NI JESUS KAS MAYSA NGA KARPENTERO

Mark 6:1-6 (text. v. 3—a small glimpse of Jesus’ life in his parent’s home)

By Darren C. Cariño
Lord’s Day, July 11, 2021
United Church of Christ in the Philippines

Ita nga aldaw ket intayo man makipagna ken Jesus iti pagkasapulanna a kas maysa nga karpentero.
Maysa isuna nga karpentero iti agarup 15 years, sakbay nga nagbalin nga preacher for 3½ years.
Iti texto nga naibasa, agfocus tayo man iti verse 3. Ngem sublianan tayo ti v.1. “Pimmanaw ni
Jesus iti dayta nga lugar ket nagsubli iti ilina.”

Ania kadi ti kasasaad dagiti ili tayo nga agdama? Nu agsubli tayo, masurotan tayo pay kadi ti
dalan? Am-ammoda tayo pay kadi? Ammo tay pay kadi ti agsubli? Dagiti dadduma nagbalin dan
nga gangannaet iti bukod da nga lugar. 10, 20 years sada makaawid. Ta no nakaadal kan ket
agsublika iti ili nga nakaiyanakam, ket babalawen daka kas ken Jesus. Iti v. 4 “Ket insungbat ni
Jesus, Mapadayawan ti profeta iti sadinuman a lugar, malaksid iti ilana, kadagiti kabagyan ken
familiana.” Gapu ngata ta ammoda ti naggapuanan na nga pamilya ken nagtaudanna.

Ania kadi dagiti ugali nga mabalin tayo nga salimetmetan ken ipreserbar? Ammo tayo kadi ti
aggapas? Tatta awanen. Umay to tiempo nga makinan to ti agsekka ken agraep. Uray nu
agpatakder ka ti balay ket naaramiden, isalpasalpak mo laengen, kumpleton nga balay.

Nagmayat agkammet, rabong, kalunay, kamutit, marunggay ti arubayan, uray ti panagluto ket
malagiptayon dagiti nangannak ken lolo ken lola tayo nga pimmusayen. Amin dagitoy ipakita na ti
kultura nga nagdautan.

Lagipen tayo nga ti evangelio, ket nairugi nga naipaduyakyak iti bassit, napanglaw ken kataltalunan nga
Galilea. Ni Apo Dios ket agtrabaho ken agaramid ti nakaskasdaaw -iti uray iti saan unay nga am-ammo
nga lugar.

Agsubli tayo ti verse 3, ket dagitoy man dagiti naisangsangayan nga pasamak iti biag ni Jesus kas
maysa nga karpentero, nalawag pay nga naisurat nga adda kakabsat ni Jesus iti daytoy nga
versiculo: Santiago, Jose, Judas ken Simon.

I. Ti PANNAKAISAGANA a kas karpentero

Isu ket napadakkel iti maysa nga balay ti karpentero. Ni Jose nga ama na ket maysa nga
karpentero. Ket tradisyon dagiti Judio nga amma nga surwan dagiti annakda iti trabaho da.

A. Maysa nga kadawyan nga tao.

Saan nga kas ken Jesus ti ninamnama dagiti Judio nga umay nga Mesias. Ti ammoda ket ti umay
ket maysa nga naballigi nga Ari nga mangipatakder to manen ti Pagarian ti Judah. Ngem ni Jesus,
nu man pay maysa nga Ari, ket saan nga immay nga Ari – No di ket immay nga nanumo nga
karpentero. Apay? Tapno mailasin isuna kas maysa nga kadawyan nga trabahador.

1. Kas maysa nga karpentero ni Jesus immay tapno maawatan na dagiti rigrigat ti tattao ken dagiti
kasapulanda. Ammona nu kasano ti kabibiag ti agtrabaho ken ti mabannog.

2. Sigurado met ngata nalaing nga karpentero ni Jesus idi panawennna - “Nagsayaay ketdin ti
amin nga aramidna” (Mk. 7:37)

B. Pateg ni Panagtrabaho. Ni Jesus ket saan nga sadot. Ket isu ket maysa nga trabahador!

1. Kas maysa nga karpentero, impakita ni Jesus nga ti uray aniaman nga trabaho nga nalinteg ket
maidaydayaw tayo ti dayag ti Dios.
2. Saan man nga importante no ania ti ar-aramidem ti biag, nu laketdi nadayaw ken agtultuloy
tayo nga napudno iti Dios.

Kastoy man ti mabasa iti tanem sadiay Great Britain: "Here lies Thomas Cobb, who mended shoes
to the glory of God, for 40 years." Amen! We can mend shoes to the glory of God. Mabalin tayo ti
agdait ken agsimpa ti sapatos ket maidaydayaw ti Dios.

