakahayahan makasabay sa kung ano ang nararamdaman natin maging kung tayo ay masaya, malungkot, at galit na tunay na nakakapag palabas sa ating mga saloobin. Ito rin ay maari nating gamitin kung tayo ay nagmamahal, nagiging inspirasyon natin ang mga lumang tugtugin sa pag-aalay ng ating nararamdaman para sa taong ating minamahal. Tunay nga na malawak ang nasasakop at nagiging tulong sa ating ng musika o awit na syang nagbibigay buhay, at kulay sa buhay ng bawat isa. Tunay na nakakapukaw ng attensyon at nakakapag bigay ng sigla sa buhay, nakakapag bigay ng pag-asa at nakakatulong upang maunawaan ang tunay na kalagayan natin sa mundong ating kinabibilangan. MODYUL 3. DALUMAT-SALITA: MGA SALITA NG TAON/SALAWIKAIN
Sa parte na ito n gaming aralin pinag-uusapan ang dalumat salita at
pinagtatalunan kung dapat nga bang pagyabungin o pagyamanin pa ang wikang Filipino o ang ating sariling wika, kung dapat paba itong ginagamit sa mga teoryang usapin at hindi dapat na minamaliit pa. Sa katunayan, marami na din ang nagtatalo tungkol sa usapin na iyang kung dapat pa nga bang isinasaalang-alang ang wikang Filipino sa mga usapang aralin dahil na din siguro iniisip ng iba na mababaw ang ating wika upang mapag-aralan pa at wala itong kakayahan na makipag sabayan sa mga global na wika sa mundo lalo na teoryang aralin ang pinag uusapan. Sa mga ganitong klase ng isyu tila minamaliit nila ang kakayahan ng ating wika sa kakayahan nitong makapag turo at makapag unawa sa iba ng mga aralin at makapg bigay ng impormasyon sa mas madaling paraan. Nakakalungkot lamang na ilan pa sa ating kapwa Pilipino ang kauna-unahang tumututol sa bagay na ito, na hindi pumapayag gamitin ang wikang Filipino bilang parte ng mga aralin dahil na din siguro naimpluwensyahan ng dayuhang salita. Mga kapwa Pilipino na taon taon ay kasabay nating nagdidiwang ng Buwan ng wika kung saan makikita ang talent hindi lamang ng mga mag-aaral kundi ng bawat Pilipino na nagpapakit ng galing sa pakikipagtalastasan gamit ang wika na kanilang binabaon at tinatapak- tapakan.
Sa mga impormasyon na aking nabasa, at sa aking pag-iisip nararapat lamang
na gamitin ang ating wika at higit itong pagyamanin at palaguin sapagkat ito an gating wikang pambansa. Wika na makapangyarihan na ginagamit natin upang tayo ay makipag usap at upang tayo ay magkaunawaan, ginagamit din upang tayo ay magkaisa, maraming mga impormasyon na makakapagpatibay na an gating wika ay mahalaga at nararapat lamang na gamitin sa pagkatuto ng bawat isa, ito ay kumakatawan sa mga bagay na ating pinapahalagahan gaya ng kultura, sining, pagkamabayan at pagkamakabansa natin na kailanman ay hindi mabubura at mawawala sapagkat tayo ay mamamayang Pilipino.