Wilujeng wengi, wilujeng tepang sareng lingkung seni sunda wayang golek ......... anu dipimpin ku pangersana ki dalang ....... ti ....... dina wengi ieu ki dalang dina mancen gawe ngawayang sajabi ti dipirig ku gamelan “Arbapuspa” miwah para wiyaga ti rombongan ....... ki dalang dina wengi ieu dipasieup ku (2) juru kawih. Jurukawih anu kahiji, nu linggihna dipalih katuhu kakasihna ...... . Juru kawih anu palih kenca kakasihna ..... . Kalayan ditema ku haleuangna wiraswara atanapi alok kakasihna ...... Sateuacanna diuningankeun lalakon atanapi judul carios anu baris dipintonkeun ku pangersana ki dalang, langkung tipayun urang haturkeun lagu .... tawis pangdu’a ka gusti nu maha suci dina wujud lagu. Sumangga nyanggakeun, wilujeng ngadangukeun. Sarengsena lagu kembang gadung, mugia sakur sapamundut ginuluran sapanedja tinekanan. Teu aya sanes anu dipimaksad ku urang sadayana salamet anu nonton salamet anu ditonton, salamet anu ngahibur salamet anu dihibur.
Kanca pamiarsa sadayana.
Wayang teh ngandung perlambang, gambaran hirup manusa nu kumelendang tandang nyandang kahayang. Rumingkang dina pagelaran sandewara kahirupan dunya. Wayang teh sastra budaya baheula, mangrupa boneka nu diropea, mapande wujud manusa. Caritana, direka nyutat gelar kahirupan insan, direka pujangga waskita ngagelar carita nu ngandung siloka lan sasmita. Dianggit ku silib sindir, sipupuruk ku suluk simbul anu linuhung. Malar ngahudang rasa rumasa manusa, ngageuing ati anu lali ka purwaning dumadi. Sasieureun sabeunyeureun bahan geusan pieunteungeun ngundang luang tina wayang. Pagelaran wayang, ti bihari ka kiwari, wayang minangka pagelaran anu adiluhung. Tongtonan nu ngajadikeun tungtunan, sempal guyon disarengan gogonjakan. Ki dalang dina wengi ieu, baris minton dina lalakon anu parantos diluyukeun jeung kaayaan jaman kiwari. Anu judul carios atanapi lalakon nyaeta ........ (carita anu dicutat tina seri mahabharata yasana resi wiyasa ti nagri India. Carita anu ngagambarkeun laku lampahna manusa wireh manusa kakeunaan ku sifat salah tur bener. Kumaha gemblengna leunjeuran ieu carita mangga urang sami-sami sakseni ti kawit dugi ka wekasannana. Wilujeng nonton ka sadayana. Wassalamu’alaikum wr wb.