Лобанова Евгения Михайловна

ФБГОУ ВПО «Сыктывкарский государственный университет»

г.Сыктывкар
25jonika@mail.ru

«В Контакте» сайтын коми кывйӧн вӧдитчӧм

Коми кывйӧн лӧсьӧдӧны художественнӧй литература, публицистика, туялана

уджъяс, канму кабалаяс. Кыв кутіс овны и ӧтуввезын. Торъя сайтъясын позьӧ
лыддьыны и гижны став сёрни стильӧн. Туялӧм сиӧма сёрнитан стильлы, кӧні
тыдовтчӧ торъя мортлöн да социальнöй чукöръяслöн культура. Сёрнитан стиль
колö туявны, медым аддзыны, кыдзи вежсьö (сöвмö либö гöльмö) кыв, медым
аддзыны обществолысь кылöмъяс, вомъёртъяскостса онтошениеяс, сёрнитны
кужöм. Тайö тема дорö колö шыöдчыны и сы вöсна, мый öтуввезса сайтъяс
кыв дорö коми лингвистикаын некод на эз шыöдчывлы.
Социальнöй везъяс пӧвстын медыджыдъясысь ӧти «В Контакте» сайт.
Медводз тайö ресурснас вöдитчисны студентъяс да россияса вузъяс
помалысьяс. Сёрöнджык сійö лои öта-мöд костын йитöд кутан öнія кадся
ыджыд öда средствоöн. «В Контакте»-ӧн вӧдитчӧны уна кывъя йӧз, на лыдӧ
пырӧны и коми войтыр. Сайтын 6300 гогӧр коми кыв тӧдысь.
Ӧта-мöдкöд гижасьöм пырӧ гижöда формаа сёрнитан стильӧ. 108
информантлӧн 562 дю (сообщение) туялӧм подув вылын позьӧ шуны, мый
кывйыс вежсьӧ. Бур, мый сійӧ олӧ ӧтуввезйын, но материалысь тыдовтчӧ, мый
коми кывйӧн вӧдитчысьяс тшӧкыда торкалӧны нормаяс. Сёрнитысь-гижысьяс
пырӧдчӧны уна сикас темаӧ. Налӧн монолог, диалог, полилогъясын тыдовтчӧ
аслыспӧлӧс лексика. Тайӧ фонетикаа (81 - усян, мэскэ:))) (64)) да лексика
диалектизмъяс (23 – А люэсьездӧ ко кыя??? (22). Неологизмъяс петкодлӧны,
мый выль коми кывъяс пырӧны сёрниӧ, кывйыс озырмӧ (78 – электропоштаыс
кутшом налон? (60). Эмӧсь весиг окказионализмъяс (31 – Ассьым медводдза
гижӧдӧс сиа сыроедкалы!  (12). Синтаксис тшупӧдын ми вермим видлывны
пунктуация пасъясӧн вӧдитчӧм. Выльторйӧн миянлы лои, сідз шусяна,
смайлик – эмоцияяс петкӧдлысь пас (50- ме тайо. он эм тодмав))) (30).
Компьютер раскладкаын «ӧ» да «і» шыпасъяс абутӧм вӧсна «В Контакте»
сайтын найӧс аслыспӧлӧса пасйӧны: «ӧ» местаӧ тайӧ пырджык «О», «о:», «о»,
а «і» пыдди - «1» лыдпас. Сайтвывса материал отсалісны гӧгӧрвоӧдны анкета
вылӧ билингвъяслӧн вочакывъяс.