BAHAN SERMON GKPI RESORT FLAMBOYAN

MINGGU 17 OKTOBER, 20 SET.TRINITATIS

Ev : Luk 11 : 27 – 28 ; Ep : Psalm 119 : 9-16

TEMA : Tua Ni Halak Na Manangihon Hata Ni Debata/ Kebahagian Mendengar Firman Allah

I. Patujolo
Di sada pangajarion, dipatupa Tuhan Jesus halongangan ima na pabali sada tondi na mambahen ngungu
(Ayat 14). Mangida na masa i adong ma deba sian nasida na mandok, “dipatupa halongangan marhitehite
Beelsebul”. Di lehon Tuhan Jesus ma panorangion taringot tu pandok nasida na lilu i, laos ditingki manghatai
hata i dope Tuhan Jesus, tompu ma adong sahalak parompuan marsoara na gogo, “martua ma na manubuhon
jala na pabagot Ho”. Alai ro ma alus ni Jesus tu parompuan dohot na natorop I,”martua ma angka na umbege
hata ni Debata jala naumpeopsa”. Dua ayat na jempek do ayat on, alai hatorangan ni ayat on tung mansai
ganjang do panghorhonna, ala boi taida dison taringot tu arti ni Martua/Kebahagiaan na sasintongna. Ai ido na
hinasiholan dohot na niluluan ni jolma na mangolu on, antong aha do tua i? Tabereng ma di hatorangan on.

