Diocese of Cortes

IGLESIA FILIPINA INDEPENDIENTE

Church of the Solemnity of the Blessed Virgin Mary
Parish of Buenavista
Brgy. Buenavista, Tandag City, Surigao del Sur

ANG HAN – AY SA MATAG GABIING PAG – AMPO

ALANG SA PATAY
 [PALIHOG AYAW PAG DALHA SA INYONG BALAY]
ANG HAN – AY SA MATAG GABIING
PAG – AMPO ALANG SA PATAY

ANG PAGSUGOD
( Kini pagasugdan pinaagi sa pag-awit sa usa ka haum nga
alawiton.Motindog ang tanan atubangan o palibot sa haya.)

Pangulo: Sa ngalan sa Amahan, ug sa Anak, ug sa Espiritu Santo.

Katawhan: Amen.

Pangulo: Mga igsoon: Ania kita karon nagakatigom aron sa pag-

ampo diha sa gugma ug pagtuo alang sa atong igsoon,
(kang _______________) nga mipanaw na pag-una kanato diha sa
kamatayon. Taliwala sa kamatayon, ania kita aron nga dili
sumsama niadtong nawad-an sa Kon dili ania kita nga puno sa
paglaum tungod kay atong Dios mao man ang Dios sa kinabuhi.
Alang kanato, ang kamatayon dili maoy katapusan kon dili
sinugdanan sa kinabuhi diha sa atong Ginoong Hesukristo.
Tungod kay ang atong paglaum mao man ang Ginoong
Hesukristo, maga – ampo kita karon alang sa atong minahal nga
namatay diha niini nga paglaum.
 (Mohilom sa makadiyot u gang tanan molitok sa mosunod
nga pag-ampo.)

Tanan: O Ginoong Hesukristo, ang magbalantay sa katawhan.

Ayaw itugot nga ang paglaum mamatay diha kanamo,
hinonoa ihatag kanamo ang dakong pagtuo ug pagsalig
diha Kanimo. Dad-a kami nga malinawon ngadto sa
lunhaw nga sibsibanan kilid sa matin-aw nga sapa sa
kaluwasan. Ibalik kami Kanimo kon ugaling kami
nahisalaag. Tultuli kami kanunay ngadto sa dalan sa
pagkamatarung ug uban kang __________________,
itugot kanamo ang pagsilong sa Imong landong. Amen.

ANG PAGBASA
( Molingkod ang tanan aron pamation ang pagbasa sa
pagtulun-an gikan sa Balaang Kasulatan. )

Magbabasa: Ang pagbasa kinutlo gikan sa sulat / basahon ni

_______________, Kapitulo __
Naga – sugod sa bersikulo _____ hangtod sa ______.
Magbabasa: Mao kini ang Pulong sa Ginoo.
Tubag: Salamat sa Dios.
(Mahimo nga ang mga basahon kuhaon gikan sa
niining mosunod nga listahan. Usa ka pagtulun-an sa
matag adlaw / gabie sulod sa siyam ka adlaw/gabie. )

Unang Adlaw Ang Tinapay sa Kinabuhi

Juan 6: 35 – 40
Ikaduha ka Adlaw Ang Pagkasala ni Adan ug Eba
Gen. 2: 15:3: 1 – 24
Ikatulo ka Adlaw Ang Paglaum sa Minatay Job 19:
25 – 27
Ika – Upat ka Adlaw Ang mga Kalag sa Matarung
Kaalam 3: 1 – 9
Ika – Lima ka Adlaw Ang Kahibulungan sa Kamatayon 1
Cor. 15: 50 – 58
Ika – Unom ka Adlaw Ang Manununod sa Gingharian
Roma 8: 14 – 17
Ika – Pito ka AdlawPagkabanhaw ni Lazaro Juan 11: 1 –
27
Ika – Walo ka Adlaw Ang Balay sa Amahan Juan
14: 1 – 7
Ika – Siyam ka Adlaw Ang Panon sa Niluwas ni Kristo
Pinadayag 7:9 – 17

(Human sa pagbasa, mohilom sa makadiyot aron

sa pagpamalandong sa pagtulun-an. )

