Ni Daniel, Babaonen ti Dios

Daniel 7-12

“Iti casta dagiti presidentes ken pangpanguloen nagbirbiruc da iti puon ti darum a maibusor ken Daniel a
maipapan iti pagarian; ngem dida nacasarac iti puon ti darum wenno pamabasolan, agsipud ta isu
matalec idi, awan met ti aniaman a biddut wenno pagcurangan a nasarac kencuana.” –Daniel 6:4

Ni Daniel, ket saan laeng a panguloen dagiti presidentes iti naindaklan a pagarian ti lubong, no di ket
maysa met laeng a propeta ti Dios, a nakaawat iti lawag ti nailangitan a paltiing. Kadagiti lallaki nga
agayat iti Dios, ti naisurat a paltiing ket ibaga da nga isu ket awanan biddut. Dagiti pannakinaig na iti
trabaho ti pagarian, idinto a sukimaten a nairut dagiti kabusor na, ket awan ti nasarac da nga biddut
wenno pamabasolan da kenkuana. Kadagiti addaan trabaho ket isu ti mabalin a pagtuladan inton ti puso
ket naiconsagrar wenno nakombirtir, inton ti motibo ket nakasentro iti imatang ti Dios...

Ti saan nga agmaliw a kinamatalec iti Dios, nga idian ti kinaimbubukodan, idinto nga ubing pay laeng ni
Daniel, ket addaanen iti kinatakneng ken saan a maartapan nga dignidad, a naala na ti “pabor ken ayat”
dagiti pagano nga opisyales iti babaen na… Napartak ti pannakaipangato ti ranko na a kas maysa kadagiti
nangato ti saad na iti pagarian ti Babilonia. Bayat ti panagtakem ti agsasaruno nga ar-ari, ti pannakarba
dagiti nasyon, ken ti pannakaisaad ti sabali nga pagarian. Kasta ti sirib ken panangipangulo na, awan
pagkurangan na a ti kinaalibtak na, ti kinalailo na, ti kinaimbag ti nadalus a puso na, ti panagtakder na iti
prinsipyo, nga uray no dagiti kabusor ket “awan ti masarakan da nga pammabasolan wenno biddut
kenkuana; gapu iti awan pagkurangan na a kinamatalek na.”

Dagiti lallaki nga addaan responsibilidad iti nasyon ken addaan sikreto ti pagpagarian a makagargari ket
dayawen da la unay ni Daniel, kasta met ti Dios a dayawen na ken isu ti babaonen Na, ket naikkan ti adu
a pannakaipaltiing dagiti misterio iti mapasungad a panawen. Dagiti nakaskasdaaw a padto, a nailanad iti
libro na iti kapitulo siyete aginggat’ dose (7 to 12), ket saan a nalaka a maawatan uray pay ti mismo a
propeta iti bukod na; ngem sakbay a nagleppas ti trabaho na, naikkan isu ti inanama nga “iti ungto ti
daga” – iti panagserra ti panawen ti pakasaritaan ti sangalubongan – ket mapalubosan manen nga
agtakder iti saad na…

Datayo met, a kas ken ni Daniel ken dagiti kakadwa na, ket mabalin nga agbiag a napudno ken
natakneng ken managibtur. Ken adalen iti daytoy a biag dagiti prinsipiyo ti pagarian iti Dios ken
Mannubbot, … ket agsagana iti maikadwa a yaay Na tapno sumrec a kumuyog Kenkuana iti nailangitan a
taeng. {CC 254}