Tugas Maluruh Novel tur néangan amanat nu aya dina novel

Mata Kuliah : Filsafat Ilmu

Dosen Pengampu : Prof. Dr. H. Asep Syamsul Bachri
Ditulis Ku : Yanti Tianawati
NIM : 2105141
================================================================

Idéntitas Buku

Judul Buku : Jangji Asih

Pangarang : Aam Amilia
Pamedal : PT. Dunia Pustaka Jaya
Taun Medal : Citakan ka-1, Juni 2017
Édisi buku-é, 2018
ISBN : 978-979-8003-99-4
ISBN : 978-979-419-768-4 (PDF)

Unsur Intrinsik

Ieu novel téh nyaritakeun hiji wanoja anu kacida bageurna tur halimpu dina
ngahaleuangna. Éta wanoja téh ngaranna Asih Setiasih. Asih téh hirup tiluan jeung indung,
uwa, katut babaturana. Kabéh lanceukna anu lalaki hungkul, geus pada kurenan, jauh jeung
kolot. Tilu lanceuk Asih téh kawilang karasép nurun ti Emana, sedengkeun Asih nurun ka
bapana anu rada goréng. Ayeuna téh Asih murid kelas 3 SMA, hususna di sakola kasenian.
Asih asup sakola kasenian, ku sabab Asih pinter ngawih jeung halimpu sorana.

Kacaritakeun dina ieu novel, di sakola Asih rék diayakeun pagelaran drama sora
Sangkuriang pikeun ngareuah-reuah ulang taun sakola, nu bakal disakséni ku tokoh-tokoh sa-
Indonesia. Tuluy Asih diajakan maén jadi dubbing atawa nu ngeusi sora nalika ngawih. Ari
anu jadi Dayang Sumbina nya éta Lasmini, wanoja geulis nu dipikaresep ku balaréa.
Sedengkeun nu jadi Sangkuriangna Tresna, jajaka kasép kameumeut Asih.

Sanggeus nampilkeun hasil latihan di hareupeun alumni SMA, Asih téh ngarasa bendu
jeung nyeri haté. Sabab manéhna asa dipohokeun jeung teu dituliskeun ngarana dina brosur.
Malahan Lasmini anu di dubbing sorana ku Asih, dipuji ku balaréa alatan sorana nu alus. Da
enya téa batur mah teu apaleun naon nu sabenerna. Saprakna kitu, Asih ngarasa bendu jeung
kanyenyerian haténa. Nepi ka Asih embung miluan deui dina éta pagelaran. Singget carita,
Asih diolo ku Pa Wira, Pa Sastra, jeung babaturan séjénna. Tapi manéhna angger teu kebek
nyarita jeung hayang miluan deui. Antukna Asih diolo ku Tresna, jajaka nu dipikaresepna.
Tresna balaka, lamun Asih teu miluan deui pagelaran manéna bakal béak dicarék jeung dipénta
tanggungjawab. Ngadangu kana omongan Tresna kitu, antukna Asih miluan deui éta pagelaran
sabab embung nempo Tresna dicarék jeung dipibendu ku balaréa.

Unsur Struktural

1. Palaku Utama
a. Asih Setiasih : Ngabogaan watek bageur, sorana halimpu tukang ngawih. Tapi
manéhna sok minderan tur ngarasa teu percaya diri, sabab ngarasa manéhna siga kedok,
pedo.
b. Trésna : Hiji jajaka kasép, siga Arjuna, awakna bangbang siga Gatotgaca,
bageur ka balaréa tur tara ngabéda-bédakeun jalma kaasup ka Asih. Ieu jajaka téh, jajaka
anu dipikaresep ku Asih.
c. Lasmini : Wanoja geulis di sakola, bageur, ngabogaan sora cempréng. Ieu wanoja
nu sok deukeut baé jeung Tresna téh, nepi ka Asih sok ngarasa timburu ka Lasmini.

Palaku disabudeureun Asih

a. Ema : Ngabogaan watek bageur, nyaaheun pisan ka Asih jeung budakna nu
lian.
b. Apa : Ngabogaan watek bageur, nyaaheun pisan ka Asih jeung budakna nu
lian.
c. Kang Baban : Ngabogaan watek bageur, nyaaheun pisan ka Asih jeung dulur-dulur
séjénna.
d. Kang Dadan : Ngabogaan watek bageur, nyaaheun pisan ka Asih jeung dulur-dulur
séjénna.
e. Kang Gangan : Ngabogaan watek bageur, nyaaheun pisan ka Asih jeung dulur-dulur
séjénna.
f. Uwa : Ngabogaan watek bageur.
g. Ené Garut : Bageur, nyaaheun pisan ka Asih jeung incu-incu séjénna.
h. Ené Sumedang : Bageur, nyaaheun pisan ka Asih jeung incu-incu séjénna.