ANG SALMO 130

( Mahimo nga ilisan kining Salmo 130 sa Salmo 5, 6, 23, 39 o

kaha 51. Basahon kini sa tubag – tubag nga paagi.)
Pangulo: Gikan sa kinahiladman sa akong kasinkasing Kanimo Dios
nagatuwaw, itugot nga Imong dalunggan maminaw sa
akong mga pangaliyupo.
Katawhan: Kon Ikaw, O Dios ang mag tan-aw sa akong mga
sala, kinsa man O Dios ang maluwas? Apan adunay
 kapasayloan diha Kanimo, tungod niini angay ikaw
kahadlukan.
Pangulo: Nagapaabot ako sa Ginoo, ang akong kalag nagapaabot
Kaniya, sa Iyang mga pulong anaa ang akong paglaom.
Ang akong kalag nagapaabot sa Ginoo, labaw pa kaysa
magbalantay sa kabuntagon.
Katawhan: O Israel paabuta ang Ginoo, tungod kay sa Dios
anaa ang kaluoy. Diha Kaniya ang madagayaong pasaylo,
ug Iyang luwason ang Israel sa tanan niyang kalapasan.
Pangulo: Himaya sa Amahan, ug sa Anak, ug sa Espiritu Santo.
Katawhan: Sama sa sinugdan, karon ug sa kahangturan. Amen.

(Dinhi na bahin mahimo nga ang pangulo mohatag sa iyang

pagpakig-ambit o pamalandong. Pagkahuman sa pagpakig-ambit,
motindog ang tanan alang sa pag-awit sa haum nga himno o
alawiton. Human sa pag-awit, himuon ang pagbasa sa litaniya.)

ANG LITANIYA

Pangulo: Alang sa atong igsoon ( __________________ ), maga –

ampo kita sa atong Ginoong Hesukristo kinsa miingon: “
Ako ang pagkabanhaw u gang kinabuhi.”
Ginoo Imong gilipay si Marta ug si Maria sailing kasubo
sa pagkamatay sa ilang igsoon, duol usab kanamo nga
nagsubo sa pagpanaw sa among igsoon.

Katawhan: Ginoo, dungga ang among pag – ampo.

Pangulo: Ikaw nga miingon kanamo, “ Duol kamo kanako,
kamong tanan nga gikapuyan ug gibug-atan kay
papahulayon ko kamo; “ tipigi ang among igsoon diha sa
malinawong pagpahulay.

Katawhan: Ginoo, dungga ang among pag – ampo.

Pangulo: Mihilak Ka sa lubnganan sa Imong higala nga si Lazaro;

sa kamatayon sa among igsoon, sud-onga kami ug lipaya
kami sa among kasubo.

Katawhan: Ginoo, dungga ang among pag – ampo.

Pangulo: Diha sa ibabaw sa krus, gisaad Mo ang Imong paraiso sa

kawatan nga mahinulsulon; dad-a ang among igsoon
ngadto sa langitnong kalipay.

Katawhan: Ginoo, dungga ang among pag – ampo.

Pangulo: Hupaya kami sa among kaguol sa kamatayon sa among

igsoon, himoa nga unta ang among pagtuo Kanimo
maoy makalipay kanamo u gang kinabuhing dayon maoy
among paglaum.

Katawhan: Ginoo, dungga ang among pag – ampo.

Pangulo: Sa Imong pagkamatay sa krus ug sa Imong paglubong,

unta namatay uban Kanimo ang among mga gawi nga masupilon.

Katawhan: Ginoo, dungga ang among pag – ampo.

Pangulo: Sa Imong mahimayaong pagkabanhaw, Imong gipukan
ang gahum sa kamatayon: hinaut unta nga kaming
imong mga alagad u gang among igsoon nga namatay
( ______________ ) makaambit sa himaya ug gahum sa
Imong pagkabanhaw.

Katawhan: Ginoo, dungga ang among pag – ampo.

Pangulo: Sa Imong pagkayab sa langit aron sa pag – andam sa

lawak niadtong tanang mituo Kanimo, modangat unta
kanamo, ilabina sa among igsoon nga namatay ang
katam-is sa Imong himaya.

Katawhan: Ginoo, dungga ang among pag – ampo.

Pangulo: Maloloy-on nga Amahan, maga – ampo kami Kanimo nga

ihatag kang (______), ug sa tanang nangamata, ang
pahulay nga dayon. Itugot nga ang walay pagkapalong
nga kahayag modan-ag kanila, ug pinaagi sa Imong
kaluoy, sila makaangkon sa kinabuhing walay katapusan
uban kang Hesukristo nga among Ginoo. Amen.

