GOZOS
Kang Juan de Vargas nga agalon mo
San Isidro Labrador
Sa Madrid hamiling patron
Tabangi kami kutob nianang trono
Sa himaya nga gihatag sa Diyos
kanimo
Natawo ka sa kapobre na dako
Apan tungod sa imong kayo
Nahaisip ka sa usa ka dato
Sa walay nakulang sa pagpuyo
Tabangi kami… etc.
Ang kahimtang nga magdadaro
Gipili sa kaputli mo
Ug sa kanunay gihimo
Sa makugihon na kamot mo
Tabangi kami… etc.
Inigbugwal mo sa yuta
Nga sa singot mo giagayan
Gipalandong mo diha
Ang pagkawalay pulos sa kalibutan
Tabangi kami… etc.
Ang langit gitinguha mo
Sa kainit nga santos ug kalomo
Sa paglipay lamang sa Ginoo
Kanunay mo kini nga gihimo
Tabangi kami… etc.
Sa pagsilbi mapaningkamuton
Sa imong Senyor na agalon
Busa ikaw ang panig-ingnan
Sa magdadaro nga kahimtang
Tabangi kami… etc.
Kay sa dili pa magtrabaho
Ang pagbisita sa Simbahan
Sa mahal nga birhen ta nga inahan
Mao kini ang unahon mo
Tabangi kami… etc.
Gisumbong ka na kuno taspukan
Tungod sa hataas nga tiyempo
Sa pagbisita mo sa mga Simbahan
Tabangi kami… etc.
Sa dihadiha gipangita ka
Sa dakong kasubo sa kalag niya
Apan nakita niya nga ilis kanimo
Ang duha ka anghel na magdadaro
Tabangi kami… etc.
Sulundon ka sa mga pag-antus
Salamin ka sa paghigugma
Ug sa mga minyo na kastos
Panig-ingnan ka sa pagpenitencia
Tabangi kami… etc.
Kasiyaman ka tuig ang edad mo
Ang grasya sa Dios magpuyo kanimo
Busa imo gayud gidaug
Ang panulay nga mabaskug
Tabangi kami… etc.
Napuno ka diha sa himaya
Sa langit makagagahum ka
Ug sa Dios gibuhat ka
Patron sa kapital sa Espanya
Tabangi kami… etc.
Mga lungsod sa dakong paglaum
Nanangop sa mga kalisod nila
Sa panabang mo na walay ikaduha Oh
Santos ko nga hinigugma!
Tabangi kami… etc.
San Isidro Labrador
Sa Madrid hamiling patron
Tabangi kami etc.