Palaku Tambahan
 a. Pa Wira : Guru konseling, guru pelajaran Budi pekerti, bageur, tapi saking ku
hati-hatina sakapeung mah omonganasok matak ngaraheutkeun batur.
b. Pa Setia : Guru karawitan, ngabogaan watek bageur, sakapeung sok rada égois.
c. Pa Odang : Guru basa Sunda, ngabogaan watek bageur.
d. Ibu Odang : Ngabogaan watek bageur, pamajikana Pa Odang.
e. Pa Adé : Ngabogaan watek bageur.
f. Pa Diréktur : Égois, mentingkeun kapentingan sorangan, ngomongna cuplas ceplos
matak nganyeri hatékeun batur.
g. Resmini : Ngabogaan watek bageur, sobat karibna Asih.
h. Hadi : Ngabogaan watek bageur, sobat karibna Asih.
i. Kinan : Ngabogaan watek bageur, tukang ngagosip.
j. Sadiah : Ngabogaan watek bageur, tukang ngagosip.
k. Indra : Ngabogaan watek bageur.
l. Yaya : Ngabogaan watek bageur, jajaka nu sok ngécé Lasmini.
m. Sulastri : Ngabogaan watek bageur.
n. Rahayu : Ngabogaan watek bageur.
o. Kania : Ngabogaan watek bageur.
p. Mojang Geulis séjénna : Ngabogaan watek bageur.
q. Sakri : Ngabogaan watek bageur.
r. Dadang : Ngabogaan watek bageur.
s. Pa Sastra : Ngabogaan watek bageur, tapi sakapeung sok égois hayang ngeunah
sorangan.
2. Téma
Téma anu kapanggih dina novel “Jangji Asih” di antarana waé:
a. Téma sosial : Per pihak sakola jeung murid
b. Téma moral : Kasabaran jeung ngahargaan papada jalma
c. Téma jasmaniah : Percintaan
d. Téma égoik : Kasarakahan dina nampilkeun pagelaran Dayang Sumbi, nepi ka
ngaran Asih teu dituliskeun dina brosur.
3. Galur
Galur dina novel “Jangji Asih”, ngabogaan galur maju. Sabab dina unggal caritaanna puguh
runtut rautna.
4. Latar atawa Setting
a. Tempat : - Di sakola kasenian
 Bukti Kalimah:
“Di gang teppung jeung babaturan nu rék arasup ka kelas.”
- Rohang gamelan
Bukti Kalimah:
“Kadéngé sora saron ditakolan, teu puguh kadéngéna.”
- Rohang guru
Bukti Kalimah:
“Asup rohang guru, kasampak Pa Wira keur mayunan buku satumpuk”
- Handapeun Bougenville
Bukti Kalimah:
“Handapeun bougenville, anu beuki lila daunna beuki gomplok”
- Di imah
Bukti Kalimah:
“... nyorangan di imah”
- Tepas
Bukti Kalimah:
“Kuring unggeuk bari terus ka tepas.”
- Enggon
Bukti Kalimah:
“Geus bérés mah terus waé ka enggon...”
“tepi ka awak ngedeng di enggon”
- Jakarta
Bukti Kalimah:
“Nu saurang di Jakarta”
- Lampung
Bukti Kalimah:
“nu saurang di Lampung”
- Australia
Bukti Kalimah:
“nu saurang mah komo jadi dokter héwan di Australia.”
- Imah Pa Sastra
Bukti Kalimah:
“Aya pengumuman, cenah urang latihan téh kudu unggal dua peuting sakali,
di bumina Pa Sastra.”
 “Di bumi Pa Sastra.”
- Di warung
Bukti Kalimah:
“Basa tepi ka warung, reuwas alah batan naon nénjo Tresna geus aya
tukangeun.”
- Rohang kacapi
Bukti Kalimah:
“Ari kuring da asa gugup, terus wé méngkol ka rohang kacapi ...”
- Wisma Rumaja
Bukti Kalimah:
“... general repetisi téh bet di Wisma Rumaja”
b. Waktu : - Beurang
Bukti Kalimah:
“najan ti beurang sasarina kuring tara saré, ayeuna mah dipaksakeun waé
saré ...”
- Peuting
Bukti Kalimah:
“Rék saré gé hésé peureum.”
