Trisuparna Suktam

ತ್ರಿಸುಪರ್ಣಸೂಕ್ತಂ

Document Information

Text title : trisuparNasUktam

File name : trisuparNasUktam.itx

Category : veda, sUkta, svara

Location : doc_veda

Description/comments : This sUkta consists of three Mantras from mahAnArAyaNopaniShad or

yAjnikyupaniShat , taittirIyasaMhitA

Latest update : February 23, 2021

Send corrections to : sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

February 23, 2021

sanskritdocuments.org
 Trisuparna Suktam

ತ್ರಿಸುಪರ್ಣಸೂಕ್ತಂ

ಮಹಾನಾರಾಯಣೋಪನಿಷದಾಂತರ್ಗತಂ
ಶಾಂತಿಪಾಠಃ .
ಹ॒ರಿಃ॒ ಓಂ .. ಶಂ ನೋ॑ ಮಿ॒ತ್ರಃ ಶಂ ವರು॑ಣಃ . ಶಂ ನೋ॑ ಭವತ್ಯರ್ಯ॒ಮಾ .
ಶಂ ನ॒ ಇಂದ್ರೋ॒ ಬೃ॒ಹ॒ಸ್ಪತಿಃ॑ . ಶಂ ನೋ॒ ವಿಷ್ಣು॑ರುರುಕ್ರ॒ಮಃ ..
ನಮೋ॒ ಬ್ರಹ್ಮ॑ಣೇ . ನಮ॑ಸ್ತೇ ವಾಯೋ . ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ .
ತ್ವಾಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮ॑ ವದಿಷ್ಯಾಮಿ . ಋ॒ತಂ ವ॑ದಿಷ್ಯಾಮಿ .
ಸ॒ತ್ಯಂ ವ॑ದಿಷ್ಯಾಮಿ . ತನ್ಮಾಮ॑ವತು . ತದ್ವ॒ಕ್ತಾರ॑ಮವತು .
ಅವ॑ತು॒ ಮಾಂ . ಅವ॑ತು॒ ವ॒ಕ್ತಾರಂ᳚ ..
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ..
ಓಂ ಸ॒ಹ ನಾ॑ವವತು . ಸ॒ಹ ನೌ॑ ಭುನಕ್ತು . ಸ॒ಹ ವೀ॒ರ್ಯಂ॑ ಕರವಾವಹೈ .
ತೇ॒ಜ॒ಸ್ವಿ ನಾ॒ವಧೀ॑ತಮಸ್ತು॒ . ಮಾ ವಿ॑ದ್ವಿಷಾ॒ವಹೈ᳚ .
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ..
ತ್ರಿಸುಪರ್ಣಮಂತ್ರಃ 1
(ಮಹಾನಾರಾಯಣೋಪನಿಷದೇ ಅಷ್ಟತ್ರಿಂಶೋಽನುವಾಕಃ .)
ಬ್ರಹ್ಮ॑ಮೇತು॒ ಮಾಂ . ಮಧು॑ಮೇತು॒ ಮಾಂ . ಬ್ರಹ್ಮ॑ಮೇ॒ವ ಮಧು॑ಮೇತು॒ ಮಾಂ .
ಯಾಸ್ತೇ ಸೋ॑ಮ ಪ್ರ॒ಜಾ ವ॒ತ್ಸೋಽಭಿ॒ ಸೋ ಅ॒ಹಂ . ದುಃಷ್ವಪ್ನ॒ಹನ್ ದು॑ರುಷ್ಷಹ .
ಯಾಸ್ತೇ॑ ಸೋಮ ಪ್ರಾ॒ಣಾꣳಸ್ತಾಂಜು॑ಹೋಮಿ .. 1..
ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ . ಬ್ರ॒ಹ್ಮ॒ಹ॒ತ್ಯಾಂ ವಾ ಏ॒ತೇ ಘ್ನಂ॑ತಿ
.
ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ . ತೇ ಸೋಮಂ॒ ಪ್ರಾಪ್ನು॑ವಂತಿ . ಆ॒
ಸ॒ಹ॒ಸ್ರಾತ್ ಪಂ॒ಕ್ತಿಂ ಪುನಂ॑ತಿ . ಓಂ .. 2..
ತ್ರಿಸುಪರ್ಣಮಂತ್ರಃ 2
(ಮಹಾನಾರಾಯಣೋಪನಿಷದ್ ಏಕೋನಚತ್ವಾರಿಂಶೋಽನುವಾಕಃ .)
ಬ್ರಹ್ಮ॑ ಮೇ॒ಧಯಾ᳚ . ಮಧು॑ ಮೇ॒ಧಯಾ᳚ . ಬ್ರಹ್ಮ॑ಮೇ॒ವ ಮಧು॑ ಮೇ॒ಧಯಾ᳚ .. 1..
ಅ॒ದ್ಯಾನೋ॑ ದೇವ ಸವಿತಃ ಪ್ರ॒ಜಾವ॑ತ್ಸಾವೀಃ॒ ಸೌಭ॑ಗಂ .
ಪರಾ᳚ ದುಃಷ್ವಪ್ನಿ॑ಯꣳ ಸುವ .. 2..