ANG PAGTUO

Pangulo: Puno sa pagsalig sa kinabuhing dayon, uban kang

Hesukristo, ipadayag nato ang pagtuo sa pag-ingon:

Tanan: Nagatuo ako sa Dios; ang Amahan nga

makagagahum, ang magbubuhat sa langit ug sa yuta.
Nagatuo ako kang Hesukristo, ang Iyang bugtong Anak,
among Ginoo, gipanamkon Siya sa lalang sa Espiritu
 Santo ug gipakatawo ni Birheng Maria. Gisakit Siya sa
panahon ni Poncio Pilato, gilansang, namatay, ug
gilubong. Mikanaog Siya ngadto sa mga patay. Sa ikatulo
ka adlaw nabanhaw Siya. Misaka Siya sa langit, ug
nagalingkod sa tuo sa Amahan. Mobalik Siya pag-usab
aron sa paghukom sa mga buhi ug sa mga patay.
Nagatuo ako sa Espiritu Santo, sa Santos ug
katoliko nga Simbahan, sa kahiusahan sa mga balaan, sa
kapasayluan sa mga sala, sa kabanhawan sa lawas, ug sa
kinabuhing walay katapusan. Amen.
ANG PAG – AMPO

Pangulo: Ginoo, malooy Ka.

Katawhan: Krsito, malooy Ka.
Pangulo: Ginoo, malooy Ka.

Pangulo: Mag – ampo kita:

Tanan: Amahan namo sa langit, Simbahon ang Ngalan Mo.
Umabot kanamo ang Gingharian Mo, sundon ang
pagbuot Mo dinhi sa yuta maingon sa langit. Hatagi kami
karon sa among kalan-on sa matag adlaw. Pasayluon Mo
ang among mga kasal-anan, maingon sa pagpasaylo
namo sa mga nakasala kanamo. Ug ayaw kami pag –
itugyan sa panulay. Hinonoa, luwasa kami sa dautan.
Tungod kay Kanimo nag’gikan, ang Gingharian u gang
kagahuman u gang kahimayaan, karon ug sa
kahangturan. Amen.

Pangulo: Sa ganghaan sa kadautan.

Katawhan: Luwasa siya O Ginoo.
Pangulo: Ihatag kaniya ang pahulay nga dayon.
Katawhan: Amen.

Pangulo: Ginoo, dungga ang among pag – ampo.

Katawhan: Ug mudangat unta Kanimo ang among gipangayo.
Pangulo: Mag – ampo kita: (alang sa hamtong nga namatay)
Dios, Imong kinaiya ug gawi sa kanunay ang pagka
maluluy-on ug pagka mapinasayluon: Dawata ang
among mapaubsanong pag-ampo alang kang
____________________, nga karon Imong gitawag aron
mobiya na sa kalibutan: ayaw siya hikalimti sa dayon,
hinonoa sugoa ang Imong balaang anghel sa pagdawat
kaniya diha sa Imong paraiso. Tungod sa iyang paglaum
ug pagtuo Kanimo, siya unta dili mag-antos sa kasakitan
kon dili maangkon niya ang kalipay sa kinabuhing dayon;
pinaagi ni Hesukristo nga among Ginoo.

Katawhan: Amen.

Pangulo: Mag – ampo kita: (alang sa bata nga namatay)

Dios, kansang pinangga nga Anak nga si Hesukristo
mikuha sa mga bata diha sa Iyang mga bukton ug
mihatag kanila sa panalangin: Ihatag kanamo ang grasya
sa pagtugyan kang _______________ ngadto sa Imong
walay pagpakyas nga pag-amuma ug paghigugma, ug
dad-a kaming tanan ngadto sa Imong langitnon nga
Gingharian; pinaagi kang Hesukristo nga among Ginoo,
Siya nga nagapuyo ug nagahari uban Kanimo ug sa
Balaang Espiritu, us aka Dios, karon ug sa kahangturan.

Katawhan: Amen.
Pangulo: Hinaut unta nga ang mga anghel motultol kaniya sa
paraiso u gang mga balaan mosugat kaniya sa iyang pag-
abot ug modala kaniya sa kahiusahan sa langitnong
panon sa mga binunyagan.

Katawhan: Amen.
Tanan: Sa Ngalan sa Amahan, ug sa Anak, ug sa Espiritu
Santo. Amen.
( Mahimong awiton dinhi ang us aka haum nga himno o alawiton
isip panapos sa pag – ampo. )