 King lagyu ning Ibpa ampon ning Anak, ampon ning Banal a Espiritu.

Amen.

Pamuklat a Dalit kang Maria:

PAMUKLAT A PANALANGIN
Manimuna: Manalangin tamu.
O Dios a Ibpa mi, ing Indu ning kekang Anak, ing Nuan a Virgen
Maria ing Uliran mi king Kasalpantayanan, kapamilatan ning
kayang pamamilatan at panalañgin pagkalaman mu lang
kasaupan ding atiu king pamañgailañgan, sikanan ding
mañgaina, tula ring maluñgkut, kanuanan at kapayapan ding
sabla ñgening magkapilit kaming manyadsad king
kasalpantayanan, sumulung king pamikalugud, at lumakad
miabe-abe papunta king banua ning nuan a kapanayan.
Iti aduan mi keka, O Dios, king kapamilatan nang JesuCristong
Anak mu, a mabibie at mag-ari kambe mu king kametuñgan
ning Banal a Espiritu, mañgga man king alañg añgga.
Makibat la ring malda:
Amen.
PAMAMASA
Lector: Pamamasang ibat king Evangelio nang San Lucas
Ginayac yang maglacbe i Maria, marapal yang minta king
metung a balen king bulubundukin ning Judea. Caras na king
bale nang Zacarias, pigayan ne i Isabel. Cabud dimdam nang
Isabel ing pamamuge nang Maria, linucsu ya ing pungul kilub
ning atian na at i Isabel kinapnu ya king Espiritu Santo. At
gingcas na king masican a siuala, “Nuan ca* caring sablang
babai! Nuan ya ing bunga ning atian mu! Macananu cung
pangaintuliran king ing ima ning canacung Ginu* datang ya’t
dumalo canacu? Pablasang cabud miras caring balugbug cu
ing pamamuge mu, linucsu ya king tula ing pungul kening
sepupunan cu. Nuan ca, icang sinalpantaya* king matupad ing
amanung pepayabut na keca ning Ginu.”

At i Maria ngana: “Pupurian neng e mu nanu ning caladua cu

ing Ginu,* at metula ya ing espiritu cu king Dios a
talapagligtas cu; uling genaca na ing cababan na nining keang

Santa Ana Parish Liturgical Commission 1|Page

 alipan; ulinita, manibat ngeni ausan da cung nuan ding
sablang dayi, pablasang ing Mayupayang tutu pepaliarian na
canacu ing micacaragul a bage, Banal ing keang lagiu. Ing
pacalulu na mipagcalam caretang atin tacut caya, caring dalan-
dalan a dayi king sablang panaun. Pepakit na ing upaya ning
keang tacde, simbulat no ring palalu ketang capalaluan ning
carelang pusu. Pepaculdasan no ring aring masicanan caring
carelang trono, at ilang tinas na ring pacumbaba.

Kipnuan nong mangayap a bage ring danupan, at tinabi nong

salanta ring atinan. Seupan ne ing Israel a keang alipan, anting
pamigaganaca king keang pacalulu,—antimo ing pengacu na
caretang pipumpunan tamu—cang Abraham ampon caring
palipi na angga king alang capupusan.”

Menatili ya i Maria keta cari Isabel anggang atlung bulan at

caibat na nita minuli ne king pibalebale na.

Ligaya king Ibpa ampon king Anac ampon king Banal a

Espiritu.

Makibat la ring malda:

Antimo ing sadia nang ligaya ibat king kamumulan ngeni at
manga man kapilan. Amen.

PANALANGIN KANG MARIA A TALAPANAMPUN KARING CRISTIANOS

Manimuna: O Maria, Indung Mapanampun karing Cristiano, sari king

kalinangan, itugtug mu karing pusu mi ing pamikasundu at
kapayapan. Iti sanang panyulung ning kabiasnan mamunga
yang lalung malalam a pamiyampangan sarili. Ding sablang
kalam a tinggap mi keka magamit la sana king panyulung ning
pamiabe-abe ding atinan at kalulu, ding matula at maluka.
Deti sanang mayap a kapagnasan at kayaduanan idala ra kami
king kayarian ning kekang Anak nung nukarin mag-ari ing
katuliran at kapayapan. Amen.

Santa Ana Parish Liturgical Commission 2|Page

 PANGAKO KING
NUAN A VIRGEN MARIA, MAPANAMPUN KARING CRISTIANOS
Ikaming Cristiano Catolico, manuknangan king Vicaria nang Maria,
mapanampun karing Cristianos, sasalpantaya kami king tuturu nang
JesuCristo at manalig king kasaupan nang Maria, karing sablang
Cristianos. Itatagulaling ming lubus ing sarili mi king pamikatulad king
kabanalan ng Maria, mibiebie kawangis ning keya layun ilaganap mi ing
lugud at debosyun keya king kekaming pamilia, eskuela, at parokia king
kapamilatan ning panalangin ampon dapat a mayap. Ipangaku mi ing
tuparan mi ing katungkulan mi king Vicaria nang Maria, Mapanampun
karing Cristianos. Mananu na sanang saupan na kami ning Dios ampon
ning Virgen maging tapat king kekaming masusing pangakung iti. Amen.

PAMUPUS A PANALANGIN

Guinung Dios kinatmu king tulang manibatan kaniting sacramento,

panigapu mi kapamilatan ning pamakitulad king Nuan a Virgen Maria
maging tune kami sanang talatuki at tubud nang Cristo, masigasig
makiramdam karing kekang Amanu at mililikas kareti king aldo-aldo
kararaptanan. Iti aduan mi king kapamilatan nang Cristong Ginu mi.
Makibat la ring malda:
Amen.

Dalit Pamupus kang Maria

 King lagyu ning Ibpa ampon ning Anak, ampon ning Banal a Espiritu.
Amen.

Santa Ana Parish Liturgical Commission 3|Page