1
 ತ್ರಿಸುಪರ್ಣಸೂಕ್ತಂ

ವಿಶ್ವಾ॑ನಿ ದೇವ ಸವಿತರ್ದುರಿ॒ತಾನಿ॒ ಪರಾ॑ಸುವ . ಯದ್ಭ॒ದ್ರಂ ತನ್ಮ॒ ಆಸು॑ವ .. 3..

ಮಧು॒ವಾತಾ॑ ಋತಾಯ॒ತೇ ಮಧು॒ಕ್ಷರಂತಿ ಸಿಂಧ॑ವಃ . ಮಾಧ್ವೀ᳚ರ್ನಃ ಸಂ॒ತ್ವೋಷ॑ಧೀಃ
.. 4..
ಮಧು॒ ನಕ್ತ॑ಮು॒ತೋಷಸಿ॒ ಮಧು॑ಮ॒ತ್ಪಾರ್ಥಿ॑ವꣳ ರಜಃ॑ . ಮಧು॒ದ್ಯೌರ॑ಸ್ತು ನಃ ಪಿ॒ತಾ ..
5..
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾꣳ ಅಸ್ತು॒ ಸೂರ್ಯಃ॑ . ಮಾಧ್ವೀ॒ರ್ಗಾವೋ॑
ಭವಂತು ನಃ .. 6..
ಯ ಇ॒ಮಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ .
ಭ್ರೂಣ॒ಹ॒ತ್ಯಾಂ ವಾ ಏ॒ತೇ ಘ್ನಂ॑ತಿ .
ಯೇ ಬ್ರಾ᳚ಹ್ಮಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ . ತೇ ಸೋಮಂ॒ ಪ್ರಾಪ್ನು॑ವಂತಿ .
ಆ॒ಸ॒ಹ॒ಸ್ರಾ॒ತ್ಪಂ॒ಕ್ತಿಂ ಪುನಂ॑ತಿ . ಓಂ .. 7..
ತ್ರಿಸುಪರ್ಣಮಂತ್ರಃ 3
(ಮಹಾನಾರಾಯಣೋಪನಿಷದೇ ಚತ್ವಾರಿಂಶೋಽನುವಾಕಃ .)
ಬ್ರಹ್ಮ॑ ಮೇ॒ಧವಾ᳚ . ಮಧು॑ ಮೇ॒ಧವಾ᳚ . ಬ್ರಹ್ಮ॑ಮೇ॒ವ ಮಧು॑ ಮೇ॒ಧವಾ᳚ .. 1..
ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾಂ᳚
.
ಶ್ಯೇ॒ನೋ ಗೃದ್ಧ್ರಾ॑ಣಾꣳ ಸ್ವಧಿ॑ತಿ॒ರ್ವನಾ᳚ನಾꣳ
॒ ಸೋಮಃ॑ ಪ॒ವಿತ್ರ॒ಮತ್ಯೇ॑ತಿ॒ ರೇಭನ್॑ .. 2..
ಹ॒ꣳಸಃ ಶು॑ಚಿ॒ಷದ್ವಸು॑ರಂತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ .
ನೃ॒ಷದ್ವ॑ರ॒ಸದೃ॑ತಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ ..
3..
ಋ॒ಚೇ ತ್ವಾ॑ ಋ॒ಚೇ ತ್ವಾ॒ ಸಮಿತ್ಸ್ರ॑ವಂತಿ ಸ॒ರಿತೋ॒ ನ ಧೇನಾಃ᳚ .
