Professional Documents
Culture Documents
SHS Grad Script 2018
SHS Grad Script 2018
Abril 6, 2018
MC: Mangyari pong humanda na ang lahat, sa loob lamang po ng ilang sandali ay magsisimula na ang ating
palatuntunan.
Panimula:
MC: Isang kaaya-aya at pinagpalang araw po sa inyong lahat at MABUHAY!
Sa araw pong ito ay ating masasaksihan ang taunang pagtatapos sa ating mahal na paaralang Tanay
East National High School, taong panuruan dalawang libo’t labing pito – dalawang libo’t labing walo, na
may paksang “Mag-aaral ng K to 12: Handa sa Hamon ng Buhay”.
I. UNANG BAHAGI
PROSESYUNAL
MC: Sisimulan po natin ang palatuntunan sa pagpasok ng mga magsisipagtapos, mga magulang, mga guro,
punong guro at mga panauhin.
PAG-AWIT AT PANALANGIN
MC: Manatili po tayong nakatayo at sabay-sabay po nating awitin nang may buong pagmamalaki ang
Pambansang Awit ng Pilipinas, sa pagkumpas ni G. Nestor L. Sto. Tomas, guro sa EIM, na susundan
ng panalangin ni Gng. Rensel J. San Juan, guro sa Filipino, at pag-awit ng Calabarzon March, Rizal
Mabuhay, at Tanay Dakila Ka sa pagkumpas muli ni G. Nestor L. Sto. Tomas.
MUSIC: Lupang Hinirang
(Hihinto muna para sa panalangin)
CALABARZON March
Rizal Mabuhay
Tanay Dakila Ka
(Pag-awit at Panalangin)
MC: Maraming salamat po G. Sto. Tomas at Gng. San Juan.
Maaari na pong magsiupo ang lahat.
BATING PAGTANGGAP
MC: Ngayon ay malugod pong inaanyayahan ang ating butihing punong-guro na si Dr. Teresita A. Cruz para
sa pambungad na pananalita.
(Message ni Dr.Cruz)
MC: Maraming salamat po Dr. Cruz sa inyong malaman at makabuluhang pananalita.
***
PAGGAGAWAD NG KATIBAYAN
MC: Ngayon ay dadako na po tayo sa pinakatampok na bahagi ng ating palatuntunan, ang pag-gagawad ng
katibayan ng pagtatapos. Ito po ay pangungunahan ng..
Pansangay na Tagapamanihala ng mga Paaralan, Dr. Marites A. Ibanez,
na kakatawanin ng ating Pampurok na Tagasubaybay, Gng. Rosemarie C. Blando,
Tagamasid Pampurok ng Tanay I-B, G. Ernesto B. Discutido, at
Punongguro ng Tanay East National High School, Dr. Teresita A. Cruz
kasama ang ating butihing punong bayan, Kgg. Rex. Manuel A. Tanjuatco.
(insert visitors)
Ang pagpapakilala sa mga magsisipagtapos sa ika-labing dalawang baitang ay gagampanan ng
kanilang gurong tagapayo na si Gng. Evangeline S. Cleofe.
MUSIC: Aida-Grand March
(Paggawad ng Katibayan ng Pagtatapos)
MUSIC: Hihinto ang tugtog kapag tapos na pag-gagawad ng sertipiko.
MC: Maraming salamat po.
***
PAG-GAWAD NG MEDALYA
MC: Ang karangalang natamo ay simbolo ng pagpupunyaging ipinamalas ng mga natatanging mag-aaral sa
iba’t ibang larangan at asignatura. At sa mahalagang araw na ito ng kanilang pagtatapos, nararapat
lamang na sila’y kilalanin at parangalan.
Inaanyayahan po sa entablado ang ating Punong Bayan, Kgg. Rex Manuel A. Tanjuatco, Punong Brgy.
Kgg. Ruel P. Estrella, Tagamasid Pampurok ng Tanay I-B, G. Ernesto B. Discutido, at ang ating
punong-guro, Dr. Teresita A. Cruz, (kasama ang *INSERT VISITORS*) para sa paggagawad ng
medalya.
Inaanyayahan din pong muli sa harapan si Gng. Evangeline S. Cleofe upang ipakilala ang mga batang
nagkamit ng karangalan.
MUSIC: Aida-Grand March
(Paggawad ng Medalya
MUSIC: Hihinto ang tugtog kapag tapos na pag-gagawad ng medalya.
MC: Maraming salamat po.
***
MENSAHE
MC: Sa pagkakataong ito, ikinararangal ko pong ipakilala sa inyo ang susunod na magbibigay ng pananalita
sa hapong ito.
Pasalubungan po natin ng masigabong palakpakan ang masipag at batang-batang punong bayan ng
Tanay, Kgg. Rex Manuel C. Tanjuatco.
(Mensahe ni Mayor)
MC: Maraming salamat po sa napakahalagang mensahe na ibinahagi ninyo sa
amin. Natitiyak po namin na ang inyong mga tinuran ay magsisilbing inspirasyon at gabay sa pagtahak
sa bagong landas ng pakikipagsapalaran tungo sa maunlad na kinabukasan.
***
AWIT NG PAGTATAPOS
MC: Ngayon po ay pakinggan natin ang pag-awit ng mga mag-aaral na nagsipagtapos sa Senior High
School.
MUSIC: The Journey
(Pag-awit ng awit ng pagtatapos)
III. Ikatlong Bahagi
RESESYUNAL
MC: Sa ngalan po ng pamunuan ng aming paaralan at mga guro, taos-pusong binabati naming ang mg
nagsipagtapos, ang kanilang mga magulang, mga gurong pumatnubay at lubos po kaming
nagpapasalamat sa lahat ng tumulong at mga panauhing nagsidalo at nakiisa sa pagtatapos na ito.
Tunghayan po natin ang paglabas ng mga kulay, panauhin, punong guro, mga guro, mga magulang at
mga nagsipagtapos.
MUSIC: Aida-Grand March
(Resesyunal)