五分鐘個人短講

關於我係中大搭校巴這檔事

今日想同大家分享一件好平常，但係又好值得思考嘅一件事。
相信大家都有試過係中大搭校巴啦？咁唔知大家又會唔會係落車 ge 時候同司機
講唔該呢？係啦 咁我就想同大家分享一下關於係中大搭校巴講唔該這檔事

咁點解我會想講呢個題目呢，其實就係因為我地第一年入學果陣因為疫情嘅緣
故啦，我地就冇咩機會翻學校上堂啦，所以搭校巴嘅機會都唔多。直到第二年
開始上面授課堂嘅時候，機會每日都要搭校巴去唔同地方上堂。咁係呢個時候
我就察覺到一個現象，就係有唔少人都會係落車嘅時候同司機講唔該。

跟住我就覺得有 D 奇妙，就係自己係外面搭巴士、小巴果陣都幾乎冇聽過有人
會同司機講唔該，但係黎到中大反而會有人會咁做。一開始我會覺得係一種人
情味啦，畢竟大家都要係中大生活好長嘅一段時間，咁久而久之就會對中大產
生歸屬感，或者可能因為同 d 司機成日見，所以有一種親近嘅感覺。

咁我有一個係中大嘅朋友，平時同佢搭車果陣佢都會講唔該嘅。咁我就問佢話
點解你會同司機講唔該嘅？之後佢比我嘅答案係令我有少少驚訝。佢就話 因為
見前面 D 人個個都講，自己唔講就顯得好冇禮貌咁。

佢呢句說話其實係好值得令人反思。唔知幾多人同司機講唔該係出於呢個原因？
之後我開始不斷思考，歸納左幾個我地會講唔該嘅原因。第一個係真係發自內
心的感激。第二個係 中國文化傳統就係禮尚往來啦，佢車完我所以我就同佢講
翻句唔該表示禮貌。第三個就係之前提及到嘅羊群心理。

我自己認為非自發性講唔該係一種唔健康嘅現象黎嘅。感激應該係一種發自內
心的說話黎，係一種表達自己想感謝對方嘅想法，而唔係人地做所以自己都跟
住做，咁樣係冇咩意思，我諗如果司機知道左你係點諗嘅佢都唔會高興。同埋
亦都唔係一種帶有交換性質嘅野。

係呢度總結一下就係，希望每個人都可以係實踐呢 D 禮儀嘅時候諗清楚 D，問

下自己到底點解會講呢句唔該，到底係真係心存感激定係因為其他？唯有係前
者，即係自發性嘅感恩先可以令到成個社區更加溫暖，亦都可以令人收穫幸福
感。相反，如果我地講唔該並非出自內心嘅話，我地只不過係上左發條嘅機器
人。不過，我相信大家都真係想多謝翻個司機所以先咁講嘅，特別係我地追巴
士嘅而個司機等埋你嘅時候！最後我想講嘅就係 ，係每個人人都帶住一幅撲克
牌面的冰冷世界入面，中大確切地給了我們一種溫暖的感覺。