ಅಂ॒ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ . ಘೃ॒ತಸ್ಯ॒ ಧಾರಾ॑ ಅ॒ಭಿಚಾ॑ಕಶೀಮಿ .. 4..
ಹಿ॒ರ॒ಣ್ಯಯೋ॑ ವೇತ॒ಸೋ ಮಧ್ಯ॑ ಆಸಾಂ . ತಸ್ಮಿಂ᳚ತ್ಸುಪ॒ರ್ಣೋ ಮ॑ಧು॒ಕೃತ್
ಕು॑ಲಾ॒ಯೀ ಭಜ॑ನ್ನಾಸ್ತೇ॒
ಮಧು॑ ದೇ॒ವತಾ᳚ಭ್ಯಃ . ತಸ್ಯಾ॑ಸತೇ॒ ಹ॑ರಯಃ ಸ॒ಪ್ತ ತೀರೇ ಸ್ವ॒ಧಾಂ
ದುಹಾ॑ನಾ ಅ॒ಮೃತ॑ಸ್ಯ॒ ಧಾರಾಂ᳚ .. 5..
ಯ ಇ॒ದಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ .
ವೀ॒ರ॒ಹ॒ತ್ಯಾಂ ವಾ ಏ॒ತೇ ಘ್ನಂತಿ .
ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ . ತೇ ಸೋಮಂ॒ ಪ್ರಾಪ್ನು॑ವಂತಿ .
ಆ॒ಸ॒ಹಸ್ರಾತ್ ಪಂ॒ಕ್ತಿಂ ಪುನಂ॑ತಿ . ಓಂ .. 6..
ಓಂ ಶಂ ನೋ॑ ಮಿ॒ತ್ರಃ ಶಂ ವರು॑ಣಃ . ಶಂ ನೋ॑ ಭವತ್ಯರ್ಯ॒ಮಾ . ಶಂ
ನ॒ ಇಂದ್ರೋ॒ ಬೃಹ॒ಸ್ಪತಿಃ॑ . ಶಂ ನೋ॒ ವಿಷ್ಣು॑ರುರುಕ್ರ॒ಮಃ .

2 sanskritdocuments.org
 ತ್ರಿಸುಪರ್ಣಸೂಕ್ತಂ

ನಮೋ॒ ಬ್ರಹ್ಮ॑ಣೇ . ನಮ॑ಸ್ತೇ ವಾಯೋ . ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ .

ತ್ವಾಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾವಾ॑ದಿಷಂ . ಋ॒ತಮ॑ವಾದಿಷಂ .
ಸ॒ತ್ಯಮ॑ವಾದಿಷಂ . ತನ್ಮಾಮಾ॑ವೀತ್ . ತದ್ವ॒ಕ್ತಾರ॑ಮಾವೀತ್ . ಆವೀ॒ನ್ಮಾಂ .
ಆವೀ॑ದ್ವ॒ಕ್ತಾರಂ᳚ ..
ಓಂ ಸ॒ಹ ನಾ॑ವವತು . ಸ॒ಹ ನೌ॑ ಭುನಕ್ತು . ಸ॒ಹ ವೀ॒ರ್ಯಂ॑ ಕರವಾವಹೈ .
ತೇ॒ಜ॒ಸ್ವಿ ನಾ॒ವಧೀತಮಸ್ತು॒ . ಮಾ ವಿ॑ದ್ವಿಷಾ॒ವಹೈ᳚ ..
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ..