II. Ti Propesyon na a kas maysa nga karpentero.

Dua nga parte ti trabaho ti maysa nga karpentero:

A. Ti maysa nga karpentero ket AGARAMID wenno MANGIPATAKDER ti maysa nga banag,

Nu subliananan tayo ti ministry ni Jesus ket adda man dagiti insawangna nga maiyarig ti maysa nga
nanumo nga trabahador:

•Alaenyo ti sangolko ket agsursuro kayo kanyak agsipud ta naemma ken napakumbabaak, ket
masarakanyonto ti inana. (Mt. 11:29
•Kinuna ni Jesus kenkuana, “Ti mangrugi nga agrado sa taliaw nga taliaw saan nga maikari ti
pagarian ti Dios” (Luke 9:62).

1. Jesus is a BUILDER. Isu ti nangaramid ti law-ang, the universe. John 1:3— "Idi punganay, addan ti
Sao, ket ti Sao kadua ti Dios, ket ti Sao, Dios. Manipud idi punganay, ti Sao kadua ti Dios, Pinarsua
ti Dios dagiti isuamin babaen kenkuana. Ket awan ti naparsua no saan a gapu kenkuana.”
2. Bangonenna ti Iglesia (Mt. 16:18) “nga uray ni patay dinto agballigi kenkuana.” Sinno kadi ti
founder ti UCCP? Dagiti American missionaries? Dagiti immuna nga Filipino ministers? Ni Martin
Luther? Ni Enrique Sobrepeña? Ti sungbat ket ni Jesus.
3. Ita, He is ‘building’ a heavenly mansion for us, mangisagsagana ni Jesus ti pagyanan tayo. (John
14:1-3).
4. Iti kasupadina, Ni Satanas ket maysa a destroyer (mangdadael). John 10:10b: "Immay ti tulisan
tapno agtakaw, agpapatay ken agdadael…”

B. Ti karpentero MANGISIMPA ti naperdi nga banag.

No maperdi ti lamisaan wenno tugaw, wenno ti cabinet…sinno kadi ti ayaban tayo? Karpentero.
Ayaban tayo ti karpentero tapno isu ti mangsimpa.

Iti kapadana, dagiti tao iyegda ti naperdi nga bibiagda ken Kristo, ken simpaenna tayo, kas iti ar-
aramidenna agingga ita nga agdama.
1. “Dinanto tukkolen ti naparpara a runo wenno iddepen ti agkurkuridemdem nga silaw, saan to
nga agsardeng agingga iti dina mapagbaliigi ti kinalinteg" (Mt. 12:20).

• Kasla tayo iti dayta nga naparpara nga runo! Naparpara tayo iti rigat ken tuok ti biag. Ngem ni
Kristo, nga karpentero ket umay ket simpaen na tayo!
• Ket no dadduma maiyarig tay met ti agkurkuridemdem a silaw. Ngem ni Jesus saan na nga
iddepen dayta bassit nga silaw mo. No di ketdi immay tapno mataginayon dayta nga silaw!

III. Ti PANAGKITA ti maysa a karpentero

Kasano aya ngata nga agpanunot ti maysa nga karpentero?

A. Ti karpentero kitaen na ti usar (potential) ti maysa nga banag, kas ti maysa nga kayo.
1. “Anya aya ngata ti pakausaran na daytoy?” Saan na nga kuna nga awan serserbinan daytoy
nga kayo. Saan nga isu ti kapanunutan ti maysa nga karpentero. Ti kunana ketdi “Mausarko pay
laeng daytoy”.

2. Ni Jesus kitkittaen na ka tatta – ania kadi ti makita na? Ammo na ti kabaelan tayo! Ammo na
dagiti tools nga usarenna tapno mairuar ti kabaelan tayo. Ammona dagiti pagkapuyan tayo ket
matulunganna tayo. Ammo na nu kaanu tayo nga maasa wenno mai-improve.
B. Ti maysa nga karpentero ket adda PLANONA.

C. Ti maysa a karpentero ket naanus, kitkitaenna ti trabaho agingga malpas.

Iti maysa nga aldaw, dagiti ramit wenno tools ti maysa nga karpentero ket adda taripnongda. Ket
apaman nga mangrugi ti taripnong, pinarwarda ni martilyo ta naariwawa kano. Ngem kuna ni
Martilyo, “No parwarendak, ni Lansa ket sumurot kankayak gapuen ta kasapulan nga taltalen pay
lang ti ulo na tapno agubra. Kinuna met ni Lansa “ No parwarendak ket rebbeng na nga sumurot
kanyak ni Katam guapen ta amin nga aramidna ket narabaw.