“Engké wengi, Ma.”
“Poék beuki nyérélék, latihan beuki dihangkeutkeun.”
“Basa peuting pamungkas mah kuring ngan dianteurkeun ku Sakri wungkul,
...”
“Kakara dina peutingan maén kahiji anu mangrupa general repetisi kuring
meunang kaluar téh.”
“Basa kuring geus diluar, hawa peuting karasa tiis.”
- Sonten
Bukti Kalimah:
“... tepi ka teu karasa poé geus ngagayuh ka asar.”
“Teuing ku naon tas salat asar téh, haté bet ngarasa tingtrim.”
c. Suasana : - Nalangsa, sedih (nyeri haté)
Bukti Kalimah:
“Ngan nyeri waé haté téh teuing ku naon.”
“Sirah unggeuk, najan haté ceurik.”
“Pondok pisan Pa Wira ngawaler, tapi haté kuring ujug-ujug nyérédét.”
 “Rasa nyeri lantaran ukur ngeusi sora téh kasilih ku rasa nyeri henteu bisa
dipicinta ku Tresna, pamohalan.”
“Kuring leumpang ngadudud, teuing ku naon bet asa nyeri haté kabina-bina
teuing.”
“Komo nu jadi indung, dalah sorangan gé asa cangcaya yén haté téh teu
nyeri.”
“... kuring saenyana ngarasa sedih”
“Kuring neken sagala kanyeri haté ukur hayang tepung jeung anjeun unggal
poé.”
“Kuring nyeri.”
- Pikasebeleun
Bukti Kalimah:
“... ku loba teuing omong Pa Wirana, padahal mah matak naon pok waé
kana maksud saenyana ...”
- Bungah
Bukti Kalimah:
“Teu wudu latihan té loba pikaseurieunana ...”
“Lamini ukur imut diheureuyan kitu téh.”
“Kakara ditanya mani sakieu bayeungyangna awak, komo lamun éa
leungeun ngeukeup kana awak, tada teuing.”
“Atoh, dipuji ku Tresna ...”
“Sok ngarasa atoh nénjo Tresna ngadeukeutan lamun tutas latihan.”
“Haté bungah lantaran pagelaran teu nguciwakeun.”
- Teu percaya diri (minder)
“Katénjo waé aya kalangkang nu goréng sopak mun kuring ngeunteung téh.”
“... kuring lungguh sotéh gedé kaéra, rendah diri, ngarumasakeun beungeut
siga kedok bakal.”
“Bet mimiti diri téh asa leutik deui, parohoeun kitu ka kuring?”
- Degdegan
Bukti Kalimah:
“Sirah ngabalieur, tapi bari unggeuk. Éra mun ngobrol padeuleu beungeut
téh teu wasa.”
“Anéh bet kuring nu nyérédétna, nu degdeganana.”
“Keteg jantung mani kerep.”
 - Sieun
Bukti Kalimah:
“Tapi da sieun atuh, sakieu peuting ngeweng-ngeweng ...”
5. Puseur Sawangan
Puseur sawangan nu digunakeun ku pangarang dina novel “Jangji Asih” nya éta, puseur
sawangan jalma kahiji. Dina ieu novel, pangarang ngagunakeun puseur sawangan jalma
kahiji, ku sabab pamaca bisa ngarasakeun émosi katut jalan carita nu dijieun tur
digambarkeun ku pangarang dina novel “Jangji Asih”.
6. Gaya Basa
7. Amanat
Amanat nu nyangkaruk dina ieu novel nya éta, urang salaku jalma kudu miboga rasa silih
ngahargaan. Boh éta ka jalma anu geulis atawa henteu, beunghar atawa basajan, pajabat,
guru, atawa murid, kudu sarua pada-pada sili ngahargaan. Da geuning silih ngahormat jeung
ngajén ka papada jalma téh kawilang pentingna, sabab urang pasti bakal mikabutuh ka batur.
Lian ti éta ieu novel ogé, ngajarkeun urang pikeun mikanyaah jeung ngajén ka diri sorangan.
Hal ieu ka gambar pisan dina diri Asih, nu sakapeung sok ngarasa rendah diri ku sabab
ngarasa henteu geulis.