II. Hatorangan Ni Turpuk

• Martua ma na manubuhon jala na pabagot ho. Molo tajaha andorang so turpuk, adong do salisi ni
deba natorop mandok huaso na pinatupa ni Jesus huaso ni Beelsebul do, sian on boi taboto na adong do
na sai mangalului hahurangan ni Tuhan Jesus, alai di tonga ni salisi I, adong sahalak parompuan na
marsoara na gogo “Martua ma na manubuhon jala na pabagot ho”.Ndang tarsirang hata na hinatahon ni
parompuan on dohot na baru ni idana, ima pangajarion ni Tuhan Jesus na marsahala, halongangan na
pinatupa ni Jesus ima na pamalum na ngungu na tangkas di bereng simalolongna. Ido umbahen na
barani ibana marsuara na gogo marpanindangion taringot tu hata i. Alai sian on boi do tabereng adong
perbedaan pangantusion, ia pangantusion ni parompuan i mangida Las ni roha (Martua) sian horong
hajolmaon do. Las ni roha (Berbahagia/Martua) sian parnidaan ni hajolmaon, boi ma i Alani: ise
natorasna, boha kesuksesan ni sadasada jolma, sadia godang na adong di ibana (harta), aha jabatanna,
gabe aha/ise ianakhonna. Ido umbahen parompuan I mangida, ia si Maria natoras ni Jesus pe dohot do
martua, “dohot do martua” lapatanna pasti do Jesus dasar kekaguman ni parompuan i (Alani hadirion,
panghobasion, keterkenalan, halongangan naung pinatupa ni Tuhan Jesus naung dibereng godang jolma
di tingki i). Ala parompuan ibana, di patudoshon dirina tu si Maria,”aut sura adong ianakhonhu, terkenal
(panghobasion na marsahala, tanda halongangan) songon Jesus I, tung bangga jala las situtu rohangku”
ninna rohana.
 Martua ma angka na umbege hata ni Debata jala naumpeopsa. Sian on boi idaonta Tuhan Jesus
padengganhon dohot pabagashon hata ni parompuan I taringot tu hata “martua” i na sasintongna.
Dibahen I boi ma dohononta, ia halak na martua, ima halak na manghilala ia Debata manghatai tu hita,
jala hita manangihon aha na hinatahonNa (marhite Bibel dohot panorangionna) jala tangkas taantusi
taringot tu tona dohot na pinatikhon ni Debata. “Taantusi” lapatanna dison hata di Debata na
hinatahonNa mangula ganup ari dibagasan gulmit ni ngolunta. Hata “umpeop;memelihara” dison ndang
na marlapatan: hata ni Debata I holan disimpan di bagas roha sambing, alai: bagas, menusuk, dalam,
melakukan, mencamkan” aha na hinatahon ni hata ni Debata I nuaeng jala berkelanjutan torus. Jala
mardalan lomo ni rohaNa nuaeng dibagasan hangoluaon ni jolma ganup marsadasada dohot di tonga ni
humaliang (Firman itu Bekerja dan berkelanjutan).
Secara halus, ditialahon Tuhan Jesus do pujian taringot tu diriNa dohot tu NatorasNa si Maria.
Ala hubungan parmudaron manang hubungan hajolmaon ndang boi bahenon ni jolma rumingkot sian
ulaon partondion (Band Luk 8:19-21). Dibahen I do turpuk on naeng patoranghon ndang naso hormat
manang na diparsoada Tuhan Jesus natorasna si Maria, ala ndang langsung di tolopi Jesus alus ni
parompuan I, dohot alus, sintong manang ndang, alai hata martua na tumangihon hata ni Debata na ni
 dok na dison, na dohot do si Maria pangoloi di sangkap ni Debata, andorang so tubu dope Jesus. Ai ibana
pe dohot do taruli di hatuaon i. Nang sude jolma adong kesempatanna laho martua/berbahagia, molo
rade umbege jala umpeop hata ni Debata.
Nuaeng boi taida, marasing do pandohan “Martua” sian haportibion dohot na pinatorang ni
Tuhan Jesus dison. Molo sian hajolmaon halak na martua ima halak na godang artana, marjabatan, na
hasea ianakhon, terkenal. Alai molo sian sudut pandang ni Tuhan Jesus, ndang songon penilaian ni
jolma. Na boi do liat portibion diomo jolma, alai molo so porsea do ibana tu Debata, na mago do tondina,
aha ma na tarbahen ni jolma i na gabe tobus ni tondina? (Band Mat16:26). Ayat 28 on, naeng patuduhon
na rumingkot di Tuhan i ima haunduhon tu Tuhan I, ndang pujian.
III. Sipahusorhusoron
• Alus ni Tuhan Jesus di ayat 28 i, ndang tarsirang sian halongangan na baru binahenNa ima pamalum na
ngungu gabe boi manghatai. Nian, molo tupa hamamalum di sada inganan, na ingkon dohot ma iba
manghalashon I, baliksa adong do tong sian natorop I gabe mamboan tu pangajaran haliluon na mandok,
huaso ni si Beelsebul, ndang diantusi nasida na binege nasida sian Tuhan Jesus I, ndang boi dipeop
nasida Hata ni Jesus na baru dope diajarhon, ido umbehen “menohok”, hata ni Tuhan Jesus mangalusi
parompuan dohot natorop I, asa gumodang nian umbege, laos gumodang ma mameop. Dibahen i, na
tinuju ni pandohan ni Jesus dison ima tu angka halak na sai manangihon hata ni Debata, alai ndang boi
diantusi nasida na binege nasida I, apalagi ma molo jarang muse ma umbege, lam so olo muse
mangulahon na denggan. Sai unang ma hita I sude, anggo hita, godang umbege, lumobi ma na
mangulahon.
 Tapature ma nuaeng pangantusionta taringot tu halak na martua (molo sala dope). Ia halak na martua
ndang di tontuhon sadia godang na adong lohot di ibana, alai sadia godang ma ibana umbege (godang
manangihon Hata ni Debata, manjaha hata ni Debata, jala rosu parsaoranna dohot Tuhan I ganup ari)
jala mameop (mangulahon, mangula hata ni Debata na pineopna, jala hata ni Debata I paubahon ibana
di angka na humurang parangena. Hata ni Debata paubahon ibana lam tu denggan na ganup ari, jala las
ni rohana holan paimahon aha na hinatahon ni Tuhan I; berbahagia (Makarios), dalam hal ini, tidak
akan mengurangi sukacitanya dan juga pujiannya kepada Tuhan, bahkan dalam penderitaan yang
datang, karena dia bekerja sesuai dengan keinginan Tuhan, kesetiaannya tidak bisa di ukur,
kepercayaannya kepada Tuhan membuat dia lega, puas). Dibahen sotung adong halak
martua/berbahagia, alai pelaku kejahatan ibana, menindas karejona, mambahen sogo ni roha ni dongan
ulaonna, manjahati karejona, dan.
 Na parpudi, sai adong do jolma na olo marsak ala anganangan di las ni roha ni halak, ala: godang
artana,
na mora sude gelleng na, parkarejo sude gelleng na, mangaranto sude gelleng na, godang on na dohot
an na. Hape ndang taboto boha ibana lao mandalani I na uju I (Band Maria yang harus menanggung
malu karena mengandung tidak pada waktunya bagi perempuan normal, Ia harus mengungsi ke Mesir,
agar Jesus tidak dibunuh pada masa kecilnya). Boasa boi songoni, ala na niarsakhonna holan na tabo di
halak, ndang dohot arsak na. dibahen I, dari pada marsak mamingkiri na di halak, dao dumenggan hita
marlas ni roha/Martua Alani Hata ni Debata na gabe las ni rohanta. Dibahen I las ni rohanta unang gabe
di inganan ni halak, baliksa di ingananta/rohanta ganup marsadasada ala tatangihon jala tapeop hata
ni Debata . Antong marlas ni roha ma hita. Amen