trisuparNasUktam.pdf 3
 Trisuparna Suktam

ತ್ರಿಸುಪರ್ಣಸೂಕ್ತಂ

ತ್ರಿಸುಪರ್ಣ ಮಂತ್ರಾಃ

ಶಾಂತಿಪಾಠಃ .
ಹರಿಃ ಓಂ .. ಶಂ ನೋ ಮಿತ್ರಃ ಶಂ ವರುಣಃ . ಶಂ ನೋ ಭವತ್ಯರ್ಯಮಾ .
ಶಂ ನ ಇಂದ್ರೋ ಬೃಹಸ್ಪತಿಃ . ಶಂ ನೋ ವಿಷ್ಣುರುರುಕ್ರಮಃ ..
ನಮೋ ಬ್ರಹ್ಮಣೇ . ನಮಸ್ತೇ ವಾಯೋ . ತ್ವಮೇವ ಪ್ರತ್ಯಕ್ಷಂ ಬ್ರಹ್ಮಾಸಿ .
ತ್ವಾಮೇವ ಪ್ರತ್ಯಕ್ಷಂ ಬ್ರಹ್ಮ ವದಿಷ್ಯಾಮಿ . ಋತಂ ವದಿಷ್ಯಾಮಿ .
ಸತ್ಯಂ ವದಿಷ್ಯಾಮಿ . ತನ್ಮಾಮವತು . ತದ್ವಕ್ತಾರಮವತು .
ಅವತು ಮಾಂ . ಅವತು ವಕ್ತಾರಂ ..
ಓಂ ಶಾಂತಿಃ ಶಾಂತಿಃ ಶಾಂತಿಃ ..
ಓಂ ಸಹ ನಾವವತು . ಸಹ ನೌ ಭುನಕ್ತು . ಸಹ ವೀರ್ಯಂ ಕರವಾವಹೈ .
ತೇಜಸ್ವಿ ನಾವಧೀತಮಸ್ತು . ಮಾ ವಿದ್ವಿಷಾವಹೈ .
ಓಂ ಶಾಂತಿಃ ಶಾಂತಿಃ ಶಾಂತಿಃ ..
ತ್ರಿಸುಪರ್ಣಮಂತ್ರಃ 1
(ಮಹಾನಾರಾಯಣೋಪನಿಷದೇ ಅಷ್ಟತ್ರಿಂಶೋಽನುವಾಕಃ .)
ಬ್ರಹ್ಮಮೇತು ಮಾಂ . ಮಧುಮೇತು ಮಾಂ . ಬ್ರಹ್ಮಮೇವ ಮಧುಮೇತು ಮಾಂ .
ಯಾಸ್ತೇ ಸೋಮ ಪ್ರಜಾ ವತ್ಸೋಽಭಿ ಸೋ ಅಹಂ . ದುಃಷ್ವಪ್ನಹನ್ ದುರುಷ್ಷಹ .
ಯಾಸ್ತೇ ಸೋಮ ಪ್ರಾಣಾꣳಸ್ತಾಂಜುಹೋಮಿ .. 1..
ತ್ರಿಸುಪರ್ಣಮಯಾಚಿತಂ ಬ್ರಾಹ್ಮಣಾಯ ದದ್ಯಾತ್ . ಬ್ರಹ್ಮಹತ್ಯಾಂ ವಾ ಏತೇ ಘ್ನಂತಿ
.
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣಂ ಪಠಂತಿ . ತೇ ಸೋಮಂ ಪ್ರಾಪ್ನುವಂತಿ . ಆ
ಸಹಸ್ರಾತ್ ಪಂಕ್ತಿಂ ಪುನಂತಿ . ಓಂ .. 2..
ತ್ರಿಸುಪರ್ಣಮಂತ್ರಃ 2
(ಮಹಾನಾರಾಯಣೋಪನಿಷದ್ ಏಕೋನಚತ್ವಾರಿಂಶೋಽನುವಾಕಃ .)
ಬ್ರಹ್ಮ ಮೇಧಯಾ . ಮಧು ಮೇಧಯಾ . ಬ್ರಹ್ಮಮೇವ ಮಧು ಮೇಧಯಾ .. 1..
ಅದ್ಯಾನೋ ದೇವ ಸವಿತಃ ಪ್ರಜಾವತ್ಸಾವೀಃ ಸೌಭಗಂ .
ಪರಾ ದುಃಷ್ವಪ್ನಿಯꣳ ಸುವ .. 2..