Simmungbat met ni Katam, “Rebbeng na ngarud nga sumurot met kanyak ni Ruler ta
mangrukrukod laeng ti ububraenna, kunam laeng no amin nga aramidna ket usto.

Kuna met ni Ruler, parwaren yo pay ni Ragadi, ta nalaing nga mangtukkol ti pagsasaritaan.

Ket idi rugyan ni Karpentero ti Nazareth ti trabahona iti dayta nga aldaw, nagaamid ti pulpit tapno
mausar ti pakayduyakyak ti evangelio. Nagusar ti martilyo, lansa, ruler, ken ragadi. He used the
hammer… nail… planer… ruler… sandpaper, and the saw. After the pulpit was finished, Brother
Saw arose and said, Idi malpas ti pulpit timmakder ni Ragadi ket kinunana “Kakabsat, makitayo nga
amin tayo ket adda paset na iti ima ti Apo.”

IV. Ti IPUPUSAYNA a kas maysa nga karpentero

Natay ni Jesus kas maysa nga karpentero. Natay iti kruz nga ti nausar kenkuana ket ramit ti maysa
nga karpentero—lansa, martilyo, kayo.
A. Ni Jesus nailansa iti kayo nga pinarsuana — "Inawit ni Cristo dagiti basbasoltayo iti kruz tapno
mawayawayaantay ti pannakabalin ti basol ken agbiagtay a nalinteg" (1 Pet.2:24). Mamin-ano
ngata nga nangibaklay ni Apo iti kay-kayo nga usarenna ti shop da tapno dalusanna, gudwaenna,
simpaenna, pinuwenna, ivarnishna?

B. Jesus Built A Bridge (by Phil Cross)

One day they nailed the carpenter to a rugged tree,
Thinking He would never build again.
There they held Him through His hands and feet,
Still He carried out the master plan.
Jesus built a bridge to heaven,
So that we could have a way up to Him.
Jesus built a bridge, the only way He could.
With only three nails and two pieces of wood,
With one rugged cross, Jesus built a bridge.

Isuna laeng ti rangtay nga mapan ken Ama. Kinunana “I am the way the truth and the life, no one
comes to father except by me.”

SUMMATION: Jesus, the Carpenter, (1) impakitana ti pateg ti nalinteg nga trabaho; (2) ket isu
nagaramid ken nangsimpa ti biag; (3) ammona ti kabaelan ken potential tayo; ken (4) Natay a kas
maysa nga karpentero, iti kayo ti krus tapno maisalakan dagiti basbasol tayo.

Idi ni Emperador Julian ket nagmartsa nga mapan ti Persia, dagiti dadduma nga soldado na ket
nakatiliw da ti maysa nga Cristiano, ket pinarigartan da isuna. Kuna ti maysa nga soldado
kenkuana, “Ayan na kadi tay karpentero nga Dios mo?” Tay naibalud, uray no marigrigaten ken
dardara, insungbatna, “Ayan na tatta ti Dios ko nga maysa nga karpentero? Adda isuna sadi langit
ket agisagsagana iti mansion nga pagyanak ken agar-aramid ti lungon para iti emperador mo”. Iti
dayta nga oras, nagdimmag met nga natay ti emperador sadiay Persia.
Agsubli tayo ti kinasimple ti biag, nga ti mabalin laeng nga pagkamangan ket ti Dios. Ni Apo Dios,
kitkitaenna daytoy nga turod nga ayan tayo. Adda pannakaisalakan ti daytoy nga ili tayo. Ni Jesus
ket Apo iti daytoy nga nagtaudan tayo. Ngarud, intayo ken Jesus nga karpentero, ket simpaenna
dagiti parparikut tayo, simpaenna dagiti rigrigat tayo. Agtalek tayo laeng ken Kristo nga isu
mannubot ken Apo tayo.

Saoek ken Jesus (I Must Tell Jesus Hymn)

No adda pagbutbutngam, inka ken Jesus. Agpakumbabaka ken Apo. Ket italekmo ti amin kenkuana.
Ammo ni Apo Dios ta pusom. Saan nga dagiti isawangmo nga saom ti kitaen ti Dios, no di ket ti
tarigagay ti pusom. Let us pray:

"Apo Jesus, masapulka. Luktak ita ti ruangan ti biagko ket idatonko ti biagko kenka mangisalakanko ken Apo. Agyamanak
ti panangpakawanmo kadagiti basbasolko. Sika Apo ti mangituray ti biagko ket pagbalinennak met a tao a kas mayannurot
ti pagayatam. Amen