ALUTEN (RUTING) A NAALAW ITI APUY

(Zacarias 3:1-5)

A. DACKEL A BINNUSOR
1. Iti tallo a bersikulo ti maikatlo a kapitulo ti Zacarias ket saan a mailibak ti
kaadda ti dackel a binnusor iti nagbaetan ti Dios ken ni Satanas.
a. Ni Satanas, ti mangidardarum kadagiti kakabsat, ket kanayon a
nakasagana tapno ibunannag na dagiti pagkapkapsutan dagiti annac ti
Dios. – Apoc. 12:10
b. Ti Anac ti Dios, iti kasungani na, mangaramid ti panangkallub kadagiti
annac Na babaen ti kagay ti kinalinteg Na. – Isa 63:10; 1 Cor 1:30.
2. Ti pagbanagan daytoy a panagbinnusor ket isu ti naisangsangayan a puntos
iti daytoy a leksyon.

B. ALUTEN (RUTING)
1. Ti akusado (wenno managbasol a maidardarum)
a. “imparang na caniac ni Josue a cangatoan a padi”
(1) Josue -ti naespirituan a lider ti Israel – Exod 28:29
(2) Insuot na ti pectoral nga itakderan ti nagnagan dagiti sangapulo ket
dua a tribo ti Israel
(3) Kasta met, ti Urim ken Tumim, a simbolo ti silaw ken kinajustisia –
Exod 28:30
b. Ti kasasaad ti maidardarum
(1) Naiparang iti narugit a pagan-anay – Zac 3:3; Isa 64:6
(2) Ipakita na a ti canagtoan a padi ket managbasol ken natulawan; iti
kasta, ni Satanas aramaten na daytoy a pannacaammo a maibusor iti
Dios – Matt 15:19; Isa 6:5
2. Panangbantay ti Diablo iti biag dagiti annac ti Dios iti panagkibaltang da
a. Ni Satanas ammo na dagiti agpammarang a Cristiano agraman nalatak
ken nalemmeng a basbasol da.
b. Sisasagana a mangidatag iti Dios tapno malapdan ti plano ti Dios a
mangisalakan manipud basol dagiti annac Na.
c. Ibaga ni Satanas iti lubong, “adtoy, imatangan yo ti kinamanagbasol ken
kinadakes dagiti macuncuna nga annac ti Dios”
d. Kasta ti inaramid na iti basol ni Ari David ken ti anac na a ni Solomon.
e. Kasta ti inaramid na iti basol ni Ezekias idi a dagiti babaonen manipud
Babilonia ket immay da agintuud iti milagro ti pannakaagas ti sakit na.
f. “nagtacder ni Satanas iti macannawan”
(1) Ti akem ni Satanas, iti daytoy a kanito, ket kas iti kapadasan ti
panawen ni Job.
(2) Agpagpagna a mangsapsapul ti alon-onen na ni Satanas – 1 Ped 5:8;
Job 1:7
(3) Kasla leon a ngumerngernger ken addaan pungtot ta bassiten ti
tiempo na – 1 Ped 5:8; Apoc 12:12

C. NAALAW ITI APUY

1. Panangbabalaw ni Jehova ken ni Satanas (v4)
a. Padasen ni Satanas nga ilemmeng ti kinapudno nga isu ti sibabasol ken
nasentensiaan a mamapatay – Juan 8:44; Ezek 28:12-18
b. Dagiti sasanto, nga uyotan na nga idardarum iti aldaw ken rabii, ket isu
da ti mangocom kenkuana. – 1 Cor 6:1-3; Apoc 20:1-6
c. Dina incancano ti kinapudno a ti Dios ket nakasarak ti subbot agpaay iti
basbasol dagiti annac Na – Job 33:24
2. Panangikkat na iti narugit a pagan-anay (v4)
a. Ti kinalinteg tayo ket kasla nisnis (narugit a pagan-anay) – Isa 64:6
b. Amin ket natinnag iti pannilud ni basol ken agkurang iti dayag ti Dios –
Gal 3:23; Roma 3:23
3. Panangpalabas na kadagiti basbasol dagiti tattao (v4)
a. Addaan ti Dios iti wagas tapno mawayawayaan tayo manipud iti
panagbiag tayo iti pannilud ni basol – Isa 6:5,6
b. Adda ti silulukat nga agburayok nga ubbog maibusor iti kinarugit – Zac
13:1
c. Ti dara ni Jesu-Cristo isu ti ubbog nga agburayok tapno dalusan na dagiti
basbasol tayo – 1 Juan 1:7-9; 1 Ped 1:18; Apoc 1:5
4. Panangisaad ti nadalus a mitra iti olo (v5)
a. Panangnconsagrar iti cangatoan a padi ti panangisaad iti mitra iti olo na
b. Iparang na a ti Dios insaad na ti pannakaconsagrar dayta a lalaki iti
kinapadi
c. Datayo ti Josue (wenno papadi) iti daytoy a panawen
d. Inton maturpos ti annongen tayo ditoy lubong ket alaen na amin dagidiay
a naugasan iti dara ni Cristo tapno awaten da ti balangat ti dayag Na iti
naisagana a pagarian – 2 Tim 4:7,8