4
 ತ್ರಿಸುಪರ್ಣಸೂಕ್ತಂ

ವಿಶ್ವಾನಿ ದೇವ ಸವಿತರ್ದುರಿತಾನಿ ಪರಾಸುವ . ಯದ್ಭದ್ರಂ ತನ್ಮ ಆಸುವ .. 3..

ಮಧುವಾತಾ ಋತಾಯತೇ ಮಧುಕ್ಷರಂತಿ ಸಿಂಧವಃ . ಮಾಧ್ವೀರ್ನಃ ಸಂತ್ವೋಷಧೀಃ
.. 4..
ಮಧು ನಕ್ತಮುತೋಷಸಿ ಮಧುಮತ್ಪಾರ್ಥಿವꣳ ರಜಃ . ಮಧುದ್ಯೌರಸ್ತು ನಃ ಪಿತಾ ..
5..
ಮಧುಮಾನ್ನೋ ವನಸ್ಪತಿರ್ಮಧುಮಾꣳ ಅಸ್ತು ಸೂರ್ಯಃ . ಮಾಧ್ವೀರ್ಗಾವೋ
ಭವಂತು ನಃ .. 6..
ಯ ಇಮಂ ತ್ರಿಸುಪರ್ಣಮಯಾಚಿತಂ ಬ್ರಾಹ್ಮಣಾಯ ದದ್ಯಾತ್ .
ಭ್ರೂಣಹತ್ಯಾಂ ವಾ ಏತೇ ಘ್ನಂತಿ .
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣಂ ಪಠಂತಿ . ತೇ ಸೋಮಂ ಪ್ರಾಪ್ನುವಂತಿ .
ಆಸಹಸ್ರಾತ್ಪಂಕ್ತಿಂ ಪುನಂತಿ . ಓಂ .. 7..
ತ್ರಿಸುಪರ್ಣಮಂತ್ರಃ 3
(ಮಹಾನಾರಾಯಣೋಪನಿಷದೇ ಚತ್ವಾರಿಂಶೋಽನುವಾಕಃ .)
ಬ್ರಹ್ಮ ಮೇಧವಾ . ಮಧು ಮೇಧವಾ . ಬ್ರಹ್ಮಮೇವ ಮಧು ಮೇಧವಾ .. 1..
ಬ್ರಹ್ಮಾ ದೇವಾನಾಂ ಪದವೀಃ ಕವೀನಾಮೃಷಿರ್ವಿಪ್ರಾಣಾಂ ಮಹಿಷೋ ಮೃಗಾಣಾಂ
.
ಶ್ಯೇನೋ ಗೃದ್ಧ್ರಾಣಾꣳ ಸ್ವಧಿತಿರ್ವನಾನಾꣳ ಸೋಮಃ ಪವಿತ್ರಮತ್ಯೇತಿ ರೇಭನ್ .. 2..
ಹꣳಸಃ ಶುಚಿಷದ್ವಸುರಂತರಿಕ್ಷಸದ್ಧೋತಾ ವೇದಿಷದತಿಥಿರ್ದುರೋಣಸತ್ .
ನೃಷದ್ವರಸದೃತಸದ್ವ್ಯೋಮಸದಬ್ಜಾ ಗೋಜಾ ಋತಜಾ ಅದ್ರಿಜಾ ಋತಂ ಬೃಹತ್ ..
3..
ಋಚೇ ತ್ವಾ ಋಚೇ ತ್ವಾ ಸಮಿತ್ಸ್ರವಂತಿ ಸರಿತೋ ನ ಧೇನಾಃ .
ಅಂತರ್ಹೃದಾ ಮನಸಾ ಪೂಯಮಾನಾಃ . ಘೃತಸ್ಯ ಧಾರಾ ಅಭಿಚಾಕಶೀಮಿ .. 4..
ಹಿರಣ್ಯಯೋ ವೇತಸೋ ಮಧ್ಯ ಆಸಾಂ . ತಸ್ಮಿಂತ್ಸುಪರ್ಣೋ ಮಧುಕೃತ್
ಕುಲಾಯೀ ಭಜನ್ನಾಸ್ತೇ
ಮಧು ದೇವತಾಭ್ಯಃ . ತಸ್ಯಾಸತೇ ಹರಯಃ ಸಪ್ತ ತೀರೇ ಸ್ವಧಾಂ
ದುಹಾನಾ ಅಮೃತಸ್ಯ ಧಾರಾಂ .. 5..
ಯ ಇದಂ ತ್ರಿಸುಪರ್ಣಮಯಾಚಿತಂ ಬ್ರಾಹ್ಮಣಾಯ ದದ್ಯಾತ್ .
ವೀರಹತ್ಯಾಂ ವಾ ಏತೇ ಘ್ನಂತಿ .
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣಂ ಪಠಂತಿ . ತೇ ಸೋಮಂ ಪ್ರಾಪ್ನುವಂತಿ .
ಆಸಹಸ್ರಾತ್ ಪಂಕ್ತಿಂ ಪುನಂತಿ . ಓಂ .. 6..
ಓಂ ಶಂ ನೋ ಮಿತ್ರಃ ಶಂ ವರುಣಃ . ಶಂ ನೋ ಭವತ್ಯರ್ಯಮಾ . ಶಂ
ನ ಇಂದ್ರೋ ಬೃಹಸ್ಪತಿಃ . ಶಂ ನೋ ವಿಷ್ಣುರುರುಕ್ರಮಃ .

trisuparNasUktam.pdf 5
 ತ್ರಿಸುಪರ್ಣಸೂಕ್ತಂ

ನಮೋ ಬ್ರಹ್ಮಣೇ . ನಮಸ್ತೇ ವಾಯೋ . ತ್ವಮೇವ ಪ್ರತ್ಯಕ್ಷಂ ಬ್ರಹ್ಮಾಸಿ .

ತ್ವಾಮೇವ ಪ್ರತ್ಯಕ್ಷಂ ಬ್ರಹ್ಮಾವಾದಿಷಂ . ಋತಮವಾದಿಷಂ .
ಸತ್ಯಮವಾದಿಷಂ . ತನ್ಮಾಮಾವೀತ್ . ತದ್ವಕ್ತಾರಮಾವೀತ್ . ಆವೀನ್ಮಾಂ .
ಆವೀದ್ವಕ್ತಾರಂ ..
ಓಂ ಸಹ ನಾವವತು . ಸಹ ನೌ ಭುನಕ್ತು . ಸಹ ವೀರ್ಯಂ ಕರವಾವಹೈ .
ತೇಜಸ್ವಿ ನಾವಧೀತಮಸ್ತು . ಮಾ ವಿದ್ವಿಷಾವಹೈ ..
ಓಂ ಶಾಂತಿಃ ಶಾಂತಿಃ ಶಾಂತಿಃ ..

Trisuparna Suktam
pdf was typeset on February 23, 2021

Please send corrections to sanskrit@cheerful.com

6 sanskritdocuments.org